मारकु 3:7 - ॱलोवा

⁷ होदे स्‍याम्‍ने येशु खोङबागी ङेनेक्‍यामुला, ग्‍याछो स्‍योकला फेप्‍पालाक। धेनी मीछोक क्षे च्‍यीक गालीलने, खोङबागी स्‍याबाला सोवालाक।

मारकु 3:7 Iomraidhean Croise

मेथा 10:23

ग्‍याजा च्‍यीकदु खेक्‍याला दुक्‍पु तेरना, ग्‍याजा श्‍येम्‍मारु डो़। घीझ्‍येरी ॱनाना ङा धेन्‍पाराङ खेक्‍याला ॱनाहीन, मी-भु फेप्‍कीन एन्‍ला, खेक्‍या ईस्‍राएलगी ग्‍याजा घीरीला खोर ॱमेछारकीलाक।

मेथा 12:15

येशुगी दे खेन्‍दा जेदी, खोङबा होदेने फेप्‍पालाक। धेनी मीछोक क्षे च्‍यीक खोङबागी स्‍याबाला डावालाक धेनी खोङबागी घीरीला चो़गा जेपालाक।

मेथा 12:16

धेनी राङगी कोरला सुला ॱमास्‍ये सुरी का ॱनावालाक।

मेथा 4:25

धेनी गालील यु धाङ ग्‍याजा च्‍युक्‍या धाङ येरुसालेम धाङ युदेया धाङ योरदान चाङबुगी ॱहाकीनने, हुङगीन मीछोक क्षे च्‍यीक खोङबागी स्‍याबाला डावालाक।

मारकु 1:39

धेनी छोक्‍खाङक्‍या नाङदु क्षो़ सुङी-सुङी धाङ डेक्‍या तो़न्‍दा जेदी-जेदी, खोङबा गालीलगी साज्‍या घीरीदु फेप्‍पालाक।

मारकु 1:45

हीना खो सोरी होदे कोरला, हो़लेरु टाम्‍ये गो चुक्‍पालाक। धेनी येशु ग्‍याजादु धाब्‍ले मीमाङक्‍याई थोङसाला फेप ॱमाथुक्‍पालाक। धेनी येशु रीतोङ स्‍योकला श्‍युक्‍पालाक, घीहीनाः मीक्‍या छोक घीरीने खोङबाचारु होवालाक।

मारकु 3:20

होदे स्‍याम्‍ने येशु खीमला फेप्‍पालाक। धेनी मीमाङक्‍या याङ जोम्‍दी, खोङबाक्‍याला श्‍येलाक श्‍येये धी़चो़गोवा माजोप्‍पालाक।

मारकु 4:1

याङदा येशु ग्‍याछोगी थामाला क्षो़ ॱनाङये गो चुक्‍पालाक। धेनी मीछोक ॱमीच्‍यीकी माङा खोङबागी थाकोरला जोम्‍दी, खोङबा डु नाङदु फेप्‍ती, छोला श्‍युक्‍पालाक। धेनी मीछोकक्‍या ग्‍याछोगी थामारु धेपालाक।

लुका 23:5

हीना खुङक्‍याई उजुक झ्‍येरी ॱनेवालाक, “दे मी दी गालील ग्‍यारापने गो चुक्‍ती, दे थुक्‍पे युदेया घीरीला राङगी क्षो़ ॱलाप्‍ती मीक्‍याला टुक्‍ई।”

लुका 6:12

ङीमा च्‍यीक येशु री स्‍योकला फेप्‍ती, होदुरु छेन्‍घाङ को़न्‍क्षोकला सोवा ताप्‍ती श्‍युक्‍पालाक।

लुका 6:17

धेनी येशु कुछापक्‍या मुला रीने माला फेप्‍ती, खोङबा थाङगा च्‍यीकरु श्‍येङदी श्‍युक्‍पालाक। होदुरु खोङबागी स्‍याबाला डागीन, मीछोक क्षे च्‍यीक धाङ युदेया युगी सा घीरीने धाङ येरुसालेम ग्‍याजाने धाङ ग्‍याछोगी थामाला हो़गीन, ताएर धाङ सीदोन ग्‍याजाने होवा मीछोक क्षे च्‍यीक होदुरु जोम हो़तालाक।

योहान्‍ना 7:41

धेनी श्‍येम्‍माक्‍याई ॱनेवालाक, “दे नी मास्‍यीकागो लाक।” हीना रीङगागी ॱनेवालाक, “गालील युने मास्‍यीकागो फेप्‍कुलाक से?

योहान्‍ना 7:52

खुङक्‍याई खोला ॱनेवालाक, “ख्‍यो़याः गालीलपा हीने? सुङरापला चारी तो़, गालीलने ॱङो़नस्‍येखेन सुवा मीझ्‍युङगीलाक।” [

जेपा 17:10

छेन्‍मु झ्‍युङलुङ मेताला धेपा-झ्‍यीगीन पी़नक्‍याई, पाउलु धाङ सीलवानुला बेरोया ग्‍याजारु झावालाक। धेनी खुङक्‍या होदुरु ॱलेप्‍ती, याहुदापाक्‍याई छोक्‍खाङ नाङदु सोवालाक।

जेपा 17:14

धेनी धेपा-झ्‍यीगीनक्‍याई पाउलुला उक्‍कुरा ग्‍याछो स्‍योकला झावालाक। हीना सीलवानु धाङ तीमोथेउगो होदुरुराङ धेपालाक।