मारकु 2:16 - ॱलोवा

¹⁶ येशु धीक्‍चेनक्‍या धाङ ठा धुगीनक्‍यामुला श्‍येलाक श्‍येगीनगो, फारुसीपा छोक्‍पागी क्षो़ठीमगी ॱलोपो़नक्‍याई थोरी, येशुगी ङेनेक्‍याला ढीवालाक, “खो घीझ्‍येरी धीक्‍चेनक्‍या धाङ ठा धुगीनक्‍यामुला शामा शाले?”

मारकु 2:16 Iomraidhean Croise

मेथा 18:17

याङ खी़ खुङक्‍यालाः मेङेन्‍ना, होदे लाबगो क्षो़छोकला स्‍यो़क। धेनी खी़ क्षो़छोकगी खाला मेङेन्‍ना, खो ख्‍यी़ क्षीला धेपा मीझ्‍यीगीन धाङ ठा धुगीनक्‍या च्‍योक्‍रे झ्‍युङास्‍योक।

मेथा 5:46

राङला चेवा झ्‍यीगीनला च्‍यीगा चेवा झ्‍यीना, ख्‍यो़ला ज्‍यागा घी थोप्‍कीलाक से? ठा धुगीनक्‍याः देरेराङ मीझ्‍यीदाई?

मेथा 9:11

धेनी फारुसीपाक्‍याई दे थोरी, खोङबागी ङेनेक्‍याला ॱनेवालाक, “खेक्‍याई घेगेन घीझ्‍येरी ठा धुगीनक्‍या धाङ धीक्‍चेन श्‍येम्‍माक्‍यामुला शामा शाले?”

मारकु 2:15

धेनी येशु लेवी नाङदु श्‍येलाक श्‍येयेला श्‍युई घाङला, ॱमीच्‍यीकी माङा ठा धुगीन धाङ श्‍येम्‍मा धीक्‍चेनक्‍या, खोङबा धाङ ङेनेक्‍यामुला धे हो़तालाक। घीझ्‍येरी ॱनाना खोङबागी स्‍याबाला डागीन मी ॱमीच्‍यीकी माङा हो़तालाक।

मारकु 2:7

“मी दे देरे लाब घीझ्‍येरी ताङाले? खो नी को़न्‍क्षोकला ॱमेटा पाई। को़न्‍क्षोक माना सी़ धीक्‍पा थारतु च्‍युक्‍कीले?”

लुका 18:11

फारुसीपागो खोराङ च्‍यीगा लारी ॱमो़लाम दे पुवालाक, ‘के को़न्‍क्षोक, खेराङला थुक्‍जेक्षे घीझ्‍येरी ॱनाना ङा श्‍येम्‍माक्‍या च्‍योक्‍रे ॱहाम्‍बा झ्‍येरी, ग्‍यु ठोक्‍कीन धाङ मेढाङा धाङ लोक्‍येम झ्‍यीगीन धाङ दे ठा धुगीन मी च्‍योक्‍रे मेक।

लुका 19:10

घीझ्‍येरी ॱनाना मी-भु नी तोरताक्‍याला ॱयाङये धाङ क्‍योप्‍येगी क्षीला होवालाक।”

लुका 19:7

दे थोरी मीक्‍या घीरीगी फाक्‍तुङ दुरी ॱनेवालाक, “खोङबा मी धीक्‍चेन च्‍यीकगी नाङदु डो़नला फेई।”

लुका 5:30

धेनी फारुसीपाक्‍या धाङ खुङक्‍याई छोखाकगी क्षो़ठीमगी ॱलोपो़नक्‍या, येशुगी ङेनेक्‍याला देरे ॱनेरी ॱङेतोक स्‍येपालाक, “ठा धुगीनक्‍या धाङ धीक्‍चेनक्‍यामुला खेक्‍या घीझ्‍येरी शा-थुङ झ्‍यीदाले?”

जेपा 23:9

होझ्‍येरी होदुरु ॱमीच्‍यीकी क्षे फेरा झ्‍युवालक। धेनी फारुसीपागी खोक्‍ने क्षो़ठीमगी ॱलोपो़न रीङगा लारी, सादुकीपाक्‍याला ॱमेटा पाप्‍ती ॱनेवालाक, “हेक्‍याई दे मी देगी नोन्‍डु घीन्‍दा ॱमेथोङा। दे मीला सेम्‍ङी याङमेना नाम्‍खे भाङछेनगी लाब ताङा मेन्‍डी़?”

१ कोरीन्‍थुपा 2:15

धाम्‍पे थुक्‍ङीला तेन्‍गीन मीक्‍याई, घीरीगी ताक्‍चो़ झ्‍यीदालाक हीना खोला सी़या ताक्‍चो़ झ्‍यी ॱमीथुक्‍वालाक।

ईब्‍रीपा 12:3

खेक्‍या थाङ ॱमेछेये धाङ सेमस्‍युक ॱमेछाक्‍येगी क्षीला, धीक्‍चेनक्‍याने हुरे ङोलोकक्‍या शो़पा जेगीन, खोङबा येशुला साम्‍लो तोङ।