मारकु 3:16 - ॱलोवा

¹⁶ खोङबागी को़का च्‍युङङीगो देक्‍या लाक। खोङबागी पेटो ॱनेरी ताक्‍कीन सीमोन,

मारकु 3:16 Iomraidhean Croise

मारकु 1:16

गालीलगी ग्‍याछो डामने फेई घाङला, येशुगी सीमोन धाङ खी़ नो आन्‍डीरीयागी ग्‍याछो नाङदु ङ्यारे ॱयुक्‍कीनगो शीक्‍पालाक। खोङ ॱङीउ ङ्यापा लाक।

मारकु 3:17

जेबेदीगी भीजा याकोब धाङ खी़ नो योहान्‍ना, खोङ ॱङीला येशुगी भोआनेरगे ॱनेरी मीङ ताक्‍पालाक। होदे ॱनाना “डुककेगी भीजा” लाक।

लुका 6:13

धेनी ॱङारोकगो खोङबागी खोरी ङेनेक्‍याला भो़या जेदी, होदेक्‍याने च्‍युङङीला दाम्‍दी, देक्‍याला कुछाप ॱनेरी मीङ ता जेपालाक।

योहान्‍ना 1:42

धेनी खी़ सीमोनला येशु डुङदु ठीक्‍ती होवालाक। येशुगी खोला शीक्‍ती सुवालाक, “ख्‍यो़ योहान्‍नागी भीजा सीमोन लाक धेनी ख्‍यो़ला केफास ॱनेरी भो़गीलाक।” (केफासला पेटो ॱनालाक धेनी होदे मीङ ॱङीगारागी दो़नगो “फोङगीङ” लाक।)

जेपा 1:13

येरुसालेमदु ॱलेप्‍ती, खुङक्‍या खोराङ धेजा खाङबागी थोयोकगी खाङजुङला सोरी जोम्‍बालाक। होदुरु जोम्‍गीनक्‍या पेटो धाङ योहान्‍ना धाङ याकोब धाङ आन्‍डीरीया धाङ फीलीप धाङ थोमा धाङ बारथोलोमा धाङ मेथा धाङ आल्‍फायुगी भीजा, याकोब धाङ सीमोन ग्‍याल्‍चेपा धाङ याकोबगी भीजा युदा हो़तालाक।

१ कोरीन्‍थुपा 1:12

ङी ॱनागीनगो घी लाक ॱनाना, खेक्‍याने रीङगागी “ङा पाउलुगी हीन” धेनी रीङगागी “ङा आपोल्‍लोसगी हीन” धेनी रीङगागी “ङा केफासगी हीन” धेनी रीङगागी “ङा मास्‍यीकागी हीन” ॱनेरी ॱनी।

१ कोरीन्‍थुपा 3:22

होदेगो पाउलु हीन्‍ना आपोल्‍लोस हीन्‍ना केफास हीन्‍ना जीक्‍तेन हीन्‍ना छेसोक याङना छीवा हीन्‍ना धान्‍दा याङना माउपार हीन्‍ना, दो़न घीरी खेक्‍याई लाक।

१ कोरीन्‍थुपा 9:5

श्‍येम्‍मा कुछापक्‍या धाङ चोवोगी नोक्‍या धाङ केफास च्‍योक्‍रे, हेक्‍याला धेपा झ्‍यीगीन केमी ठीक्‍ती डोयेगी आङजा मेताले?

२ पेटो 1:1

येशु मास्‍यीकागी ढेन्‍योक धाङ कुछाप सीमोन पेटोने, होरी को़न्‍क्षोक धाङ क्‍याम्‍गो़न येशु मास्‍यीकागी ढाङतेनला, हेक्‍याला च्‍योक्‍रे चाक्षे धेपा थोप्‍थाक्‍याला,