मारकु 4:35 - ॱलोवा

³⁵ होदे ङीमागो ॱरो रुक्‍ती, येशुगी ङेनेक्‍याला सुवालाक, “होराङ ग्‍याछोगी ॱहाकीनला डोउ।”

मारकु 4:35 Iomraidhean Croise

मेथा 14:22

येशुगी मीछोकक्‍याला घोङपा ॱनाङी घाङला, राङगी ङेनेक्‍याला डु श्‍यो़न्‍दी, खोङबाने एन्‍ला ॱहाकीनला सोङ सुरी झावालाक।

मेथा 8:18

धा, येशुगी राङगी ॱये-ॱयो़नला मीछोकक्‍या शीक्‍पालाक धेनी खोङबागी ङेनेक्‍याला, छो ॱहाकीनला डोयेगी का ॱनावालाक।

मारकु 5:21

धेनी येशु डु नाङदु श्‍यो़न्‍दी ॱहाकीनला फेप्‍पालाक। धेनी मीछोक क्षे च्‍यीक, खोङबागी डुङदु जोम्‍बालाक धेनी खोङबा ग्‍याछोगी थामारु श्‍युक हो़तालाक।

मारकु 6:45

लाम्‍साङ येशुगी मीछोकक्‍याला घोङपा ॱनाङी घाङला, खोराङगी ङेनेक्‍याला डु श्‍यो़न्‍दी, राङने एन्‍ला ॱहाकीनला बेथसेदारु सोङ सुवालाक।

मारकु 8:13

धेनी देक्‍याला भोरती, खोङबा डु नाङदु श्‍युक्‍ती ॱहाकीनला फेप्‍पालाक।

लुका 8:22

ङीमा च्‍यीक येशु खोरी ङेनेक्‍याई मुला, डुला श्‍योन जेपालाक धेनी खोङबागी खुङक्‍याला सुवालाक, “होराङ छोगी ॱहाकीन स्‍योकला डोउ।” धेनी खोङबाक्‍या फेप्‍पालाक।

लुका 8:25

खोङबागी खुङक्‍याला सुवालाक, “खेक्‍याई धेपा घारु हो़ता?” धेनी खुङक्‍या जीक्‍पालाक धेनी ॱहालेरी च्‍यीकगी च्‍यीकला ॱनेवालाक, “खोङबा सुले? ॱलुङ धाङ भालापला का ॱनाङी, धेनी होदेक्‍याई खोङबागी का ङेन्‍दी।”

योहान्‍ना 6:1

होदे स्‍याम्‍ला, येशु गालील छोगी ॱहाकीनला फेप्‍पालाक। (होदेला तीबेरीयास छोवा ॱनालाक।)

योहान्‍ना 6:17

धेनी डु श्‍यो़न्‍दी छोगी ॱहाकीनला काफारनाहुमदु सोवालाक। होदे घाङला ॱरो रुक्‍तीया, येशु खुङक्‍याचारु ॱमाफेप हो़तालाक।

योहान्‍ना 6:25

खुङक्‍याई येशुला छोगी ॱहाकीनला ज्‍यारी श्‍यी़वालाक, “राब्‍बी, खेराङ दुरु नाम फेप्‍पा?”