मारकु 3:10 - ॱलोवा

¹⁰ खोङबागी मी ॱमीच्‍यीकी माङाला चो़गा जेदी नाजा हो़गीन घीरी, खोङबाला जुयेला ॱहाला-छुला पुरी उजुक झ्‍येरी होवालाक।

मारकु 3:10 Iomraidhean Croise

मेथा 12:15

येशुगी दे खेन्‍दा जेदी, खोङबा होदेने फेप्‍पालाक। धेनी मीछोक क्षे च्‍यीक खोङबागी स्‍याबाला डावालाक धेनी खोङबागी घीरीला चो़गा जेपालाक।

मेथा 14:14

खोङबा डु नाङने भावा जेदी मीछोक क्षे हो़गीनगो शीक्‍पालाक धेनी खुङक्‍याला ॱङीङजे केरी, नेपाक्‍याला चो़गा जेपालाक।

मेथा 14:36

धेनी नेपाक्‍याला खोङबागी नाशागी थामा च्‍यीगा ज्‍युरु च्‍युक्‍येला, खुङक्‍याई श्‍यी़वालाक। धेनी जुगीन घीरी ढाक्‍पालाक।

मेथा 4:23

धेनी येशु गालीलगी छोक घीरीला फेप्‍ती, खुङक्‍याई छोक्‍खाङक्‍याला क्षो़ सुरी, नाम्‍खे ग्‍यासीगी ताम्‍शाङ दे सेटाक जेपालाक। धेनी नाजा घीरी धाङ मीमाङला हो़गीन नेको़न घीरी चो़गा जेपालाक।

मारकु 5:34

खोङबागी मोला सुवालाक, “भोमो, खेरी धेपागी ख्‍यो़ला चो़गा झ्‍येजुङ। कीपोमा झ्‍येरी सोङ, धेनी ख्‍यो़री नाजाने थारास्‍योक।”

मारकु 6:56

धेनी यु धाङ ग्‍याजा धाङ साज्‍या घारु खोङबा फेई, होदुरु खुङक्‍याई ठोम्‍साक्‍याला मी नेपाक्‍या श्‍यालाक। धेनी खोङबागी नाशागी थामा च्‍यीगा हीन्‍ना, जुरु च्‍युक्‍रोझ्‍यी, ॱनेरी श्‍योवा पुवालाक धेनी जुगीन घीरी ढाक्‍पालाक।

मारकु 8:22

धेनी येशु धाङ ङेनेक्‍या बेथसेदारु ॱलेप्‍पालाक। धेनी मी रीङगागी श्‍यारा च्‍यीकला, येशुचारु ठीक्‍ती होरे, होदेला क्षाक जेरोझ्‍यी ॱनेरी श्‍यी़वालाक।

लुका 5:3

धेनी खोङबा सीमोन ॱनागीनगी डु नाङदु फेप्‍ती, डुगो छोगी थामाने ॱहाचो़ला क्‍यो़ सुरी सीमोनला सुवालाक। धेनी होदुरु श्‍युक्‍ती, खोङबागी मीक्‍याला क्षो़ तो़न जेपालाक।

लुका 6:19

धेनी मी घीरीगी खोङबाला जुयेला थापस्‍यी झ्‍येवालाक घीझ्‍येरी ॱनाना खोङबाने नी़थु थो़न्‍दी, मी घीरी चो़गा झ्‍युङी हो़तालाक।

लुका 7:2

होदुरु ग्‍यापो़न च्‍यीकला ॱयोक्‍पो ढीन्‍चेन च्‍यीक हो़तालाक। धेनी खो नेपा झ्‍युरी, स्‍यीगु झ्‍यीदी हो़तालाक।

लुका 7:21

धेनी होदे घाङलाराङ येशुगी नाजाक्‍या धाङ शुकक्‍या धाङ ॱनो़पाक्‍या हो़गीन, मी माङाला चो़गा जेपालाक धेनी श्‍यारा माङाला थोङगीन जेपालाक।

जेपा 5:15

धेनी पेटो डी़ घाङला, खी़ ढीम्‍जाक च्‍यीगा फोक्‍ना डाक्‍हु ॱनेरी, खुङक्‍याई रेवा झ्‍येरी मीक्‍याई नेपाक्‍याला ङ्याजेमुलाराङ, खेरती होरी ॱराङगाकला ॱङ्यारी श्‍यालाक।

ईब्‍रीपा 12:6

घीझ्‍येरी ॱनाना चोवोगी झाम्‍पा जेगीनक्‍याला ॱलापच्‍या जेदालाक, धेनी राङगी भु चीगीन हो़लेला, छेपा का जेदालाक।”