मारकु 5:35 - ॱलोवा

³⁵ खोङबा सुङला सुङी घाङला, पो़न्‍पो याईरोसगी़ नाङने मी रीङगा होदुरु होरी ॱनेवालाक, “खेराङगी भोमो स्‍यीजुङ। धा ॱलोपो़नलाला घीझ्‍येरी धोराङा होपक्‍या ताङये?”

मारकु 5:35 Iomraidhean Croise

मेथा 26:10

हीना येशुगी दे खेन्‍दी खुङक्‍याला सुवालाक, “खेक्‍या मोला घीझ्‍येरी दुक्‍पु तेरा? मी़ ङी क्षीला ले शाङा च्‍यीक झ्‍येदुक।

मेथा 26:18

खोङबागी सुवालाक, “ग्‍याजा नाङदु मी च्‍यीक चारु सोरी, खोला देरे ॱनो़, ‘ॱलोपो़नलागी देरे सुङी, ङी धी़चो़ ङ्ये ॱलेप्‍सादुक। खेराङगी नाङदु, ङा ङी ङेनेक्‍यामुला पेसाकगी धी़छेन ताङयेहीन।’”

मेथा 9:18

खोङबागी खुङक्‍याला होदे लाबक्‍या सुङी घाङला, याहुदापे पो़न्‍पो च्‍यीक होरी, खोङगी दोङदु पी़मु चुक्‍ती श्‍यी़वालाक, “ङी भोमो धान्‍दाका स्‍यीजुङ हीना खेराङ फेप्‍ती, खेराङगी क्षाक मी़ खाला श्‍याजे धेनी मो सो़न्‍गीलाक।”

मारकु 10:17

धेनी येशु लाम्‍गाला फेई घाङला, मी च्‍यीक भाङ तारी होरी येशुगी डुङदु पीमु साला चुक्‍ती, खोङबाला श्‍यी़वालाक, “ॱलोपो़न शाङपो ला, थामेपे छेसोक थोप्‍येला, ङी घी झ्‍यी घो़गीले?”

मारकु 5:22

धेनी छोक्‍खाङगी पो़न्‍पोक्‍याने याईरोस ॱनागीन पो़न्‍पोगो होदुरु होवालाक। धेनी येशुला ज्‍यारी, खोङबागी श्‍याप्‍डुङला क्षाक छावालाक,

लुका 8:49

खोङबा कामो़न सुङी घाङला छोक्‍खाङगी पो़न्‍पोगी़ नाङने मी च्‍यीक होरी ॱनेवालाक, “खेराङगी भोमो ढोजुङ। धा ॱलोपो़नला काल्‍ले ताङा माजे।”

योहान्‍ना 11:21

मारथागी येशुला श्‍यी़वालाक, “चोवो, खेराङ दुरु श्‍युक हो़ना, ङी नो ढोङये मेक।

योहान्‍ना 11:25

खोङबागी मोला सुवालाक, “ॱलार सो़न्‍गीन धाङ छेसोक नी, ङा हीन। ङाला धेपा झ्‍यीगीनक्‍या स्‍यीनाः सो़न्‍पो ॱनेगीलाक।

योहान्‍ना 11:28

मी़ दे श्‍यी़सारती मोरी नुमो मीरीयामचारु सोरी मोला शुरला भो़री ॱनेवालाक, “ॱलोपो़न ला दुरु फेप्‍दुक। धेनी खोङबागी ख्‍यो़ला भो़ली।”

योहान्‍ना 11:32

धा मो येशु श्‍युक्‍सारु ॱलेप्‍ती खोङबाला ज्‍यावालाक। धेनी खोङबागी श्‍यापला क्षाक क्षारी श्‍यी़वालाक, “चोवो, खेराङ दुरु श्‍युक हो़ना, ङी नो ढोङये मेक।”

योहान्‍ना 11:39

येशुगी सुवालाक, “धोगोङ दी ॱहाला झ्‍यी।” स्‍यीम्‍पोगी ईजी मारथागी खोङबाला श्‍यी़वालाक, “चोवो, खो ढोरी श्‍याक्‍मो श्‍यी डी़। धा दे धी़ थुक्‍पेला ढीमा खीसा हो़टु।”

योहान्‍ना 5:25

ङा खेक्‍याला धेन्‍पा धेनक्‍याङ ॱनाहीन, स्‍यीम्‍बुक्‍याई को़न्‍क्षोकगी सेगी सुङकेक घोरकीन धी़गो ॱलेवी हो़तालाक धेनी धी़गो धान्‍दा लाक। धेनी ङेन्‍गीनक्‍या सो़न्‍पो ॱनेगीलाक।