मारकु 2:2 - ॱलोवा

² धेनी होदे नाङदु मी ॱमीच्‍यीकी माङा जोम्‍दी, घोच्‍चागी फीलाः मी धेजा माजोरालाक। धेनी येशु मीक्‍याला को़न्‍क्षोकगी का सुङी हो़तालाक।

मारकु 2:2 Iomraidhean Croise

मेथा 5:2

धेनी खोङबागी खुङक्‍याला क्षो़ ॱनाङा जेदी सुवालाक,

मारकु 1:14

योहान्‍ना चो़न्‍खाङदु धाक सारती स्‍याम्‍ला, येशु गालीलदु को़न्‍क्षोकगी ताम्‍शाङ सुङी-सुङी फेप्‍पालाक।

मारकु 1:33

होदे ग्‍याजागी मी घीरी, खाङबी घोच्‍चारु मुला जोम्‍बालाक।

मारकु 1:37

धेनी खुङक्‍याई खोङबाला ज्‍यारी श्‍यी़वालाक, “मी घीरी नी खोङबा चाली।”

मारकु 1:45

हीना खो सोरी होदे कोरला, हो़लेरु टाम्‍ये गो चुक्‍पालाक। धेनी येशु ग्‍याजादु धाब्‍ले मीमाङक्‍याई थोङसाला फेप ॱमाथुक्‍पालाक। धेनी येशु रीतोङ स्‍योकला श्‍युक्‍पालाक, घीहीनाः मीक्‍या छोक घीरीने खोङबाचारु होवालाक।

मारकु 2:1

श्‍याक्‍मो तीते स्‍याम्‍ने, येशु काफारनाहुमदु लोक्‍ती फेप्‍पालाक। धेनी मीक्‍याई खोङबा खीमदु श्‍युक दुक ॱनेरी ॱहाघोरपालाक।

मारकु 2:13

येशु याङ गालील ग्‍याछोगी डामदु फेप्‍पालाक धेनी मीगी छाङगा च्‍यीक खोङबाचारु होवालाक। धेनी खोङबागी खुङक्‍याला क्षो़ तो़न जेपालाक।

मारकु 6:34

येशु डुने थो़न्‍दाराङ मीछोक क्षे च्‍यीक झीउ मेगीन लुकक्‍या च्‍योक्‍रे शीक्‍ती, खुङक्‍याला ॱङीङजे केवालाक। धेनी खुङक्‍याला क्षो़ ॱमीच्‍यीकी माङा ॱलाबा जेपालाक।

लुका 12:1

होदे घाङला मी तोङडाक माङा येशुचारु जोम्‍दी, च्‍यीकगी च्‍यीकला छाङगा ग्‍याप्‍ती, काङबी ॱलेये झ्‍येवालाक धेनी येशुगी एन्‍ला खोरी ङेनेक्‍याला सुवालाक, “फारुसीपाक्‍या खाने लाब च्‍यीक हीना लेगा श्‍येम्‍मा झ्‍यीगीन झ्‍येरी, देरे क्‍युरचीने शाप-शाप झ्‍येरी धो़क।

लुका 5:17

श्‍याक्‍मो च्‍यीक येशु क्षो़ तो़न जेदी घाङला, फारुसीपाक्‍या धाङ क्षो़ठीमगी ॱलोपो़नक्‍या होदुरु धे हो़तालाक। खुङक्‍या गालील यु घीरीने धाङ युदेया धाङ येरुसालेम ग्‍याजाने होवालाक। धा ढाक्‍सो़ ॱनाङयेला को़न्‍क्षोकगी नी़थु येशुमुला हो़तालाक।

लुका 8:1

धेनी येशु ग्‍याजाक्‍या धाङ युक्‍याला, को़न्‍क्षोकगी ग्‍यासीगी ताम्‍शाङगो स्‍येदी-स्‍येदी फेप्‍पालाक। खोङबामुला ङेने च्‍युङङीक्‍या हो़तालाक।

लुका 8:11

“धा पेगी दो़न्‍दाकगो नी दे लाक, साङागो को़न्‍क्षोकगी का लाक।

जेपा 11:19

सेतेफेन सेदी धेपा-झ्‍यीगीनक्‍याला दुक्‍पु ङ्याङी घाङला, खुङक्‍या फोनीके धाङ साईपुरुस धाङ सीरीयागी आन्‍तीयोकगी ग्‍याजाक्‍याला ढु ग्‍याप्‍ती ढाम्‍बालाक। खुङक्‍याई याहुदापाक्‍याला च्‍यीगा को़न्‍क्षोकगी का स्‍येपालाक।

जेपा 14:25

पेरगेदु खुङक्‍याई चोवो येशु मास्‍यीकागी कोरला स्‍येपालाक। होदे स्‍याम्‍ने, खुङक्‍या आटालीया स्‍योकला बाप्‍पालाक।

जेपा 16:6

धाम्‍पे थुक्‍ङीगी पाउलु धाङ सीलवानु धाङ तीमोथेउला एशीया स्‍योकला, ताम्‍शाङ स्‍येरु डोयेला काक जेदी, खुङक्‍या फारुगीया धाङ गालातीया स्‍योकने झ्‍युरी सोवालाक।

जेपा 8:25

पेटो धाङ योहान्‍नागी येशुगी पाङपो झ्‍यीये धाङ चोवोगी का स्‍येसारती, येरुसालेमदु लोक्‍पालाक। धेनी लाम्‍गाला डी़ घाङला, सामारीयागी यु माङक्षेला ताम्‍शाङगो स्‍येदी-स्‍येदी सोवालाक।

रोमापा 10:8

हीना दी घी ॱनाले? “का नी ख्‍यी़ डामदु दुक, ख्‍यी़ खा धाङ सेम नाङला श्‍युक दुक।” होदे नी हीकी सेटाक झ्‍यीगीन धेपागी कागो लाक।

२ तीमोथेउ 4:2

को़न्‍क्षोकगी का स्‍यो़क, धी़ हीन्‍गीन धाङ मेन्‍गीन ॱङीगाराला डाढीक धो़क। धेनी शो़पा क्षे थोक्‍ने ॱलोप्‍चुङगी थोक्‍ने मीक्‍याला ॱलापच्‍या ग्‍योप, क्‍यो़न तो़न धेनी सेमस्‍युक पोर।