मारकु 7:21 - ॱलोवा

²¹ घीझ्‍येरी ॱनाना मीगी खोक्‍पा नाङने साम्‍लो ङेन्‍पाक्‍या धाङ छेउछेमु झ्‍यीगीन धाङ कुमा कुये धाङ मी सेये धाङ

मारकु 7:21 Iomraidhean Croise

मेथा 15:19

घीझ्‍येरी ॱनाना सेम नाङने साम्‍लो ङेन्‍पाक्‍या धाङ मी सेये धाङ लोक्‍येम धाङ दो़लोक धाङ कुमा कुये धाङ पाङपो शोक्‍पो तेरये धाङ ॱमेबेप झ्‍यीयेक्‍या थो़न्‍दालाक।

मेथा 9:4

हीना येशुगी खुङक्‍याई साम्‍लोक्‍या खेन्‍दी, सुङा जेपालाक, “खेक्‍या घीझ्‍येरी खेरी सेम नाङदु साम्‍लो ङेन्‍पाक्‍या ताङा?

मारकु 7:20

धेनी खोङबागी याङ सुवालाक, “मीगी खोक्‍पा नाङने थो़न्‍गीनगी, खोला ॱमेचाङा शोवालाक।

मारकु 7:22

लोक्‍येम धाङ ॱहाम्‍बा धाङ ङेन्‍पा धाङ गोकोर धाङ दो़छाक धाङ ठादोक धाङ ठामा धाङ ङागेल धाङ ॱलेन्‍पाक्‍या थो़न्‍दालाक।

लुका 16:15

खोङबागी होदेक्‍याला सुवालाक, “मीक्‍याई दोङदु राङला ढाङपो तो़न्‍गीनगो, खेराङक्‍याराङ लाक हीना को़न्‍क्षोकगी खीकी सेम खेन्‍दालाक। मीक्‍याई दोङदु थोवा चीगीनगो, को़न्‍क्षोकगी शीक्‍ताङला आम्‍लोवा हुङालाक।”

जेपा 5:4

होदे सा ॱमाचो घाङला, होदे खेरीराङ लाक धेनी चोरी होदेने होवा आलेगोवाः खीकीराङ लाक। होदेने खेरी थेगीनगो तेरना, ढीक्‍ये हो़तालाक। घाङगी झ्‍येरी राङगी सेमला हुरे शोक स्‍येयेगी साम्‍लो खोरजो? खेक्‍याई मीमुला मालाक हीना को़न्‍क्षोकमुला शोक स्‍येवालाक।”

जेपा 8:22

ख्‍यी़ साम्‍लो ङेन्‍पागोला ग्‍यो़पा झ्‍यी धेनी देरे साम्‍लो ताङगीनगोला च्‍यीक झ्‍यीना घोङपा रास्‍योक ॱनेरी, चोवोला सोवा ग्‍योप।

रोमापा 7:5

घीझ्‍येरी ॱनाना होराङ धीक्‍पे राङश्‍यीला छोवा क्‍याली घाङला, क्षो़ठीमगी झ्‍येरी लाङगीन दो़छाकक्‍याई होरी ली़ला लेगा कुलालाक। दी झ्‍येरी होराङक्‍याई छीवागी क्षीदु ढेबु केवालाक।

रोमापा 7:8

हीना धीक्‍पागी कागी गोने घोकाप जोरती, ङी सेमला ॱहाम्‍बा ॱनाछोक केरु च्‍युक्‍पालाक। क्षो़ठीम मेना धीक्‍पा स्‍यीस्‍या च्‍योक्‍रे लाक।

कोलोसेपा 3:5

होझ्‍येरी खीकी नाङला हो़गीन लोक्‍येम धाङ ॱमेचाङा धाङ दो़क्षाक धाङ दो़ङेन धाङ कुन्‍डाला क्षो़ये हीन्‍गीन, दो़ङाम च्‍योक्‍रे जीक्‍तेनगी स्‍यीकाक्‍या सो़।

तीतोस 3:3

थेङ च्‍यीकला होराङक्‍याः ॱलेन्‍पो धाङ खाला मेङेन्‍गीन धाङ गो खोरती धेता धाङ दो़पा धाङ दो़ङेन ॱनाछोकगी वाङदु स्‍योरस्‍या धाङ ॱमीच्‍यीकी ङेन्‍पा धाङ ठादोकगी, खाङखा हो़तालाक। मी घीरीगी होराङला दाङा झ्‍येवालाक धेनी होराङ नाङदु च्‍यीकगी च्‍यीकला दाङा झ्‍येवालाक।

याकोब 2:4

धा खेक्‍या खेरी नाङदुराङ ॱयेवा झ्‍येरी, खेक्‍या साम्‍लो ङेन्‍पागी ठीम्‍पो़न झ्‍युवामाले?