मारकु 4:38 - ॱलोवा

³⁸ हीना येशु ॱङे च्‍यीक चुक्‍ती, डुगी ग्‍याप स्‍योकला शीम हो़तालाक। धेनी ङेनेक्‍याई खोङबाला ॱङी चेदी श्‍यी़वालाक, “ॱलोपो़न ला, हे भीप्‍ती स्‍यीगु झ्‍यीदी। खोङबा घीया दो़नाङ मेजेये?”

मारकु 4:38 Iomraidhean Croise

मेथा 22:16

धेनी खुङक्‍याई खोरी ङेनेक्‍या, हेरोदेगी मीक्‍यामुला येशुचारु झावालाक। धेनी खुङक्‍याई श्‍यी़वालाक, “गेन्‍ला, हेक्‍याला स्‍येयेहो़क। खेराङ नी, ढाङपो धाङ को़न्‍क्षोकगी लाम ढाङपो तो़न्‍दी। धेनी खेराङ मीगी ङो तेरी क्षाक्‍ले मेजेगीन झ्‍येरी, खेराङ मी श्‍येम्‍मागी साम्‍लोला या मेजेदालाक।

मेथा 8:25

धेनी खुङक्‍या येशुचारु सोरी, खोङबाला ॱङी चेदी श्‍यी़वालाक, “चोवो, होराङक्‍याला क्‍योप्‍रो जे। होराङक्‍या भीप्‍कु झ्‍यीदी।”

मारकु 4:37

ॱहाताक्‍पाला ॱमीच्‍यीकी क्षे ॱलुङछुप लारी, भालापगी डुला श्‍युरती, डु नाङदु क्षु खावालाक धेनी भीप्‍कु झ्‍येवालाक।

मारकु 4:39

धेनी खोङबा श्‍येङदी ॱलुङछुपला काको़न जेदी ग्‍याछोला सुवालाक, “खाबा धो़क, ल्‍हेवी सोङ!” धेनी ॱलुङछुप छो़पालाक धेनी तीङल्‍हेवी झ्‍युवालाक।

लुका 8:24

धेनी खुङक्‍या खोङबा भोलोक्‍तु होरी, देरे ॱनेरी ॱलावालाक, “ॱलोपो़न ला, ॱलोपो़न ला, होराङ भीप्‍ये झ्‍यीदी।” खोङबा श्‍याङा जेदी ॱलुङछुप धाङ भालापला काको़न ताङा जेपालाक धेनी होदेगो छेदी ल्‍हेवी झ्‍युवालाक।

योहान्‍ना 4:6

होदुरु याकोबगी क्षुदोङ हो़तालाक। धेनी येशु राङगी डुने कु ङ्यारी होदे क्षुदोङगी डामदु श्‍युक्‍पालाक। होदे घाङला ङीङमो हो़तालाक।

ईब्‍रीपा 2:17

होझ्‍येरी मीक्‍याई धीक्‍पागी धीकस्‍याक पुयेला, खोङबा को़न्‍क्षोकगी श्‍याप्‍ची श्‍युगीन ॱङीङजेचेन धाङ ॱलोते छोक्‍पा क्षो़पो़न क्षे झ्‍युङयेगी क्षीदु, खोङ येशु नी, छोक घीरीने राङगी पी़नक्‍या च्‍योक्‍रे ग्‍युर घो़वालाक।

ईब्‍रीपा 4:15

घीझ्‍येरी ॱनाना होरी थापक्‍योवागोला ॱङीङजे जे ॱमीथुप्‍कीन, चो क्षो़पो़न होराङला मेतालाक। होराङ च्‍योक्‍रे दो़न घीरीला छो़ताला छी़दीयाः, खोङबागी धीक्‍पा च्‍यीया ॱमाझ्‍येवालाक।

१ पेटो 5:7

धेनी खेक्‍याई सेम्‍डा घीरी खोङबाला फी़ घीझ्‍येरी ॱनाना खोङबागी खेक्‍याई शीक क्‍योङ जेदालाक।