मारकु 2:12 - ॱलोवा

¹² खो लारी उक्‍कुरा च्‍यीकला, खोरी ङ्याजे खुरती मीमाङक्‍याई थोङजाने, राङ फीला सोवालाक। धेनी “देरे हीकी नामा थोङ माङ्युङ” ॱनेरी मी घीरी ॱहालेरी, को़न्‍क्षोकला तो़टा पुवालाक।

मारकु 2:12 Iomraidhean Croise

मेथा 12:23

धेनी मीछोक घीरी ॱमीच्‍यीकी ॱहालेरी ॱनेवालाक, “मी दे ग्‍यावु दावीदगी सेगो हीन्‍ढी़?”

मेथा 15:31

धेनी मीछोकक्‍याई घोवा-घुमाक्‍या लाब ताङगीन, खोङपोक्‍या ढाक्‍कीन, श्‍याक्‍योवाक्‍या ग्‍युक्‍कीन धाङ श्‍याराक्‍या थोङगीन थोरी ॱमीच्‍यीकी याम्‍सावालाक। धेनी खुङक्‍याई ईस्‍राएलगी को़न्‍क्षोकला तो़पा पुवालाक।

मेथा 9:33

येशुगी डेगो तो़न्‍दा जेपालाक धेनी मीगो लाब ताङ थुक्‍पालाक। धेनी मीछोकक्‍या ॱमीच्‍यीकी याम्‍सारी ॱनेवालाक, “ईस्‍राएलला देरे नामा थोङ माङ्युङ।”

मेथा 9:8

धा मीछोकक्‍या दे थोरी जीक्‍पालाक धेनी मीला देरे आङजा ॱनाङगीन को़न्‍क्षोकला तो़पा पुवालाक।

मारकु 1:27

धा मी घीरी ॱहालेरी, च्‍यीकगी च्‍यीकला ढीवालाक, “दे घी ले? दे नी आङजा हो़गीन क्षो़लुक साबा च्‍यीक हीन्‍दाराक। खी़ ॱनो़पाक्‍यालाः का ॱनाङी धेनी ॱनो़पाक्‍या खी़ खाला ङेन्‍दी।”

मारकु 2:11

धेनी खोङबागी शा फोक्‍पोवागोला सुवालाक, “लोङ धेनी ख्‍यो़री ङ्याजे खुरती, नाङला सोङ ॱनेरी ङा ख्‍यो़ला ॱनाहीन।”

लुका 13:13

धेनी खोङबागी क्षाक मी़ खाला श्‍याक जेपालाक धेनी मो लाम्‍साङ केरी लाङ थुप्‍कीन झ्‍युवालाक। धेनी मी़ को़न्‍क्षोकगी तो़टा तावालाक।

लुका 17:15

होदेक्‍याने मी च्‍यीकगी राङ ढाक्‍टागो थोरी केक क्षेला, को़न्‍क्षोकगी तो़टा ताङी-ताङी ग्‍याप लोक्‍ती होवालाक।

लुका 5:26

धेनी खुङक्‍या घीरी ॱमीच्‍यीकी ॱहालेरी जीक्‍टागी खावालाक। धेनी को़न्‍क्षोकला तो़टा पुरी ॱनेवालाक, “धीरीङ हीकी ॱमीच्‍यीकी ॱहाङसागीन लेगा थोजुङ।”

लुका 7:16

धेनी मी घीरी ॱमीच्‍यीकी जीक्‍ती, को़न्‍क्षोकला तो़टा पुरी ॱनेवालाक, “होरी घुङदु ॱङो़नस्‍येखेन खाक्‍क्षे च्‍यीक थो़न्‍दुक।” धेनी “को़न्‍क्षोकगी खोरी मीरीकला थुक्‍जे शीक्‍दुक।”

योहान्‍ना 7:31

घीहीन्‍ना मी माङक्षेगी खोङबाला धेपा झ्‍येरी ॱनेवालाक, “मास्‍यीका फेई घाङला, खोङगी दे मी देले ल्‍हाक ताकक्‍या मेजे हो़टु।”

योहान्‍ना 9:32

जीक्‍तेनगी थोक्‍माने, केने ॱहाला श्‍यारा हीन्‍गीनगी ॱमीक सो़दुक ॱनागीन, देरे लाब घोर माङ्युङ।

जेपा 4:21

होदुरु झ्‍युजा लाबगी कोरला, मी घीरीगी को़न्‍क्षोकला तो़टा पुरी धे हो़तालाक। होझ्‍येरी छोक्‍पागी मीक्‍याई खुङ ॱङीउला घाङगी झ्‍येरी क्षेपा काये ॱनेरी, ढो़ झ्‍यी ॱमाथुक्‍पालाक। धेनी खुङ ॱङीउला ॱयोल्‍ले माङा जीक्‍टा ॱलारी भोरपालाक।