20 धेनी ङेनेक्या साज्या घीरीदु सोरी, ताम्शाङ स्येपालाक। चोवोगी खुङक्यामुला क्षाक्ले जेपालाक धेनी ॱहालेगीन ताकक्या तो़न जेदी, ताम्शाङ धेन्पा हीन्गीनगी पाङपो जेपालाक।]
चोवो येशुगी खुङक्यामुला कामो़न ॱनाङसारती, खोङबा नाम्खे श्यीङखाम स्योकला ठीक जेपालाक धेनी को़न्क्षोकगी क्षाक ॱये स्योकला श्युक जेपालाक।
हीकी घुङदु झ्युजा लोग्युक्याई कोरला, मी ॱमीच्यीकी माङागी ढीक्दुक।
दे लेगा घीरी गोमाने थोथा, मीक्या धाङ कागी श्याप्तोक्पा हीन्गीन, मीक्याने हीकी ॱहाघोगीन च्योक्रे होदेक्याई ढीक्दुक।
होझ्येरी पाउलु धाङ बारनाबा, होदे ग्याजारु ङीमा माङा धेपालाक। खुङ ॱङीउगी ॱङीङक्षे झ्येरी चोवोगी थुक्जेगी कोरला क्षो़ स्येपालाक। धेनी चोवोगी खुङक्याला ॱहाङसागीन ताक धाङ लेगाक्या झ्यीयेला स्युक ॱनाङदी, खुङक्याई स्येगीन लाबगो धेन्पा लाक ॱनेरी पाङपो ॱनावालाक।
खेराङगी धाम्पे श्याप्ची येशुगी छेनने नेपाक्या चो़गा झ्यीये धेनी ॱहाङसागीन लेगाक्या झ्येरी ताकक्या तो़न्येला स्युक ॱनाङरोनाङ।”
धा मीक्याई खोक्दु ॱमीच्यीकी ॱहाङसागीन लेगाक्या धाङ ताकक्या, कुछापक्याने झ्युङी हो़तालाक। धेनी धेपा-झ्यीगीन घीरी सोलोमोनगी ॱयाक्कुरु जोमालाक।
हेक्या को़न्क्षोकगी लेरोक हीन्गीन झ्येरी, हेक्या खेक्याला को़न्क्षोकगी थुक्जेगो दो़न्मेदु मालेन ॱनेरी, श्योवा पुलाहीन।
धा होरी देरे थारपा क्षेला दो़नाङ ॱमेतेरना, होराङ घाङगी झ्येरी थारये? थारपा दे गोमागो चोवो राङगी सेटाक जेपालाक धेनी खोङने ङेन्गीनक्याई, होराङक्याला होदेगी धेन्पाङ झ्येवालाक।
धेनी को़न्क्षोकगीयाः ताकक्या धाङ ॱहाङसागीन क्षाक्लेक्या धाङ नी़थु ॱनाछोकगी क्षाक्लेक्या धाङ राङगी थुकोङला तेन्ती टामा जेजा, धाम्पे थुक्ङीगी ॱनाङज्यीनक्याई थोक्ने होदेगी धेन्पाङ जेपालाक।