मारकु 3:18 - ॱलोवा

¹⁸ धेनी आन्‍डीरीया धाङ फीलीप धाङ बारथोलोमा धाङ मेथा धाङ थोमा धाङ आल्‍फायुगी भीजा याकोब धाङ थाएदेआ धाङ ग्‍याल्‍चेपा ॱनागीन सीमोन

मारकु 3:18 Iomraidhean Croise

मेथा 13:55

खो नी स्‍यीङजोवागी भीजागो माले? खी़ आमागी मीङ मीरीयाम माले? धेनी खी़ पी़नक्‍या याकोब, योसेफ, सीमोन धाङ युदा माले?

मेथा 9:9

धेनी येशु होदेने ॱहाला फेई घाङला, ठा धुजारु धेता मेथा ॱनागीन मी च्‍यीकला शीक्‍पालाक धेनी खोला “ङी स्‍याबाला डोङ” सुरी सुवालाक। धेनी खो लारी खोङबागी स्‍याम्‍ला डावालाक।

मारकु 2:14

येशु फेई घाङला, खोङगी आल्‍फायुगी भीजा लेवीला, ठा दुजा लेखुङदु धेतागो शीक्‍पालाक। धेनी खोला, “ङी स्‍याबाला स्‍योक” सुरी सुवालाक। धेनी खो लारी खोङबागी स्‍याबाला सोवालाक।

मारकु 3:17

जेबेदीगी भीजा याकोब धाङ खी़ नो योहान्‍ना, खोङ ॱङीला येशुगी भोआनेरगे ॱनेरी मीङ ताक्‍पालाक। होदे ॱनाना “डुककेगी भीजा” लाक।

मारकु 3:19

धाङ खोङबाला डाला ची ग्‍याप्‍कीन, युदा ईस्‍कारीयोतगो लाक।

मारकु 6:3

दे मीरीयामगी भीजा, याकोब धाङ योसेफ धाङ युदा धाङ सीमोनगी आज्‍यो, होदे स्‍यीङचोवागो माले? धेनी खी़ नुमोक्‍या होराङमुला दुरु हो़तामाले?” धेनी खुङक्‍याई खोङबाला ङो ॱलोक्‍पालाक।

योहान्‍ना 1:40

योहान्‍नागी ॱनागीनगो ङेन्‍गीन धाङ येशुगी स्‍याबाला डागीन ॱङीउने, च्‍यीक सीमोन पेटोगी नो, आन्‍डीरीया लाक।

योहान्‍ना 11:16

दीदुमोस ॱनागीन थोमागी राङगी रोवा ङेनेक्‍याला ॱनेवालाक, “धा होराङ खोङबामुला स्‍यीयेला डो।”

योहान्‍ना 14:22

युदागी (युदा ईस्‍कारीयोतगो मालाक) श्‍यी़वालाक, “चोवो, खेराङ जीक्‍तेनगी मीक्‍याला मेन्‍दा, हेक्‍याला ॱङो़न्‍दा जेये? दे घाङगी झ्‍येरी झ्‍युङ थुक्‍कीले?”

योहान्‍ना 21:2

सीमोन पेटो धाङ दीदुमोस ॱनागीन, थोमा धाङ गालील युगी कानानीपा नाथानेल धाङ जेबेदीगी भीजा ॱङी धेनी खोङबागी ङेने श्‍येम्‍मा ॱङी झ्‍येरी, खुङ घीरीमुला हो़तालाक।

जेपा 1:13

येरुसालेमदु ॱलेप्‍ती, खुङक्‍या खोराङ धेजा खाङबागी थोयोकगी खाङजुङला सोरी जोम्‍बालाक। होदुरु जोम्‍गीनक्‍या पेटो धाङ योहान्‍ना धाङ याकोब धाङ आन्‍डीरीया धाङ फीलीप धाङ थोमा धाङ बारथोलोमा धाङ मेथा धाङ आल्‍फायुगी भीजा, याकोब धाङ सीमोन ग्‍याल्‍चेपा धाङ याकोबगी भीजा युदा हो़तालाक।

जेपा 15:13

खुङक्‍याई लाब तासारती याकोबगी ॱनेवालाक, “पी़नक्‍याओ, ङी लाब ङेन आ!

जेपा 21:18

ॱङेटोगो पाउलुगी हेक्‍याला याकोबचारु ठीक्‍ती लाजुङ। याकोबगी नाङला क्षो़छोकगी गोठी घीरी जोम्‍दी धेदुक।

१ कोरीन्‍थुपा 15:7

धेनी खोङ याकोब धाङ धेनी कुछाप घीरीमुला ॱङो़न जेपालाक।

१ कोरीन्‍थुपा 9:5

श्‍येम्‍मा कुछापक्‍या धाङ चोवोगी नोक्‍या धाङ केफास च्‍योक्‍रे, हेक्‍याला धेपा झ्‍यीगीन केमी ठीक्‍ती डोयेगी आङजा मेताले?

गालातीयापा 1:19

हीना चोवोगी नो याकोबला माना, श्‍येम्‍मा कुछापक्‍याने सुला ङी ॱमाथो।

गालातीयापा 2:9

धेनी क्षो़छोकगी कावा चीगीन, याकोब धाङ पेटो धाङ योहान्‍नागी को़न्‍क्षोकगी ङाला ॱनाङगीन क्षाक्‍लेगो ॱहाघोरती, ङा धाङ बारनाबाला खुङक्‍याई लेरोक झ्‍यीयेला खेलेन्‍जुङ। धेनी हेक्‍या याहुदापा मेन्‍गीन मीरीकक्‍या चारु धाङ खुङक्‍या याहुदापाक्‍या खोक्‍दु डोये थाक चो़पालाक।

याकोब 1:1

को़न्‍क्षोक धाङ चोवो येशु मास्‍यीकागी ढेन्‍योक याकोबने, जीक्‍तेनदु थोरती धेता याहुदापा ग्‍युपा च्‍युङङीक्‍याने, मास्‍यीकाला धेपा झ्‍यीगीनक्‍याला छाम्‍डी श्‍युवाहीन।

युदा 1:1

येशु मास्‍यीकागी ढेन्‍योक धाङ याकोबगी नो, ङा युदाने, याप को़न्‍क्षोकगी चेवे धाङ येशु मास्‍यीकागी दो़न्‍दु, ॱरुरी श्‍याकश्‍या, भो़पा पी़नक्‍याला,