मारकु 5:7 - ॱलोवा

⁷ धेनी केक ग्‍याप्‍ती, खी़ ॱनेवालाक, “ॱलानामेपे को़न्‍क्षोकगी से येशु, ङाला खेकी ढेवा घी हो़ताले? ङा को़न्‍क्षोकला ॱना क्‍यारी श्‍योवा पुलाहीन, ङाला दुक्‍पु ताङा माजे।”

मारकु 5:7 Iomraidhean Croise

मेथा 16:16

सीमोन पेटोगी ॱनेवालाक, “खेराङ नी मास्‍यीका, सो़न्‍पो को़न्‍क्षोकगी सेगो लाक।”

मेथा 26:63

हीना येशुगी घीया ॱमासुवालाक। धेनी चो क्षो़पो़नगी खोङबाला ॱनेवालाक, “ङा को़न्‍क्षोक सो़न्‍पोला ॱना क्‍यारी ॱनाहीन, ख्‍यो़ को़न्‍क्षोकगी से मास्‍यीकागो हीने, हेक्‍याला स्‍यो़क?”

मेथा 4:3

धेनी छो़ता लेन्‍गीनगो होरी, खोङबाला ॱनेवालाक, “खेराङ को़न्‍क्षोकगी से हीन्‍ना, दे धोगोङक्‍या ग्‍याङगाला ग्‍युरयेगी का ॱनाङाजे।”

मेथा 8:29

धेनी होदे ॱङीउगी केक ग्‍याप्‍ती ॱनेवालाक, “को़न्‍क्षोकगी से, हीकीमुला खेराङगी घी ढेवा हो़ताले? धी़चो़ ॱमालेप एन्‍लाराङ, खेराङ हेला दुक्‍पु ताङदु फेया हीने?”

मारकु 1:24

“नाजारेतगी येशु, खेराङमुला हीकी घी ढेवा हो़तालाक से? खेराङ हेक्‍या मेताला जेदु फेप्‍पा हीने? खेराङ को़न्‍क्षोकगी धाम्‍पागो लाक ॱनेरी, ङी ङो स्‍येलीहो़क।”

मारकु 14:61

हीना येशुगी घीया ॱमासुवा कालेन ॱमानावालाक। याङ चो क्षो़पो़नगी खोङबाला ढीवालाक, “ख्‍यो़ नी झ्‍यीलापचेनगी से मास्‍यीकागो ले?”

मारकु 3:11

धेनी ॱनो़पाक्‍याई येशुला नाम थोङना, खोङबागी दोङदु क्षाक छारी, “खोङबा नी, को़न्‍क्षोकगी सेगो लाक।” ॱनेरी फेरा ग्‍यालाक।

मारकु 5:6

खी़ येशुला थाक्‍रीङाने ज्‍याली घाङला, खो भाङ तारी सोरी खोङबागी दोङदु क्षाक छावालाक।

मारकु 5:8

घीझ्‍येरी ॱनाना होदे मीने थो़न्‍दी स्‍योक ॱनेरी, येशुगी होदे डेला होदे एन चो़ला सुवालाक।

लुका 1:32

खोङबा ॱमीच्‍यीकी खाक्‍क्षे हुङगीलाक धेनी ॱलानामेपे चोवो को़न्‍क्षोकगी से ॱनेरी श्‍यी़गीलाक। धेनी चोवो को़न्‍क्षोकगी खोङबाला खोङबागी याप दावीदगी श्‍युक्‍ठी ॱनाङगीलाक।

लुका 4:34

“के नाजारेतगी येशु, हीकीमुला खेराङगी घी ढेवा? हेला मेताला ताङयेला खेराङ फेप्‍पाले? खेराङ को़न्‍क्षोकगी धाम्‍पे मीगो लाक ॱनेरी, ङाला स्‍येयेहो़क।”

लुका 6:35

हीना राङगी डाक्‍याला चेवा झ्‍यी धेनी शाङा झ्‍यी धेनी कीपा लेन्‍येगी रेवा मीझ्‍यीदा मी श्‍येम्‍माला की। धेनी ख्‍यो़ला ज्‍यागा क्षे थोप्‍कीलाक धेनी खेक्‍या ॱलानामेपे को़न्‍क्षोकगी से झ्‍युङगीलाक घीझ्‍येरी ॱनाना को़न्‍क्षोकगी काटीन ॱमेसाम्‍गीन धाङ ङेन्‍पाक्‍याला ॱङीङजे जेदालाक।

लुका 8:28

होदेगी येशुला थोरी फेरा ग्‍याप्‍ती, खोङबागी दोङदु छाक छावालाक धेनी केक ग्‍याप्‍ती ॱनेवालाक, “ॱलानामेपे को़न्‍क्षोकगी से येशु, ङीमुला खेराङगी ढेवा घी हेतो? ङाला दुक्‍पु ताङा माजे ॱनेरी, ङा खेराङला श्‍योवा पुलाहीन।”

योहान्‍ना 20:31

हीना येशु, मास्‍यीका धाङ को़न्‍क्षोकगी सेगो लाक धेनी खोङबाला धेपा झ्‍येरी, खोङबागी छेनने खेक्‍याला थामेपे छेसोक थोप्‍कीलाक ॱनेरी खीकी धेपा झ्‍यीयेला, ङी देक्‍या ढीक हो़क।

