मारकु 6:6 - ॱलोवा

⁶ खुङक्‍याई धेपा मेगीनगो शीक्‍ती, येशु ॱहालेवालाक। धेनी खोङबा यु-युक्‍याला फेप्‍ती, क्षो़ ॱनाङा जेपालाक।

मारकु 6:6 Iomraidhean Croise

मेथा 4:23

धेनी येशु गालीलगी छोक घीरीला फेप्‍ती, खुङक्‍याई छोक्‍खाङक्‍याला क्षो़ सुरी, नाम्‍खे ग्‍यासीगी ताम्‍शाङ दे सेटाक जेपालाक। धेनी नाजा घीरी धाङ मीमाङला हो़गीन नेको़न घीरी चो़गा जेपालाक।

मेथा 8:10

येशुगी दे सेन्‍दी, खोङबा याम सावालाक धेनी खोङबागी स्‍याबाला डागीनक्‍याला सुवालाक, “ङा खेक्‍याला धेन्‍पाराङ ॱनाहीन, ईस्‍राएलगी नाङदु ङी दे च्‍योक्‍रे धेपा थोङ माङ्युङ।

मेथा 9:35

धेनी येशु ग्‍याजा घीरी धाङ यु घीरीगी छोक्‍खाङक्‍याला, क्षो़ तो़न्‍दी धाङ ग्‍यासीगी ताम्‍शाङगो सेटाक जेदी फेप्‍पालाक। धेनी नाजा घीरी धाङ नेको़न घीरी चो़गा जेदी फेप्‍पालाक।

मारकु 1:39

धेनी छोक्‍खाङक्‍या नाङदु क्षो़ सुङी-सुङी धाङ डेक्‍या तो़न्‍दा जेदी-जेदी, खोङबा गालीलगी साज्‍या घीरीदु फेप्‍पालाक।

मारकु 10:1

धेनी येशु होदेने योरदान चाङबु ॱहाकीनगी, युदेया युदु फेप्‍पालाक। धेनी याङ मीछोक माङा खोङबागी डामदु जोम्‍बालाक। धेनी च्‍योई च्‍योक्‍रे, खोङबागी खुङक्‍याला क्षो़ ॱनाङा जेपालाक।

लुका 13:22

धेनी येशु ग्‍याजाक्‍या धाङ युक्‍याने झ्‍युरी, क्षो़ स्‍येया जेदी-जेदी येरुसालेम स्‍योकला फेप्‍पालाक।

लुका 4:31

होदे स्‍याम्‍ने येशु गालील युगी काफारनाहुमदु फेप्‍पालाक। धेनी ङासुगीन ङीमाला खोङबागी खुङक्‍याला क्षो़ तो़न जेपालाक।

लुका 4:44

होझ्‍येरी खोङबा युदेयागी छोक्‍खाङक्‍याला फेप्‍ती, क्षो़ तो़न जेपालाक।

योहान्‍ना 9:30

धेनी होदे मीगी़ ॱनेवालाक, “खेन्‍छाला, खो घाने फेप्‍कीनगो खेक्‍याला स्‍येये मीदुक हीना खी़ ङी ॱमीक पेवालाक।

जेपा 10:38

धेनी नाजारेतगी येशुला को़न्‍क्षोकगी धाम्‍पे थुक्‍ङी धाङ नी़पागी दामा जेजागो, खेक्‍याला स्‍ये हो़तालाक। धेनी को़न्‍क्षोक खोङमुला झ्‍येरी, येशु फेप्‍सा घीरीला लेशाङ धाङ धी़कगी आङजाला ॱनेम्‍ना घीरीला, चो़गा झ्‍येरी फेप्‍पालाक।