मारकु 6:20 - ॱलोवा

²⁰ घीझ्‍येरी ॱनाना हेरोदेगी योहान्‍ना मी ढाङपो च्‍यीक धाङ धाम्‍पे मी च्‍यीक लाक ॱनेरी स्‍येरी, खोला जीक्‍ती क्‍योप्‍ती श्‍याक्‍पालाक। योहान्‍नागी लाबला ङेन्‍दी घाङला, खो ॱमीच्‍यीकी गो खोरालाक हीना खो ङ्यामो घेरी ङेन्‍दालाक।

मारकु 6:20 Iomraidhean Croise

मेथा 14:5

हेरोदेगी योहान्‍नाला सेङी दो़पालाक हीना खो मीमाङला जीक्‍पालाक घीझ्‍येरी ॱनाना मीक्‍याई योहान्‍नाला ॱङो़नस्‍येखेन च्‍यीक चीलालाक।

मेथा 21:26

हीना मीने झ्‍युवालाक ॱनेरी ॱनाना, मी घीरीगी योहान्‍नाला ॱङो़नस्‍येखेन लाक ॱनेरी चीरी, होराङ मीछोकला जीयालाक।”

मारकु 11:18

धेनी क्षो़पो़न क्षेक्‍या धाङ क्षो़ठीमगी ॱलोपो़नक्‍याई, दे लाब घोरती खोङबाला घाङगी झ्‍येरी सेये ॱनेरी, झ्‍यी़ झ्‍येवालाक। धेनी खुङक्‍या येशुमुला जीक्‍पालाक घीझ्‍येरी ॱनाना मीछोक घीरी खोङबागी क्षो़ला ॱहालेवालाक।

मारकु 4:16

धेनी मी रीङगा धोरुकगी साङला तोरता, साङाक्‍या च्‍योक्‍रे हुङालाक। खुङक्‍याई कागो ङेन्‍दी लेमो च्‍यीक्‍लाराङ, ङ्यामो घेरी खे लेन्‍गीलाक।

योहान्‍ना 5:35

योहान्‍ना नी, बारकीन धाङ हो़ स्‍यारकीन मारमे च्‍योक्‍रे हो़तालाक धेनी खेक्‍या युन तुङा च्‍यीगा, खी़ हो़ला ङ्यामो घाये दो़पालाक।

जेपा 2:12

होझ्‍येरी ॱहाङसारी धाङ गो थोम्‍दी, खुङक्‍याई च्‍यीकगी च्‍यीकला, “दी दो़न्‍दाक दे घी ले?” ॱनेरी ढीवालाक।

जेपा 5:24

लाब दे घोरती, क्षो़खाङगी घोरेक्‍याई चो धाङ क्षो़पो़न क्षेक्‍या गो थोम्‍बालाक धेनी घी झ्‍युवा हीन्‍ढु ॱनेरी ॱहालेवालाक।