मारकु 7:19 - ॱलोवा

¹⁹ घीझ्‍येरी ॱनाना होदे खी़ सेमला मेन्‍दा, फोवाला डोवालाक धेनी होदे फीला थो़न्‍दालाक।” (देरे सुरी येशुगी शामा घीरी चाङमा लाक सुरी सेटाक जेपालाक।)

मारकु 7:19 Iomraidhean Croise

मेथा 15:17

खा नाङदु डोगीन घीरी फोवा नाङदु जुरी, फीला थो़न्‍गीनगो खेक्‍याला क्षा मेताले?

मारकु 7:18

येशुगी खुङक्‍याला सुवालाक, “खेक्‍याः हुरे ॱलेन्‍दा ले? फीने खोक्‍पा नाङदु जुगीन घीन्‍गीया, होदे मीला ॱमेचाङा मेशोगीलाक ॱनेरी खेक्‍याला क्षा मेते?

लुका 11:41

हीना नाङला हो़गीनगो उटेक्‍याला ज्‍यीम्‍बा तोङ धेनी ख्‍यी़ क्षीला घीरी चाङमा झ्‍युङगीलाक।”

जेपा 10:15

धेनी केकगी धाब्‍ले सुवालाक, “को़न्‍क्षोकगी चाङमा जेगीनला ख्‍यो़ ॱमेचाङा ॱनेरी ॱमाना।”

जेपा 11:9

हीना नाम्‍खे श्‍यीङखामने केकगी़ धाब्‍ले सुजुङ, ‘को़न्‍क्षोकगी चाङमा शो़सागोला ख्‍यो़ ॱमेचाङा ॱनेरी ॱमाना।’

१ कोरीन्‍थुपा 6:13

खेक्‍या “फोवागी क्षीदु शामा धाङ शामागी क्षीदु फोवा लाक।” ॱनेरी ॱनालाक हीना को़न्‍क्षोकगी दे ॱङीगाराला मेताला जेगीलाक। धेनी ली़ नी, लोक्‍येमगी क्षीदु मेन्‍दा चोवोगी क्षीदु लाक धेनी चोवो नी, ली़गी क्षीदु लाक।

कोलोसेपा 2:16

होझ्‍येरी शाये-थुङये याङना धी़छेन याङना ॱनाम्‍गाङ याङना ङासुगीन ङीमाक्‍या ॱरुङयेगी कोरला, मी सी़या खेक्‍याला क्‍यो़न चुक्‍तु ॱमाच्‍युक।