मारकु 5:15 - ॱलोवा

¹⁵ धा खुङक्‍या येशुचारु होरे एन्‍ला, डेगी ॱमाक्‍छोक जुजा मीगो धा घायेरा झ्‍युरी घोलाक घो़न्‍दी, होदुरु धेगीनगो थोवालाक धेनी खुङक्‍या जीक्‍पालाक।

मारकु 5:15 Iomraidhean Croise

मेथा 12:29

याङमेना मी स्‍युक्‍क्षे च्‍यीकला एन्‍ला मादाम्‍पा, खी़ नाङदु जुरी खी़ च्‍यालाकक्‍या घाङगी झ्‍येरी ठोक थुक्‍कीले? खोला दाम्‍ना च्‍यीगा, खी़ नाङदु जुरी च्‍यालाकक्‍या ठोक थुक्‍कीलाक।

मेथा 26:53

ख्‍यी़ साम्‍बाला ङा ङी यापला श्‍यी़ ॱमीथुक्‍वालाक सामी? धेनी ङी श्‍यी़ना खोङगी ङाला नाम्‍खे भाङछेनगी ॱमाक्‍पुङ च्‍युङङीने, ल्‍हाक ताङ ॱमीथुक्‍कीले?

मेथा 4:24

खोङबागी ॱङेन्‍डाक सीरीया यु घीरीला ख्‍याप्‍ती, मीक्‍याई नेपा घीरी, नाजा धाङ शुक छाप्‍क्षे ॱनाछोकगी दाम्‍दी श्‍याक्‍साक्‍या धेनी डे जुजा मीक्‍या, शा फोक्‍पाक्‍या धाङ डीप्‍को़न हो़गीनक्‍या घीरी, खोङबागी डुङदु ठीक्‍ती होवालाक धेनी खोङबागी खुङक्‍याला चो़गा जेपालाक।

मेथा 9:33

येशुगी डेगो तो़न्‍दा जेपालाक धेनी मीगो लाब ताङ थुक्‍पालाक। धेनी मीछोकक्‍या ॱमीच्‍यीकी याम्‍सारी ॱनेवालाक, “ईस्‍राएलला देरे नामा थोङ माङ्युङ।”

मारकु 5:14

फाकगी झीउक्‍या डो़री सोरी, ग्‍याजा धाङ लुङबा नाङ घीरीदु होदे लाब स्‍येपालाक। धेनी मीक्‍या घी झ्‍युङगीनगोला तारु होवालाक।

मारकु 5:16

होदे थोथाक्‍याई होदे डे जुजा धाङ फाकक्‍याला घी झ्‍युझ्‍युवागो, मी श्‍येम्‍माक्‍याला स्‍येपालाक।

मारकु 5:18

येशु डु नाङदु जुली घाङला, डे जुजा मीगी़ खोङबामुला डोयेला श्‍योवा पुवालाक।

मारकु 5:4

घीझ्‍येरी ॱनाना खोला थेङ माङा च्‍याक्‍डोक धाङ च्‍याकथाक ग्‍याप्‍पालाक हीना खी़ च्‍याक्‍थाकक्‍या चेती दुबु-दुबुला च्‍यालाक। धेनी खोला आङजाला श्‍याक्‍येला, सुलाः स्‍युक मेतालाक।

मारकु 5:9

धेनी येशुगी खोला ढीवा लेन जेपालाक, “ख्‍यी़ मीङ घी ले?” खी़ लेन ग्‍याप्‍पालाक, “ङी मीङ ॱमाक्‍छोक लाक घीझ्‍येरी ॱनाना हे ॱमीच्‍यीकी माङा हो़क।”

लुका 10:39

मोला मीरीयाम ॱनागीन नुमो च्‍यीक हो़तालाक। मीरीयाम चोवोगी श्‍याप डामदु धेदी, खोङबागी कालोप ङेन्‍दी धे हो़तालाक।

लुका 8:27

धेनी छोगी थामारु येशु डुने थो़न जेदी, ग्‍याजागी डे जुजुवा मी च्‍यीक थुक्‍पालाक। होदे घोलाक माघो़न्‍पा नाङदु माधेपा, धुरखाङदु धेदी युन रीङा झ्‍युवालाक।

कोलोसेपा 1:13

को़न्‍क्षोकगी होराङला मी़नाकगी वाङने थारपा जेदी, राङगी चेवे सेगी ग्‍यासी नाङदु होराङला ठीया जेपालाक।

२ तीमोथेउ 1:7

घीझ्‍येरी ॱनाना को़न्‍क्षोकगी होराङला ॱङीङ च्‍युङागी सेम्‍ङी मेन्‍दा, नी़थु धाङ झाम्‍पा धाङ राङ छो़ शीम्‍गीनगी सेम्‍ङी ॱनाङ हो़तालाक।