मारकु 7:34 - ॱलोवा

³⁴ धेनी खोङबागी नाम्‍खा स्‍योकला शीक्‍ती, उप स्‍युक जेदी खोला सुवालाक, “एफ्फाथा!” होदे ॱनाना, “भेवा स्‍योक।”

मारकु 7:34 Iomraidhean Croise

मारकु 1:41

ॱङीङ झ्‍येरी येशुगी क्षाक क्‍यारी, खोला जुरी सुवालाक, “ङा ख्‍यो़ ढाक्‍येगी दो़पा हो़क।”

मारकु 15:34

धेनी छुची सुम्‍बाला, येशुगी सुङकेक क्षेला सुवालाक, “ईलोई, ईलोई, लामा साबाक्‍थानी?” दी दो़न्‍दाकगो, “ङी को़न्‍क्षोक, ङी को़न्‍क्षोक, खेकी ङाला घीझ्‍येरी पाङा हीनो?”

मारकु 5:41

धेनी मी़ लाक्‍पाने शीम्‍दी, खोङबागी मोला सुवालाक, “तालीथा कुमी।” दे ॱनाना “भोमो च्‍यीमे, ङा ख्‍यो़ला लोङ ॱनेरी ॱनाहीन।”

मारकु 6:41

धेनी खोङबागी ग्‍याङगा ॱङा धाङ ङ्या ॱङीगो क्षाकदु ॱनुम्‍दी, नाम्‍खाला शीक्‍ती झ्‍यीलाप जेदी ग्‍याङगागो च्‍या जेपालाक। धेनी मीमाङक्‍याला घोयेला ङेनेक्‍याला ॱनावालाक। धेनी ङ्या ॱङीगोवा घीरीला घो़वालाक।

मारकु 7:35

उक्‍कुरा च्‍यीकला खी़ आमच्‍योक भेवालाक धेनी च्‍येमोगो डोवालाक धेनी खो लाब स्‍यारी ताङ थुप्‍कीन झ्‍युवालाक।

मारकु 8:12

येशुगी सेम नाङने उप रीङबो ताङ जेदी सुवालाक, “दे मीराप दे घीझ्‍येरी ताक चालाले? ङा ॱङोन्‍ने ॱनाहीन, दे मीरापला ताक च्‍यीया ॱमेतो़न्‍गीलाक।”

लुका 18:42

धेनी येशुगी खोला सुवालाक, “ख्‍यो़ थोङवा स्‍योक। ख्‍यो़री धेपागी ख्‍यो़ला चो़गा झ्‍येवालाक।”

लुका 19:41

येशु येरुसालेमगी भोलोक्‍तु फेप्‍पालाक धेनी ग्‍याजागोला थोरी खोङबा स्‍युमा जेपालाक,

लुका 7:14

धेनी खोङबा भोलोक्‍तु फेप्‍ती फुङबु हो़गीन, ख्‍योकस्‍यीङला ज्‍युवा जेपालाक धेनी फुङबु खेरकीनक्‍या घुक्‍पालाक। धेनी खोङबागी सुवालाक, “ख्‍योक्‍तोङ ख्‍यो़, ङा ख्‍यो़ला लोङ ॱनाहीन।”

योहान्‍ना 11:33

येशुगी मो धाङ मी़मुला हो़गीन याहुदापाक्‍या ङुगीनगो शीक्‍ती, खोङबा ॱमीच्‍यीकी थुक फाम्‍दी सेम क्‍योवालाक।

योहान्‍ना 11:35

येशु स्‍युम्‍बालाक।

योहान्‍ना 11:38

येशु याङ थुक फाम्‍दी, धी़ठोदु फेप्‍पालाक। धी़ठोगो नी डाक्‍फु च्‍यीक हो़तालाक। धेनी होदे घोगोला, धोगोङ क्षे च्‍यीक श्‍याक हो़तालाक।

योहान्‍ना 11:41

धा खुङक्‍याई धोगोङगो ॱहाला झ्‍येवालाक धेनी खोङबागी चेन या शीक्‍ती सुवालाक, “ङी याप, खेराङगी ङाला सेन्‍गीनगोला थुक्‍चीक्षे श्‍यी़लाहीन।

योहान्‍ना 11:43

खोङबागी देरे सुङसारती, सुङकेक क्षेला सुवालाक, “लाजार, फीला थो़न्‍दी स्‍योक।”

योहान्‍ना 17:1

धेनी येशुगी दे काक्‍या सुङसारती, नाम्‍खाला चेन शीक्‍ती सुवालाक, “के याप, धा धी़ भाप्‍ती, सेगी खेराङगी शीजे ॱङो़न्‍येगी क्षीला, खेराङगी सेगी शीजे ॱङो़न्‍दु जे।

जेपा 9:34

पेटोगी खोला ॱनेवालाक, “एनीया, येशु मास्‍यीकागी ख्‍यो़ला चो़गा ॱनाङगीलाक। लोङ धेनी ख्‍यो़री तेन तोब।” धेनी लाम्‍साङ खो लाङबालाक।

जेपा 9:40

पेटोगी खुङ घीरीला फीला तो़न्‍दी, पीमु चुक्‍ती सोवा ग्‍याप्‍पालाक। धेनी फुङबु स्‍योकला तेरी ॱनेवालाक, “ताबीथा लोङ।” धेनी मी़ ॱमीक तेवालाक धेनी पेटोला थोरी मो लावालाक।

ईब्‍रीपा 4:15

घीझ्‍येरी ॱनाना होरी थापक्‍योवागोला ॱङीङजे जे ॱमीथुप्‍कीन, चो क्षो़पो़न होराङला मेतालाक। होराङ च्‍योक्‍रे दो़न घीरीला छो़ताला छी़दीयाः, खोङबागी धीक्‍पा च्‍यीया ॱमाझ्‍येवालाक।