मारकु 6:41 - ॱलोवा

⁴¹ धेनी खोङबागी ग्‍याङगा ॱङा धाङ ङ्या ॱङीगो क्षाकदु ॱनुम्‍दी, नाम्‍खाला शीक्‍ती झ्‍यीलाप जेदी ग्‍याङगागो च्‍या जेपालाक। धेनी मीमाङक्‍याला घोयेला ङेनेक्‍याला ॱनावालाक। धेनी ङ्या ॱङीगोवा घीरीला घो़वालाक।

मारकु 6:41 Iomraidhean Croise

मेथा 14:19

धेनी खोङबागी मीमाङक्‍याला चा खाला धेये का ॱनावालाक धेनी ग्‍याङगा ॱङा धाङ ङ्या ॱङीगो क्षाकला ॱनुम्‍दी, नाम्‍खा स्‍योकला शीक्‍ती को़न्‍क्षोकला काटीन्‍क्षे श्‍यी़वालाक। धेनी खोङबागी ग्‍याङगागो च्‍याक्‍ती, ङेनेक्‍याला ॱनावालाक धेनी ङेनेक्‍याई मीछोकक्‍याला तेरपालाक।

मेथा 15:36

खोङबागी ग्‍याङगा धी़न धाङ ङ्यागो क्षाकला ॱनुमा जेदी, को़न्‍क्षोकला काटीन क्षे श्‍यी़वालाक। धेनी होदेक्‍या च्‍याक्‍ती, ङेनेक्‍याला ॱनावालाक धेनी ङेनेक्‍याई मीछोकक्‍याला तेरपालाक।

मेथा 26:26

धा खुङक्‍या शी घाङला येशुगी ग्‍याङगा क्षाकला ॱनुम्‍दी, ॱमो़लाम श्‍यी़री चाक जेपालाक धेनी ङेनेक्‍याला तेरती सुवालाक, “दे ङी ली़ हीन। लेन्‍दी शो।”

मारकु 14:22

धेनी खुङक्‍या शेरी धेती घाङला, येशुगी ग्‍याङगा च्‍यीक क्षाकला ॱनुम्‍दी ॱमो़लाम ग्‍याप्‍ती, च्‍याक जेपालाक धेनी खुङक्‍याला तेरती सुवालाक, “लेन, दे ङी ली़ लाक।”

मारकु 6:40

होझ्‍येरी खुङक्‍या ग्‍या-ग्‍या धाङ ॱङापच्‍यु-ॱङापच्‍युगी छोखाक झ्‍येरी धेपालाक।

मारकु 6:42

खुङ घीरीगी डागीन थुक्‍पे शेवालाक।

मारकु 7:34

धेनी खोङबागी नाम्‍खा स्‍योकला शीक्‍ती, उप स्‍युक जेदी खोला सुवालाक, “एफ्फाथा!” होदे ॱनाना, “भेवा स्‍योक।”

मारकु 8:19

ङी मी ॱङातोङला ग्‍याङगा ॱङा च्‍याई घाङला, खेक्‍याई दुबुक्‍या धुरी बाक्‍ता घाजो़ खाजो?” खुङक्‍याई, “च्‍युङङी” ॱनेरी ॱनेवालाक।

लुका 24:30

धेनी खोङबा खुङ ङीउमुला श्‍येलाकला श्‍युई घाङला, खोङबागी ग्‍याङगा च्‍यीक क्षाकला ॱनुम्‍दी झ्‍यीलाप जेपालाक धेनी च्‍याक्‍ती खुङ ॱङीउला ॱनाङवालाक।

लुका 9:16

धेनी खोङबागी होदे ग्‍याङगा ॱङा धाङ ङ्या ॱङीउगो क्षाकला ॱनुम्‍दी, नाम्‍खे श्‍यीङखाम स्‍योकला शीक्‍ती झ्‍यीलाप जेपालाक धेनी होदे दुबु-दुबुला च्‍याक्‍ती, मीछोकला तेर ॱनेरी ङेनेक्‍याला ॱनावालाक।

योहान्‍ना 11:41

धा खुङक्‍याई धोगोङगो ॱहाला झ्‍येवालाक धेनी खोङबागी चेन या शीक्‍ती सुवालाक, “ङी याप, खेराङगी ङाला सेन्‍गीनगोला थुक्‍चीक्षे श्‍यी़लाहीन।

योहान्‍ना 17:1

धेनी येशुगी दे काक्‍या सुङसारती, नाम्‍खाला चेन शीक्‍ती सुवालाक, “के याप, धा धी़ भाप्‍ती, सेगी खेराङगी शीजे ॱङो़न्‍येगी क्षीला, खेराङगी सेगी शीजे ॱङो़न्‍दु जे।

योहान्‍ना 6:11

धेनी येशुगी ग्‍याङगा क्षाकला ॱनुमा जेदी, को़न्‍क्षोकला काटीन्‍क्षे श्‍यी़वालाक। धेनी होदुरु धेताक्‍याला घो़वालाक। होझ्‍येरीराङ ङ्यागो घो़री, खुङक्‍याई दो़गीन थुक्‍पे शेवालाक।

योहान्‍ना 6:23

धेनी चोवोगी थुक्‍जेक्षे श्‍यी़री, खुङक्‍याई ग्‍याङगा शागीन साजागी डामदु, तीबेरीयासने डु श्‍येम्‍माक्‍या होवालाक।

जेपा 27:35

होदे ॱनेसारती खी़ ग्‍याङगा खेरती, घीरीगी दोङदु को़न्‍क्षोकला थुक्‍जेक्षे श्‍युवालाक। धेनी होदे च्‍याक्‍ती शेबालाक।

रोमापा 14:6

ङीमा च्‍यीकला ॱमीक्‍सेगी खाक्‍क्षे चीगीनगी़ चोवोगी क्षीदु चीलालाक। धेनी शागीनगी चोवोगी क्षीदु शालाक घीझ्‍येरी ॱनाना खी़ को़न्‍क्षोकला काटीन्‍क्षे श्‍युवालाक। धेनी मेशागीनगी़ चोवोगी क्षीदु मेशालाक धेनी खी़ को़न्‍क्षोकला काटीन्‍क्षे श्‍युवालाक।

१ कोरीन्‍थुपा 10:31

होझ्‍येरी खेक्‍या शाना याङना थुङना याङना घी झ्‍यीना घीरी को़न्‍क्षोकगी शीजेगी क्षीदु झ्‍यी।

कोलोसेपा 3:17

धेनी छीक धाङ लेगी थोक्‍ने खेक्‍याई घी झ्‍यीना, घीरी चोवो येशुगी छेनने याप को़न्‍क्षोकला, खोङगी थोक्‍ने काटीन्‍क्षे श्‍यी़री झ्‍यी।