मारकु 2:1 - ॱलोवा

¹ श्‍याक्‍मो तीते स्‍याम्‍ने, येशु काफारनाहुमदु लोक्‍ती फेप्‍पालाक। धेनी मीक्‍याई खोङबा खीमदु श्‍युक दुक ॱनेरी ॱहाघोरपालाक।

मारकु 2:1 Iomraidhean Croise

मेथा 4:13

नाजारेत भोरती, खोङबा जेबुलुन धाङ नाप्‍थालीगी युगी छो डामदु हो़गीन, काफारनाहुमदु फेप्‍ती श्‍युक्‍पालाक।

मेथा 9:1

येशु डु नाङदु ॱहाकीनला फेप्‍ती, खोङबाराङ श्‍युक्‍जा ग्‍याजाला फेप्‍पालाक।

मारकु 1:45

हीना खो सोरी होदे कोरला, हो़लेरु टाम्‍ये गो चुक्‍पालाक। धेनी येशु ग्‍याजादु धाब्‍ले मीमाङक्‍याई थोङसाला फेप ॱमाथुक्‍पालाक। धेनी येशु रीतोङ स्‍योकला श्‍युक्‍पालाक, घीहीनाः मीक्‍या छोक घीरीने खोङबाचारु होवालाक।

मारकु 2:2

धेनी होदे नाङदु मी ॱमीच्‍यीकी माङा जोम्‍दी, घोच्‍चागी फीलाः मी धेजा माजोरालाक। धेनी येशु मीक्‍याला को़न्‍क्षोकगी का सुङी हो़तालाक।

मारकु 3:20

होदे स्‍याम्‍ने येशु खीमला फेप्‍पालाक। धेनी मीमाङक्‍या याङ जोम्‍दी, खोङबाक्‍याला श्‍येलाक श्‍येये धी़चो़गोवा माजोप्‍पालाक।

मारकु 7:17

धेनी मीमाङक्‍याला भोरती, येशु नाङदु फेई घाङला खोङबागी ङेनेक्‍याई खोङबाला होदे पेगी कोरला श्‍यी़वालाक।

मारकु 7:24

होदेने श्‍येङदी, येशु ताएर धाङ सीदोनगी युछोकला फेप्‍पालाक। खोङबा खाङबा नाङदु फेप्‍पालाक धेनी राङ होदुरु ॱलेप्‍कीनगो सुला ॱहाघोतु च्‍युक्‍ङी मादो़पालाक। हीना खोङबा हीप ॱमाथुक्‍पालाक।

मारकु 9:28

धेनी खोङबा खीमदु फेप्‍ती, खोङबागी ङेनेक्‍याई खोङबाला शुरला श्‍यी़वालाक, “हेक्‍याई घीझ्‍येरी होदेला तो़न ॱमाथुक्‍पाले?”

लुका 4:23

धेनी येशुगी सुवालाक, “धा ॱङोन्‍नेराङ, खेक्‍यागी ङाला पे दे ॱनागुलाक, ‘आम्‍ची, ख्‍यो़ राङला चो़गा झ्‍यी।’ धेनी याङ ॱनागीलाक, ‘काफारनाहुमदु ख्‍यी़ घी झ्‍यीगीनगो, हीकी घोरकीन च्‍योक्‍रे, राङगी यु दुरुवा झ्‍यी’।”

लुका 5:18

धेनी मी रीङगागी शा फोक्‍पा मी च्‍यीकला, ङ्याजेमुलाराङ खेरती होवालाक। धेनी खुङक्‍याई खोला नाङदु खेरती, येशुगी डुङदु श्‍याक्‍ये थापस्‍यी झ्‍येवालाक।

योहान्‍ना 4:47

होदे मीगी़ येशु युदेयाने गालीलदु फेप्‍दुक ॱनेरी घोरती, खी़ “ङी भीजा स्‍यीगु झ्‍यीदी, खेराङ फेप्‍ती खोला सोवा जे” ॱनेरी खोङबाला श्‍यी़वालाक।

जेपा 2:6

देरे फेरा ॱहाघोरती, मीक्‍या छोक घीरीने लारी होवालाक। धेनी होदुरु ॱमीच्‍यीकी क्षे मीमाङ जोम्‍बालाक। होदुरु होवा याहुदापाक्‍याई मीरी-मीरीगी केक ग्‍याप्‍कीनगो ॱहाघोरती, खुङक्‍या ॱहाङसावालाक।