मारकु 5:23 - ॱलोवा

²³ धेनी ॱङीङ थाक्‍पाने श्‍योवा पुरी ॱनेवालाक, “ङी भोमो च्‍युङागो स्‍यीगु झ्‍यीदी। खोङबा फेप्‍ती, मो ढाक्‍ये धाङ सो़न्‍पो धेयेला, खोङबागी क्षाक मी़ खाला श्‍याजे।”

मारकु 5:23 Iomraidhean Croise

मेथा 8:3

धेनी येशुगी क्षाक क्‍याङदी, खोला जुरी सुवालाक, “ङा झ्‍यीदो़ हो़क। ख्‍यो़ चाङमा झ्‍युङ।” धेनी लाम्‍साङ खी़ जेने दाक्‍पालाक।

मारकु 16:18

धेनी खुङक्‍याई डुलक्‍या लाक्‍पागी शीम्‍गीलाक धेनी ॱरोक चेगीन दुकक्‍या थुङनाः, खुङला ॱनो़ ॱमेकागीलाक धेनी खुङक्‍याई लाक्‍पा नेपाक्‍या खाला श्‍याक्‍ना, होदेक्‍या ढाक्‍कीलाक।”

मारकु 5:24

धेनी येशु खी़मुला फेप्‍पालाक। धेनी मीछोक क्षे च्‍यीक, खोङबा स्‍याबाला डारी खोङबागी थाकोरला रुप्‍पालाक।

मारकु 6:13

धेनी खुङक्‍याई ॱमीच्‍यीकी माङा डेक्‍या तो़न्‍बालाक धेनी नेपाक्‍याला ॱनुम ढी़री चो़गा झ्‍येवालाक।

मारकु 7:32

होदुरु मीक्‍याई आमच्‍योक मेघोरकीन धाङ लाब ताङ ॱमीथुप्‍कीन मी घोवा च्‍यीकला खेरती होरी, खोङबागी क्षाक जेदी चो़गा जेरोनाङ ॱनेरी येशुला श्‍यी़वालाक।

मारकु 8:23

खोङबागी होदे मीगी़ लाक्‍पा शीम्‍दी, युगी फीला ठीया जेपालाक। धेनी खी़ ॱमीकला जाक्‍छाप ढी़री, खोङबाराङगी क्षाक ॱङीगारा खी़ खाला श्‍या जेदी, खोला ढीवा ताङा जेपालाक, “धा थोङी?”

लुका 13:13

धेनी खोङबागी क्षाक मी़ खाला श्‍याक जेपालाक धेनी मो लाम्‍साङ केरी लाङ थुप्‍कीन झ्‍युवालाक। धेनी मी़ को़न्‍क्षोकगी तो़टा तावालाक।

लुका 4:38

येशु छोक्‍खाङने थो़न्‍दी, सीमोनगी नाङला फेप्‍पालाक। होदी घाङला, सीमोनगी केमीगी आमा ॱमीच्‍यीकी छावा ॱनेरी धे हो़तालाक। धेनी नाङगी मीक्‍याई, “मोला चो़गा जेरोनाङ” ॱनेरी येशुला श्‍यी़वालाक।

लुका 4:40

धेनी ङीमा फेप्‍ती, मीक्‍याई नाजा ॱना श्‍येम्‍मा-श्‍येम्‍मागी नेपाक्‍या येशुचारु खेरती होवालाक। धेनी खोङबागी होदे घीरीगी खाला क्षाक श्‍याक जेदी, ढाक्‍सो़ जेपालाक।

लुका 7:12

खोङबा होदे युगी घोई भोलोक्‍तु फेई घाङला, युक्‍जामा च्‍यीकगी भीजा च्‍यीगारागी़ फुङबुगो खेरती डी़ हो़तालाक। होदे युगी मीछोक क्षे च्‍यीक मी़मुला हो़तालाक।

योहान्‍ना 11:3

धा ईजी ॱङीउगी, येशुला देरे लो़न कुरपालाक, “चोवो, खेराङगी चेवा झ्‍यीगीनगो नेपा दुक।”

जेपा 28:8

पुपलीहुगी आकी छावा धाङ ठाकस्‍यालगी नेरी, ङ्याजारु हो़तालाक। पाउलु खी़ ङ्याजारु सोरी ॱमो़लाम ग्‍याप्‍ती लाक्‍पा श्‍याक्‍ती, खोला चो़गा झ्‍येवालाक।

जेपा 6:6

धेनी खुङक्‍याई होदे मीक्‍याला, कुछापक्‍याई दोङला खेरती होवालाक। धेनी कुछापक्‍याई खुङक्‍याला ॱमो़लाम ग्‍याप्‍ती, राङगी लाक्‍पा खुङक्‍या खाला श्‍याक्‍पालाक।

जेपा 8:17

धेनी पेटो धाङ योहान्‍नागी खुङक्‍या खाला लाक्‍पा श्‍याक्‍पालाक धेनी खुङक्‍याला धाम्‍पे थुक्‍ङी थोप्‍पालाक।

जेपा 9:12

आनानीया ॱनागीन मी च्‍यीक खोचारु होरी, खी़ धाब्‍ले ॱमीक थोङयेला, खी़ खाला लाक्‍पा श्‍याक्‍कीन थोङनाङ खी़ थो हो़तालाक।”

जेपा 9:17

धेनी आनानीया सोरी साउल धेता खाङबा नाङदु जुवालाक। खी़ साउलगी खाला लाक्‍पा श्‍याक्‍ती ॱनेवालाक, “साउल, ख्‍यो़ दुरु हुङी घाङला लाम्‍गाला जाजा चोवो येशुगी ङाला, ख्‍यी़ ॱमीक धाब्‍ले थोङयेला धाङ धाम्‍पे थुक्‍ङीगी खाङयेला ख्‍यी़चारु झाजुङ।”