मारकु 6:56 - ॱलोवा

⁵⁶ धेनी यु धाङ ग्‍याजा धाङ साज्‍या घारु खोङबा फेई, होदुरु खुङक्‍याई ठोम्‍साक्‍याला मी नेपाक्‍या श्‍यालाक। धेनी खोङबागी नाशागी थामा च्‍यीगा हीन्‍ना, जुरु च्‍युक्‍रोझ्‍यी, ॱनेरी श्‍योवा पुवालाक धेनी जुगीन घीरी ढाक्‍पालाक।

मारकु 6:56 Iomraidhean Croise

मेथा 14:36

धेनी नेपाक्‍याला खोङबागी नाशागी थामा च्‍यीगा ज्‍युरु च्‍युक्‍येला, खुङक्‍याई श्‍यी़वालाक। धेनी जुगीन घीरी ढाक्‍पालाक।

मेथा 9:20

होदे घाङलाराङ लो च्‍युङङी थुक्‍पे ठाक्‍जाक नाजागी ङ्याङङ्या, केमी च्‍यीक ग्‍याप स्‍योकने होरी, खोङबागी नाशागी ॱनेमोने जी़वालाक।

मारकु 3:10

खोङबागी मी ॱमीच्‍यीकी माङाला चो़गा जेदी नाजा हो़गीन घीरी, खोङबाला जुयेला ॱहाला-छुला पुरी उजुक झ्‍येरी होवालाक।

मारकु 6:55

मीक्‍या युछोक घीरीदु भाङ तारी सोरी, नेपाक्‍याला ङ्याजेमुलाराङ खोङबा घारु श्‍युक्‍दो ॱनेरी घोरजारु, खेरती हुङये गो चुक्‍पालाक।

लुका 22:51

हीना येशुगी सुवालाक, “देरे माझ्‍यी।” धेनी होदे मीगी आमच्‍योकला जुरी, खोङबागी होदेला चो़गा जेपालाक।

लुका 6:19

धेनी मी घीरीगी खोङबाला जुयेला थापस्‍यी झ्‍येवालाक घीझ्‍येरी ॱनाना खोङबाने नी़थु थो़न्‍दी, मी घीरी चो़गा झ्‍युङी हो़तालाक।

लुका 8:44

धेनी मो खोङबागी ग्‍याप स्‍योकने होरी, खोङबागी घो़गी ॱनेमो च्‍यीकला जुवालाक धेनी लाम्‍साङ मी़ ठाकगो क्षेपालाक।

जेपा 4:12

“श्‍येम्‍मा सुनेः थारपा ॱमेथोप्‍कीलाक घीझ्‍येरी ॱनाना होरी थारपागी क्षीला येशुगी छेन माना, को़न्‍क्षोकगी श्‍येम्‍मा मीङ नाम्‍खे श्‍यीङखाम होकदु ॱमानावालाक।”

जेपा 4:9

धीरीङ हीकी मी श्‍याक्‍योवा च्‍यीकला लेगा शाङपो च्‍यीक झ्‍यीगीनगोला, होदे घाङगी झ्‍येरी चो़गा झ्‍युजो ॱनेरी, ढीवा कुयेला हेक्‍याला दुरु भो़पा हीन्‍ना,

जेपा 5:15

धेनी पेटो डी़ घाङला, खी़ ढीम्‍जाक च्‍यीगा फोक्‍ना डाक्‍हु ॱनेरी, खुङक्‍याई रेवा झ्‍येरी मीक्‍याई नेपाक्‍याला ङ्याजेमुलाराङ, खेरती होरी ॱराङगाकला ॱङ्यारी श्‍यालाक।