मारकु 7:4 - ॱलोवा

⁴ धेनी खुङक्‍या ठोम्‍साने हुङना, लाक्‍पा ठी़री माना मेशालाक। धोराङा फोरा धाङ राक्‍जाङ धाङ शाङगी ॱनो़क्‍या चाङमा शोगीन लुक्‍सो़ च्‍योक्‍रे, श्‍येम्‍मा ॱमीच्‍यीकी माङा खुङक्‍या ॱरुङालाक।

मारकु 7:4 Iomraidhean Croise

मेथा 23:25

“खे शोक्‍पो क्षो़ठीमगी ॱलोपो़न धाङ फारुसीपाक्‍याला दुक्‍ङा क्षे हुङास्‍योक। घीझ्‍येरी ॱनाना खेक्‍या फोरा धाङ देरमागी फीगो चाङमा झ्‍यीदालाक हीना नाङगोला सो़न्‍ना धाङ राङदो़गी खारी धेदालाक।

मेथा 23:26

खे फारुसीपा श्‍याराक्‍या एन्‍ला फोरा धाङ देरमागी नाङगो चाङमा शो़ धेनी फीगोवा चाङमा झ्‍युङगीलाक।

मेथा 27:24

धा पीलातुगी खोरी घीया झ्‍यी ॱमीथुप्‍कीन, हीना ॱयोल्‍ले ॱङ्योक्‍टा लाङगु झ्‍यीगीनगो थोरी, खी़ मीमाङक्‍याई दोङदु क्षु खेरती लाक्‍पा ठी़वालाक धेनी ॱनेवालाक, “दे मी दी ठाकगी क्‍यो़न ङाला फोक्‍येमेक। दे खीकी गोवाला फोक्‍कीलाक।”

मारकु 7:8

“खेक्‍या को़न्‍क्षोकगी काला भोरती मीगी लुक्‍सो़गो ॱरुङालाक।”

योहान्‍ना 2:6

धा होदुरु याहुदापाक्‍याई चाङमा झ्‍यीगीन लुक्‍सो़गी क्षीला, ॱमाना ग्‍या चो़ स्‍योङगीन जामा ढुक हो़तालाक।

योहान्‍ना 3:25

धा चाङमा झ्‍यीगीन ॱरोगी कोरला योहान्‍नागी ङेनेक्‍याने, रीङगा धाङ याहुदापा च्‍यीकगी घुङला ढो़लीङ स्‍योरपालाक।

ईब्‍रीपा 9:10

देक्‍या नी शाये धाङ थुङये धाङ ठी़ ॱनाछोक झ्‍यीगीनगी ॱरो च्‍यीगा लाक। धेनी को़न्‍क्षोकने का साबा ॱमाथोप थुक्‍पे, देक्‍या नी फीदाने झ्‍यीगीन ठीमक्‍या लाक।

याकोब 4:8

खेक्‍या को़न्‍क्षोकगी ङ्येला स्‍योक धेनी खोङबा खीकी ङ्येरु फेप्‍कीलाक। धीक्‍चेनक्‍याओ, राङगी लाक्‍पा चाङमा शो़। साम्‍लो ॱङी ताङगीनक्‍याओ, राङगी सेम चाङमा शो़।

१ योहान्‍ना 1:7

हीना खोङबा हो़क नाङला हो़गीन च्‍योक्‍रे होराङक्‍या हो़क नाङला ग्‍युक्‍ना, होराङक्‍या च्‍यीकगी च्‍यीक नाङदु थी़न्‍डील झ्‍युङालाक धेनी खोङबागी से येशुगी कुठाकगी होराङक्‍याला, धीक्‍पा घीरीने चाङमा जेदालाक।