मारकु 6:52 - ॱलोवा

⁵² धेनी खुङक्‍याई सेमगो ॱरा झ्‍युरी होदे ग्‍याङगा तेरकीन, ॱहाङसागीन लेगागी दो़न्‍दाकगो ॱहामाघोरपालाक।

मारकु 6:52 Iomraidhean Croise

मारकु 16:14

स्‍याम्‍ला ङेने च्‍युकच्‍यीकक्‍या शामा शायेला धेती घाङला, येशुगी खुङक्‍याला राङगी कुशुक ॱङो़सुम तो़न जेपालाक। धेनी राङ छीवाने कुसो़न्‍पो श्‍येङसारती, खोङबाला ज्‍यागीनक्‍याई ॱनेना लाबला, खुङक्‍याई बा माधेपा खुङक्‍याई धेपा मेगीन धाङ सेम ॱरा हो़गीनला, खोङबागी काको़न जेपालाक।

मारकु 3:5

खुङक्‍याई सेम ॱरागोला येशुगी थुक फाम्‍दी खोङडो लारी, खुङक्‍या घीरीला शीक्‍पालाक। धेनी होदे मीला सुवालाक, “ख्‍यो़री लाक्‍पा क्‍योङ।” खी़ लाक्‍पा क्‍यावालाक धेनी खी़ लाक्‍पा चो़गा झ्‍युवालाक।

मारकु 7:18

येशुगी खुङक्‍याला सुवालाक, “खेक्‍याः हुरे ॱलेन्‍दा ले? फीने खोक्‍पा नाङदु जुगीन घीन्‍गीया, होदे मीला ॱमेचाङा मेशोगीलाक ॱनेरी खेक्‍याला क्षा मेते?

लुका 24:25

धेनी खोङबागी खुङ ङीउला सुवालाक, “ॱलेन्‍पो ख्‍ये, ॱङो़नस्‍येखेनक्‍याई सुङगीन घीरीला, धेपा मीझ्‍यीगीन घीन्‍गी सेम ॱलेन्‍दा ले!

योहान्‍ना 12:40

“को़न्‍क्षोकगी खुङक्‍याई ॱमीक श्‍यारा जेदी, धेनी खुङक्‍याई सेम ठा जेपालाक। देरे माजे हो़ना, खुङक्‍याई ॱमीकगी थोङये धाङ, खुङक्‍याई सेमगी ॱहाघोरयेहो़क। धेनी ङीचारु लोक्‍येहो़क। धेनी ङी खुङक्‍याला सो़ये हो़क।”

रोमापा 11:7

धा ॱहाना घी? ईस्‍राएल्‍पाक्‍याई घी चागीनगो ॱमाङेबालाक। हीना खुङक्‍याने दाम्‍दाक्‍याला होदे ॱङेपालाक धेनी श्‍येम्‍माक्‍याई सेम ग्‍योङा जेपालाक।