मारकु 2:13 - ॱलोवा

¹³ येशु याङ गालील ग्‍याछोगी डामदु फेप्‍पालाक धेनी मीगी छाङगा च्‍यीक खोङबाचारु होवालाक। धेनी खोङबागी खुङक्‍याला क्षो़ तो़न जेपालाक।

मारकु 2:13 Iomraidhean Croise

मेथा 13:1

होदे ङीमागोलाराङ येशु नाङने फेप्‍ती, गालील छोगी डामदु श्‍युक्‍पालाक।

मेथा 9:9

धेनी येशु होदेने ॱहाला फेई घाङला, ठा धुजारु धेता मेथा ॱनागीन मी च्‍यीकला शीक्‍पालाक धेनी खोला “ङी स्‍याबाला डोङ” सुरी सुवालाक। धेनी खो लारी खोङबागी स्‍याम्‍ला डावालाक।

मारकु 1:45

हीना खो सोरी होदे कोरला, हो़लेरु टाम्‍ये गो चुक्‍पालाक। धेनी येशु ग्‍याजादु धाब्‍ले मीमाङक्‍याई थोङसाला फेप ॱमाथुक्‍पालाक। धेनी येशु रीतोङ स्‍योकला श्‍युक्‍पालाक, घीहीनाः मीक्‍या छोक घीरीने खोङबाचारु होवालाक।

मारकु 10:1

धेनी येशु होदेने योरदान चाङबु ॱहाकीनगी, युदेया युदु फेप्‍पालाक। धेनी याङ मीछोक माङा खोङबागी डामदु जोम्‍बालाक। धेनी च्‍योई च्‍योक्‍रे, खोङबागी खुङक्‍याला क्षो़ ॱनाङा जेपालाक।

मारकु 2:2

धेनी होदे नाङदु मी ॱमीच्‍यीकी माङा जोम्‍दी, घोच्‍चागी फीलाः मी धेजा माजोरालाक। धेनी येशु मीक्‍याला को़न्‍क्षोकगी का सुङी हो़तालाक।

मारकु 4:1

याङदा येशु ग्‍याछोगी थामाला क्षो़ ॱनाङये गो चुक्‍पालाक। धेनी मीछोक ॱमीच्‍यीकी माङा खोङबागी थाकोरला जोम्‍दी, खोङबा डु नाङदु फेप्‍ती, छोला श्‍युक्‍पालाक। धेनी मीछोकक्‍या ग्‍याछोगी थामारु धेपालाक।

लुका 19:48

हीना मी घीरी खोङबागी काला ॱङीङने चीगीन झ्‍येरी, खुङक्‍याला थापस्‍यी घीया ॱमाङेबालाक।

लुका 21:38

धेनी ॱङारोक ॱङात्‍ती, मी घीरी खोङबागी का ङेन्‍येला क्षो़खाङदु हुङालाक।