मारकु 16:19 - ॱलोवा

¹⁹ चोवो येशुगी खुङक्‍यामुला कामो़न ॱनाङसारती, खोङबा नाम्‍खे श्‍यीङखाम स्‍योकला ठीक जेपालाक धेनी को़न्‍क्षोकगी क्षाक ॱये स्‍योकला श्‍युक जेपालाक।

मारकु 16:19 Iomraidhean Croise

मारकु 16:20

धेनी ङेनेक्‍या साज्‍या घीरीदु सोरी, ताम्‍शाङ स्‍येपालाक। चोवोगी खुङक्‍यामुला क्षाक्‍ले जेपालाक धेनी ॱहालेगीन ताकक्‍या तो़न जेदी, ताम्‍शाङ धेन्‍पा हीन्‍गीनगी पाङपो जेपालाक।]

लुका 22:69

हीना धीरीङने ॱहाला, मी-भु नी कुवाङ को़न्‍क्षोकगी क्षाक ॱये स्‍योकला श्‍युक्‍कीलाक।”

लुका 9:51

येशुगी नाम्‍खे श्‍यीङखामला फेप्‍ये धी़चो़गो ॱलेप्‍ये झ्‍यीदी घाङला, खोङबागी येरुसालेमला डोये ॱनेरी थाक चेवालाक।

योहान्‍ना 13:1

पेसाकगी धी़छेन एन्‍ला, येशु जीक्‍तेन दीने यापगी डुङदु फेप घोये धी़ भाप्‍कीनगो खोङबागी खेन्‍बालाक। धेनी जीक्‍तेनदु हो़गीन राङगी स्‍याम्‍ला डागीनक्‍याला, खोङबागी झाम्‍पा जेदी थामे धी़ थुक्‍पे, खोङगी झाम्‍पा जेपालाक।

योहान्‍ना 16:28

ङा यापने झ्‍युरी जीक्‍तेनदु होवाहीन। धा ङा जीक्‍तेनने डारी यापगी डुङदु लोक्‍वाहीन।”

योहान्‍ना 17:13

“धान्‍दा ङा खेराङगी डुङदु हुङाहीन। ङी घाटो खुङक्‍याई नाङला खाङयेला, ङा जीक्‍तेनदु हो़ती घाङला ङारी स्‍येवी।

योहान्‍ना 20:17

येशुगी मोला सुवालाक, “धान्‍दा थुक्‍पे ङा यापगी डुङदु ॱमाफाक्‍पा, ङाला माशीम। हीना ङी पी़नक्‍याचारु सोरी, खुङक्‍याला, ‘ङा नी ङाराङगी याप धाङ खेक्‍याई याप धेनी ङी को़न्‍क्षोक धाङ खेक्‍याई को़न्‍क्षोक चारु डी़हो़क’ ॱनेरी स्‍यो़क।”

योहान्‍ना 21:15

धेनी खुङक्‍याई श्‍योक्‍से शेसारती, येशुगी सीमोन पेटोला सुवालाक, “योहान्‍नागी भीजा सीमोन, ख्‍यी़ ङाला देक्‍याने ल्‍हाक चेवा झ्‍यीदी हो़ती?” खी़ खोङबाला श्‍यी़वालाक, “चोवो ला, ङी खेराङला चेवा झ्‍यीगीनगो खेराङ खेन्‍दालाक।” खोङबागी खोला सुवालाक, “ङी लुक्‍टुक्‍याला छो़।”

योहान्‍ना 21:22

येशुगी खोला सुवालाक, “ङा मायोङ थुक्‍पे खो सो़न्‍पो ॱनेयेगी ङी दो़पा हीन्‍ना, ख्‍यो़ला ढेवा घी हो़तो? ख्‍यो़ ङी स्‍याबाला डोङ।”

योहान्‍ना 6:62

देरे हीन्‍ना खेक्‍याई मी-भु एम्‍मा खोराङ श्‍युक्‍जारु, फेया जेगीनगो थोङना घी झ्‍यीये?

