मारकु 6:11 - ॱलोवा

¹¹ धेनी साजा घारेदु खेक्‍याला फेप्‍सु माझ्‍येवा, खीकी लाबला माङेन्‍ना, खेक्‍या होदेने डी़ घाङला, खुङक्‍याला पाङपो हुङयेला, खेरी काङबी थालाक्‍या ॱरुक।”

मारकु 6:11 Iomraidhean Croise

मेथा 12:36

ङा खेक्‍याला ॱनाहीन, ठीम चेगीन ङीमाला मी घीरीगी खोरी ॱनेना क्षोमेगीन छीक ङेन्‍पा रे-रेगी लेन तेर घो़गीलाक।

मारकु 6:10

येशुगी खुङक्‍याला सुवालाक, “खेक्‍या होदे युने माडोगीन थुक्‍पे, खेक्‍या जुजा नाङदुराङ धो़क।

लुका 9:5

धेनी खेक्‍याला यु घारु खेमेलेन्‍दी, होदे युने थो़न्‍दी डी़ घाङला खुङक्‍याला पाङपो हुङयेगी क्षीदु खीकी काङबी थालागो ॱरुक।”

जेपा 18:6

हीना खुङक्‍याई पाउलुला खेमेलेन्‍दा ॱमेटा तावालाक। धेनी पाउलुगी खोरी घो़ पी़दी होदेगी थाला ॱरुक्‍ती ॱनेवालाक, “खेक्‍याला छेपा फोक्‍ना, खेरी घोवालाराङ फोक्‍कीलाक। ङी क्‍यो़न घीया मेक। धा देने ॱहाला, ङा याहुदापा मेन्‍गीन मीरीकक्‍या चारु डोयेहीन।”

रोमापा 2:16

दे नी ङी सेटाक झ्‍येजा ताम्‍शाङला च्‍योक्‍रे, मास्‍यीका येशुगी थोक्‍ने को़न्‍क्षोकगी मीक्‍याई साङवे लेगाक्‍याई, ठीम चेगीन ङीमागोला झ्‍युङगीलाक।

रोमापा 2:5

हीना ख्‍यी़ राङगी सेम ग्‍योङा धाङ ग्‍यो़पा मीझ्‍यीदा सेम माग्‍युरकीनगी झ्‍येरी, को़न्‍क्षोकगी ढाङतेनगी ठीम्‍चो़ ॱङो़न्‍गीन खोङबागी थुक्‍ठो़गी ङीमागी क्षीला, ख्‍यो़ राङगी खाला को़न्‍क्षोकगी थुक्‍ठो़ साःलाक।

२ पेटो 2:6

धेनी खोङबागी सादोम धाङ गोमोरा ग्‍याजाक्‍याला मेगी ॱराक्‍ती, चामेदु ताङा जेपालाक। देरे जेदी खोङबागी क्षो़ला ॱमीचीगीन मीक्‍याला घी झ्‍युङये हीन्‍गीनगी, पे च्‍यीक ॱनाङा जेपालाक।

२ पेटो 2:9

धा देरे झ्‍येरी, क्षो़सेमगी मीला छो़ता नाङने क्‍योप्‍ये धाङ क्षो़ ॱमीचीगीनक्‍याला ठीम्‍चो़गी ङीमा थुक्‍पे छेपा होकदु श्‍याक्‍येला, चोवोगी खेन्‍दालाक।

२ पेटो 3:7

हीना को़न्‍क्षोकगी होदे कागी थोक्‍नेराङ, धान्‍दागी ॱनाम-सा ॱङीला मेगी ॱराक्‍येगी क्षीदु श्‍याक हो़तालाक धेनी ठीम्‍चो़गी ङीमा धाङ को़न्‍क्षोकगी काला मेङेन्‍गीनक्‍याला चामेदु ताङयेगी धी़ थुक्‍पेगी क्षीदु, श्‍याक हो़तालाक।

१ योहान्‍ना 4:17

दी थोक्‍ने झाम्‍पा नी, होराङक्‍याई खोक्‍दु छाङगो झ्‍युङालाक। धेनी होझ्‍येरी ठीम्‍चो़गी ङीमाला, होराङला ॱलोगोक केगीलाक। घीझ्‍येरी ॱनाना दे जीक्‍तेनदु, येशु घारे हीन्‍गीनगो च्‍योक्‍रे होराङ लाक।

युदा 1:7

देरे झ्‍येरीराङ सादोम धाङ गोमोरा धाङ थाकोरगी ढोङखेरगी मीक्‍या, लोक्‍येम धाङ ली़गी दो़छाकला छी़पालाक। धेनी खुङक्‍याला थामेगीन मेगी छेपा फोक्‍ती, पे च्‍यीक झ्‍यु हो़तालाक।