जेपा 16:17

दे भोमो दे पाउलु धाङ हीकी स्‍याबाला डारी होरी देरे ॱनेरी फेरा ग्‍याप्‍पालाक, “दे मी देक्‍या थोस्‍योक को़न्‍क्षोकगी ॱयोक्‍पोक्‍या लाक। धेनी देक्‍या थारपा राक्‍येगी लाम्‍गागी कोरला खेक्‍याला स्‍येदालाक।”

जेपा 19:13

धेनी साजा-साजाक्‍याला ढु ग्‍याप्‍ती, ॱनो़पा तो़न्‍दी डुगीन याहुदापा रीङगागीयाः चोवो येशुगी छेनने ॱनो़पाक्‍या तो़न्‍ये थापस्‍यी झ्‍येवालाक। खुङक्‍याई ॱनो़पाक्‍याला, “पाउलुगी सुङगीन येशुगी छेनने ङा ख्‍यो़ला थो़न्‍दी सोङ ॱनेरी का तेराहीन।” ॱनेरी ॱनालाक।

जेपा 8:36

धेनी खुङक्‍या होदे लाम्‍गाने डी़ घाङला, क्षु हो़जारु ॱलेप्‍पालाक। धेनी होदे ॱङुङेरगी ॱनेवालाक, “तो़दाङ, दुरु क्षु दुक। ङा ठी़सो़ लेन्‍येला घीन्‍गी काक थुक्‍कीले?”

रोमापा 16:20

श्‍यीदेगी को़न्‍क्षोकगी धी़ सातानला ग्‍योक्‍जेराङ, खेक्‍याई काङबी होकला ॱनेम्‍गीलाक। होरी चोवो येशु मास्‍यीकागी थुक्‍जे खेक्‍यामुला हुङास्‍योक।

ईब्‍रीपा 2:14

छीवागी थोक्‍ने छीवागी दाक्‍पो धी़कला, खोङगी मेताला जेये धाङ छीवागी जीक्‍टागी मीछे घाङजाङ ढेन्‍योकला स्‍योरस्‍याक्‍याला, खोङबागी थारपा जेयेगी क्षीला भी़टुकक्‍या स्‍याठाकगी ली़ला झ्‍येरी, खोङबागीयाः मीगी ली़ ॱनुम्‍बालाक।

ईब्‍रीपा 7:1

आब्‍राहाम ॱमाक टाप्‍ती ग्‍यारी लोक्‍ती हुङाराङ, सालेमगी ग्‍यावु धाङ ॱलानामेपे को़न्‍क्षोकगी क्षो़पो़न मेल्‍कीजेदेकला थुक्‍पालाक। धेनी खोङगी आब्‍राहामला झ्‍यीलाप ॱनावालाक।

याकोब 2:19

खेक्‍या को़न्‍क्षोक च्‍यीकराङ हीन ॱनेरी, धेपा झ्‍यीदालाक धेनी दे घा लाक। डेक्‍याः धेपा झ्‍यीदालाक धेनी जीक्‍ती दारालाक।

२ पेटो 2:4

घीझ्‍येरी ॱनाना नाम्‍खे भाङछेनक्‍याई धीक्‍पा झ्‍यीदी घाङला, को़न्‍क्षोकगी खुङक्‍याला ॱलो़ ताङा माजेपालाक हीना खुङक्‍याला ॱङ्यावादु ॱयुक जेपालाक। धेनी ठीम्‍चो़गी ङीमा थुक्‍पेगी क्षीला च्‍याक्‍थाकगी धाम्‍दी, मी़नाकगी नाङला श्‍याक जे हो़तालाक।

१ योहान्‍ना 3:8

धीक्‍पा झ्‍येरी धेगीन नी, धी़कगी़ लाक घीझ्‍येरी ॱनाना धी़कगी थोक्‍मानेराङ धीक्‍पा झ्‍येरी हो हो़तालाक। धेनी धी़कगी लेगाक्‍या मेताला ताङयेगी क्षीदुराङ, को़न्‍क्षोकगी से ॱङो़न्‍दा जेपालाक।

युदा 1:6

धेनी राङगी गेनगी घोक्‍जा ॱमारुङा, राङगी धेजा ॱङोमागो पाङपा नाम्‍खे भाङछेनक्‍याला, को़न्‍क्षोकगी मी़नाकगी नाङला थामेगीन च्‍याक्‍डोक ग्‍याप्‍ती, ठीम्‍चो़गी ङीमा क्षे थुक्‍पे श्‍याजे हो़तालाक।

ॱङो़न्‍पा 12:12

होझ्‍येरी नाम्‍खे श्‍यीङखाम, धाङ होदुरु श्‍युक्‍कीन खेक्‍या घाटो झ्‍यी। हीना साश्‍यी धाङ ग्‍याछो दे, ॱङ्यावाली। घीझ्‍येरी ॱनाना राङगी धी़चो़ ङ्युङा हो़गीनगो स्‍येरी, धी़कगो खोङडो क्षे लारी, खीकीचारु माला हो हो़तालाक।”