मारकु 4:17 - ॱलोवा

¹⁷ हीना चावा मेगीन झ्‍येरी, तीते माना धे थुक्‍कीमालाक। धेनी कागी झ्‍येरी काङे धाङ दुक्‍पु झ्‍युङी घाङला, खुङक्‍या उक्‍कुरा धेपाने ग्‍याप ॱलोक्‍कीलाक।

मारकु 4:17 Iomraidhean Croise

मेथा 11:6

ङाला तेरी धेपाने मेलोक्‍कीनक्‍या, झ्‍यीलाप क्षे हीन।”

मेथा 12:31

होझ्‍येरी ङा खेक्‍याला ॱनाहीन, धीक्‍पा घीरी धाङ को़न्‍क्षोकला कुरवा धेप्‍कीन घीरी सेल्‍गीलाक हीना धाम्‍पे थुक्‍ङीला कुरवा धेप्‍कीनगी धीक्‍पा दे सेल्‍गीमालाक।

मेथा 13:21

हीना राङला चावा तीङ रीङबो मेगीन झ्‍येरी, होदे धी़चो़ तीते च्‍यीक धेगीलाक धेनी कागी दो़न्‍दु दुक्‍ङेल धाङ ॱनेक्‍यो़न झ्‍युङना लाम्‍साङ खो धेपाने लोक्‍कीलाक।

मारकु 4:16

धेनी मी रीङगा धोरुकगी साङला तोरता, साङाक्‍या च्‍योक्‍रे हुङालाक। खुङक्‍याई कागो ङेन्‍दी लेमो च्‍यीक्‍लाराङ, ङ्यामो घेरी खे लेन्‍गीलाक।

मारकु 4:18

धेनी छेम्‍मागी खोकला तोरता साङा श्‍येम्‍माक्‍या, दे मीक्‍या लाक खी़ कागो ङेन्‍गीलाक।

लुका 12:10

मी-भुला ॱमेटा छीक च्‍यीक ताङना, होदेला घोयाङ थोप्‍कीलाक हीना धाम्‍पे थुक्‍ङीगी कोरला कुरवा धेप्‍कीनला, घोयाङ ॱमेथोप्‍कीलाक।

योहान्‍ना 8:31

धेनी येशुगी राङला धेपा हो़गीन याहुदापाक्‍याला सुङा जेपालाक, “ङी काला ॱनेती धेना, खेक्‍या ॱङोन्‍नेराङ ङी ङेने लाक।

गालातीयापा 6:12

राङला जीक्‍तेनदु ढा छाक्‍पोमा तो़न्‍ये दो़पा हो़गीनक्‍याई राङ, खेक्‍याला पाउ चेगीन ताक ग्‍याप्‍येला उजुक झ्‍यीये थापस्‍यी झ्‍यीदालाक। खुङक्‍या राङला मास्‍यीकागी ग्‍याङस्‍यीङगी झ्‍येरी दुक्‍पु मारास्‍योक ॱनेरी, च्‍यीगा देरे झ्‍यीदालाक।

२ तीमोथेउ 1:15

एशीयारु हो़गीन घीरी धाङ होदे खोक्‍ने फुगेलोस धाङ हेरमोगेने ॱङीउगी, ङाला पाङगीनगो ख्‍यो़ला स्‍येये हो़तालाक।

२ तीमोथेउ 4:10

घीझ्‍येरी ॱनाना देमा, जीक्‍तेन देला छाक्‍ती ङाला पारी थेसालोनीकेरु लाजुङ। धेनी कारेसीकेन नी, गालातीया यु स्‍योकदु लाजुङ धेनी तीतोस नी दालमातीया यु स्‍योकदु लाजुङ।

२ तीमोथेउ 4:16

ठीम्‍पो़नगी दोङदु ङा थेङ धाङपो ठीम श्‍यी़ घाङला, घीरीगी ङाला पारी, ङा स्‍योकला सुवा लाङगी मीदुक। दी लेनगो, खुङक्‍या खाला ॱमाफोक्‍वास्‍योक।

ईब्‍रीपा 10:29

धा को़न्‍क्षोकगी सेला काङबा होकला श्‍याक्‍कीन धाङ राङला धाम्‍पा जेगीन, धाम्‍चागी कुठाकगोला ॱमेचाङा चीगीन धाङ थुक्‍जेगी थुक्‍ङीला ॱमेटा ताङगीनक्‍याला, देने घाजो़ ल्‍हाक छेपा फोक्‍यी हो़टी़ ॱनेरी, खेराङक्‍याराङ साम्‍लो तोङदाङ।

१ योहान्‍ना 2:19

खुङक्‍या होरी घुङनेराङ थो़न्‍दी सोवालाक हीना खुङक्‍या ॱङोन्‍नेगो, होराङ स्‍योकने मालाक। घीझ्‍येरी ॱनाना खुङक्‍या होराङ स्‍योकने हीन्‍ना, खुङक्‍या होराङमुला राङ धे हो़टु हीना खुङक्‍या घीरी होराङने डारी डुगीनगी़ राङ, होराङ स्‍योकगी मालाक ॱनेरी सावो झ्‍युङालाक।

ॱङो़न्‍पा 2:10

धा ख्‍यी़ ङ्याङये हीन्‍गीन दुक्‍पुक्‍याने माजीक। तो़दाङ, खेक्‍याला छो़ता झ्‍यीयेगी क्षीदु, धी़कगी खेक्‍याने रीङगाला चो़न्‍खाङदु च्‍युक्‍कीलाक धेनी श्‍याक्‍मो च्‍यु थुक्‍पे, ख्‍यो़ला दुक्‍पु झ्‍युङगीलाक। ख्‍यो़ स्‍यीघो़ना धेपाला तेन्‍पो धो़क धेनी ङी ख्‍यो़ला छेसोकगी चो़पेन तेरु।

ॱङो़न्‍पा 2:13

धी़क सातानगी ठी हो़जारु खेक्‍या ॱनेलालाक ॱनेरी, ङाला स्‍येयेहो़क। देरे हीन्‍नाः, खेक्‍या ङी मीङगी दो़न्‍दु तेन्‍पो ॱनेलालाक। धेनी धी़क सातान ॱनेसा, खीकी ग्‍याजारु ङी ॱलोते हो़गीन पाङपो आन्‍तीपागोला सेपालाक धेनी होदे घाङगी ङीमाक्‍यालाः, खेक्‍याई राङगी धेपा ॱमापाजुङ।