मारकु 4:15 - ॱलोवा

¹⁵ मी रीङगा लाम्‍गाला तोरता, साङाक्‍या च्‍योक्‍रे हुङालाक। खुङक्‍याई कागो ङेन्‍लुङ मेताला, धी़क होरे खुङक्‍या नाङदु ताप्‍ता कागो ठोक्‍ती डुगीलाक।

मारकु 4:15 Iomraidhean Croise

मेथा 13:19

लाम्‍गाला थोरथोवा साङागो, नाम्‍खे ग्‍यासीगी का ङेन्‍दी ॱहामेघोगीन धाङ धी़क होरी होदेगी सेम नाङदु ताप्‍ता साङागो, होदेने ठोक्‍ती डुगीन च्‍योक्‍रे लाक।

मेथा 22:5

हीना खुङक्‍याई या माझ्‍येवालाक। धेनी रीङगा खोरी श्‍यीङला धेनी रीङगा खोरी छोङला सोवालाक।

मेथा 4:10

धेनी येशुगी सुवालाक, “सातान, ॱहाला सोङ। घीझ्‍येरी ॱनाना देरे ढीक हो़तालाक, ‘ख्‍यी़ चोवो राङगी को़न्‍क्षोकला क्षाक्‍क्षो़पा पु धेनी खोङबाला च्‍यीगा श्‍याप्‍ची श्‍यी़।’”

मारकु 4:14

साङा तोरकीनगी को़न्‍क्षोकगी का तोरकीलाक।

मारकु 4:16

धेनी मी रीङगा धोरुकगी साङला तोरता, साङाक्‍या च्‍योक्‍रे हुङालाक। खुङक्‍याई कागो ङेन्‍दी लेमो च्‍यीक्‍लाराङ, ङ्यामो घेरी खे लेन्‍गीलाक।

मारकु 4:4

धा, साङा तोरी घाङला, रीङगा लाम्‍गा स्‍योकला थोरपालाक धेनी झ्‍याक्‍या होरे होदे शेवालाक।

लुका 8:12

लाम्‍गाला थोरकीन साङाक्‍या, का घोरसागीनक्‍या लाक। धेनी धेपा मीझ्‍यीदास्‍योक धेनी ॱमाक्‍योबास्‍योक ॱनेरी, धी़क होरी खुङक्‍याई सेमने कागो ठोक्‍ती डोवालाक।

जेपा 17:32

धा मी स्‍यीस्‍या याङ सो़न्‍पो लाङगीलाक ॱनेरी घोरती, मी रीङगागी पाउलुला घो़ स्‍योरती ॱमेज्‍यु तावालाक हीना मी श्‍येम्‍माक्‍याई ॱनेवालाक, “हेक्‍या देगी कोरला धोराङा ङेन्‍ङी दो़दीक।”

जेपा 5:3

धेनी पेटोगी ॱनेवालाक, “आनानीया, ख्‍यो़री सेम धी़कगी आङजाला तेरती, धाम्‍पे थुक्‍ङीमुला घीझ्‍येरी शोक स्‍येदा? सा चोचाने आले तीते च्‍यीक ख्‍यो़रीमुला घीझ्‍येरी बो़री श्‍याकआ?

२ कोरीन्‍थुपा 2:11

दे नी, धी़ सातानगी होराङला गोकोर ॱमेताङयेगी क्षीदु झ्‍येवालाक। घीझ्‍येरी ॱनाना खी़ झ्‍यी़क्‍याई कोरला, होराङगी ॱमेस्‍येगीन मालाक।

२ थेसालोनीकेपा 2:9

ठीमने डागीन मी दे धी़कगी वाङने होरी, शोक्‍पो ताकक्‍या धाङ ॱहाङसागीन लेगाक्‍या

ईब्‍रीपा 12:16

धेनी सुवाः छाक च्‍यीकगी शामागी क्षीदु, राङ भीजा क्षे हीन्‍गीनगी थोप्‍ताङगो चोङगीन एसाउ च्‍योक्‍रे, लोक्‍येम्‍पा धाङ क्षो़ मेगीन माझ्‍युङवास्‍योक।

ईब्‍रीपा 2:1

होझ्‍येरी होरी घी घोरकागोला, ॱयोल्‍ले ल्‍हाक दो़नाङ झ्‍यी घो़गुलाक। देरे मेन्‍ना होरी लाम नोरयेगी ङेन्‍का हो़क।

१ पेटो 5:8

खेक्‍याराङ छो़ शीम्‍दी, च्‍याङजे झ्‍यी। खेक्‍याई डा हीन्‍गीन धी़क नी, ङारके तो़न्‍गीन सीङगे च्‍योक्‍रे, सुला ॱङेदी शागुनाङ ॱनेरी चारी ग्‍युक्‍वालाक।

ॱङो़न्‍पा 12:9

होदे डुक क्षेगो माला ॱयुक्‍पालाक। दे नी, जीक्‍तेनगी मी घीरीला ॱली़गीन धी़ याङना सातान ॱनेरी, ॱनागीन एम्‍मा-एम्‍मागी डुगो लाक। होदेला साश्‍यीदु ॱयुक्‍पालाक धेनी होदेमुला खी़ भाङछेनक्‍याः ॱयुक्‍पालाक।

ॱङो़न्‍पा 20:10

धेनी खुङक्‍याला ॱली़गीन होदे डेगो सेम्‍चेन धाङ ॱङो़नस्‍येखेन शोक्‍पोगोवाः हो़सा, मे धाङ मुशेगी छो नाङदु ॱयुक्‍पालाक। होदुरु खुङक्‍या ग्‍युने ग्‍युन्‍दु ङीन-छेन दुक्‍पु ङ्याङगीलाक।

ॱङो़न्‍पा 20:7

धा लो च्‍यीक तोङगो जोक्‍वाराङ, धी़ सातानगो होदेगी चो़न्‍खाङने टोगीलाक।