मारकु 6:31 - ॱलोवा

³¹ धेनी येशुगी खुङक्‍याला सुवालाक, “खेक्‍या ङीमुला साज्‍या एन्‍दा च्‍यीकला डो धेनी तीते च्‍यीक ङासी़।” घीझ्‍येरी ॱनाना होदुरु मी हुङगीन धाङ डुगीन माङा झ्‍युवालाक धेनी खोङबाक्‍याला श्‍येलाक छो़लोङ माझ्‍युवालाक।

मारकु 6:31 Iomraidhean Croise

मेथा 14:13

येशुगी होदे सेन्‍दा जेदी, खोङबा डु नाङदु श्‍युक्‍ती, होदेने साजा एन्‍दा च्‍यीकला फेप्‍पालाक। हीना मीछोकक्‍याई होदे घोरती ढोङखेरने घोम्‍बा चुक्‍ती होरी, खोङबागी स्‍याबाला डावालाक।

मारकु 1:45

हीना खो सोरी होदे कोरला, हो़लेरु टाम्‍ये गो चुक्‍पालाक। धेनी येशु ग्‍याजादु धाब्‍ले मीमाङक्‍याई थोङसाला फेप ॱमाथुक्‍पालाक। धेनी येशु रीतोङ स्‍योकला श्‍युक्‍पालाक, घीहीनाः मीक्‍या छोक घीरीने खोङबाचारु होवालाक।

मारकु 3:20

होदे स्‍याम्‍ने येशु खीमला फेप्‍पालाक। धेनी मीमाङक्‍या याङ जोम्‍दी, खोङबाक्‍याला श्‍येलाक श्‍येये धी़चो़गोवा माजोप्‍पालाक।

मारकु 3:7

होदे स्‍याम्‍ने येशु खोङबागी ङेनेक्‍यामुला, ग्‍याछो स्‍योकला फेप्‍पालाक। धेनी मीछोक क्षे च्‍यीक गालीलने, खोङबागी स्‍याबाला सोवालाक।

योहान्‍ना 6:1

होदे स्‍याम्‍ला, येशु गालील छोगी ॱहाकीनला फेप्‍पालाक। (होदेला तीबेरीयास छोवा ॱनालाक।)