मारकु 16:6 - ॱलोवा

⁶ धेनी खी़ खुङक्‍याला ॱनेवालाक, “खेक्‍या माजीक, ग्‍याङस्‍यीङदु क्‍याङदी सेसा, नाजारेतगी येशुला खेक्‍या चालालाक। खोङबा नी कुसो़न्‍पो श्‍येङसारती दुरु मेतालाक। तो़, खोङबागी कुफुङ श्‍याक्‍जा साज्‍या दे लाक।

मारकु 16:6 Iomraidhean Croise

मेथा 12:40

घीझ्‍येरी ॱनाना योना ङीन-छेन सुम ङ्या क्षे च्‍यीकगी फोवा नाङदु धेगीन च्‍योक्‍रे, मी-भुवाः ङीन-छेन सुम थुक्‍पे सागी तीङला धेगीलाक।

मारकु 1:24

“नाजारेतगी येशु, खेराङमुला हीकी घी ढेवा हो़तालाक से? खेराङ हेक्‍या मेताला जेदु फेप्‍पा हीने? खेराङ को़न्‍क्षोकगी धाम्‍पागो लाक ॱनेरी, ङी ङो स्‍येलीहो़क।”

मारकु 1:27

धा मी घीरी ॱहालेरी, च्‍यीकगी च्‍यीकला ढीवालाक, “दे घी ले? दे नी आङजा हो़गीन क्षो़लुक साबा च्‍यीक हीन्‍दाराक। खी़ ॱनो़पाक्‍यालाः का ॱनाङी धेनी ॱनो़पाक्‍या खी़ खाला ङेन्‍दी।”

मारकु 10:34

खुङक्‍याई खोला ॱमेटा पाप्‍कीलाक धेनी थी़याः ग्‍याप्‍कीलाक धेनी ताजाकगी श्‍युरकीलाक धेनी सेगीलाक। धेनी श्‍याक्‍मो सुम स्‍याम्‍ने, खो याङ सो़न्‍दी लाङगीलाक।”

मारकु 14:33

धेनी खोङबागी पेटो धाङ याकोब धाङ योहान्‍नाला राङमुला ठीया जेपालाक। धेनी खोङबागी ॱङीङ ॱमीच्‍यीकी दुङागी खारी ठुक्‍पालाक।

मारकु 9:15

धेनी मीछोकक्‍याई येशुला ज्‍यालुङ मेताला, खुङक्‍या ॱमीच्‍यीकी ॱहालेरी, खोङबाचारु भाङ तारी होवालाक धेनी खोङबाला फेप्‍सु श्‍यी़वालाक।

लुका 24:46

खोङबागी खुङक्‍याला सुवालाक, “देरे ढीक हो़तालाक, मास्‍यीकागी दुक्‍पु ङ्याङ घो़गीलाक धेनी श्‍याक्‍मो सुम्‍बागोला छीवाने सो़न्‍पो श्‍याङगीलाक।

जेपा 2:24

हीना को़न्‍क्षोकगी खोङबाला छीवाने सो़न्‍पो श्‍याङा जेपालाक। को़न्‍क्षोकगी खोङबाला छीवे स्‍युकने खा टा जेपालाक घीझ्‍येरी ॱनाना छीवे स्‍युकगी खोङबाला च्‍योई शीम्‍दी श्‍याक ॱमीथुक्‍वालाक।

जेपा 4:10

खेक्‍या धाङ ईस्‍राएलगी मीक्‍या घीरीगी ॱहाघोरास्‍योक, दे मी श्‍याक्‍योवा दे नाजारेतगी येशु मास्‍यीकागी छेनने चो़गा झ्‍युवालाक। खेराङक्‍याई खोङबाला ग्‍याङस्‍यीङ खाला क्‍याङबालाक हीना को़न्‍क्षोकगी खोङबाला छीवाने सो़न्‍पो श्‍याङा जेपालाक।