जेपा 2:33

याप को़न्‍क्षोकगी येशुला थोस्‍योक को़री, खोरी क्षाक ये स्‍योकला श्‍याक जे हो़तालाक धेनी खोरी धाम्‍चा च्‍योक्‍रे, खोङबाला धाम्‍पे थुक्‍ङी ॱनावालाक। होदे धाम्‍पे थुक्‍ङी चोवो येशुगी धान्‍दा, होराङक्‍या खाला ॱनाङ जेपालाक। होदे लाबगो खेराङक्‍याई धान्‍दा ॱहाघोरये धाङ थोङी हो़तालाक।

जेपा 3:21

हीना एम्‍माने हाला धाम्‍पा ॱङो़नस्‍येखेनक्‍याई सुङगीन च्‍योक्‍रे, को़न्‍क्षोकने घीरी साबा जेगीन धी़चो़ मायोङ थुक्‍पे, येशु नाम्‍खे श्‍यीङखामदु राङ श्‍युक घोगीलाक।

रोमापा 8:34

धा ॱहाना होराङला सी़ ठीम्‍चो़ झ्‍यीगीले? सी़या झ्‍यीगीमालाक। घीझ्‍येरी ॱनाना मास्‍यीका येशु नी, होरी क्षीदु ढोङा जेपालाक। धेनी याङ कुसो़न्‍पो श्‍याङा जेपालाक धेनी खोङ को़न्‍क्षोकगी क्षाक ॱयेरु श्‍युक्‍वा जेदी, होरी क्षीदु श्‍योवा पुली हो़तालाक।

कोलोसेपा 3:1

धा खेक्‍या मास्‍यीकामुला ॱलार सो़न्‍पो ॱलाङला हीन्‍ना, को़न्‍क्षोकगी क्षाक ॱयेरु मास्‍यीका श्‍युक्‍सा, नाम्‍खे श्‍यीङखामगी दो़नक्‍या चो।

१ तीमोथेउ 3:16

क्षो़सेमगी साङवा ॱमीच्‍यीकी ॱहालेवा दुक ॱनेरी, हेक्‍या खे लेन्‍दाहीन। खोङबा नी ली़ला ॱङो़न, थुक्‍ङीगी ॱनामदाक्‍पा तो़न। नाम्‍खे भाङछेनक्‍याई खोङबाला ज्‍याल, मीरीक नाङला खोङ नी डाक, जीक्‍तेनदु खोङबाला धेपा झ्‍ये, शीजेगी थोक्‍ने नाम्‍खे श्‍यीङखामला फाक।

ईब्‍रीपा 1:3

खोङगी को़न्‍क्षोकगी शीजे ॱङो़न जेदालाक धेनी खोङ नी को़न्‍क्षोकगी स्‍यीका ङोमागो लाक धेनी खोङगी का वाङक्षेगी थोक्‍ने, जीक्‍तेन खाम घीरी क्‍योङा जेदालाक। धेनी खोङबागी धीक्‍पा घीरी दाक जेदी, खोङबा नाम्‍खे श्‍यीङखामदु शीजेचेन को़न्‍क्षोकगी क्षाक ॱये स्‍योकला श्‍युक्‍वा जेदालाक।

ईब्‍रीपा 12:2

होरी धेपागी गोचुक जेगीन धाङ था ख्‍यो़ला जेगीन, येशुला होराङ ताघो़। खोङबागी राङगी दोङदु श्‍याकश्‍या घाटोगी क्षीदु, ग्‍याङस्‍यीङगी दुक्‍पुगो शो़पा झ्‍येरी, खुरा जेपालाक धेनी क्षालेला थोङच्‍युङ जेपालाक। धेनी खोङ को़न्‍क्षोकगी श्‍युक्‍ठीगी ॱये स्‍योकला श्‍युक हो़तालाक।

ईब्‍रीपा 4:14

होझ्‍येरी नाम्‍खे श्‍यीङखामदु फेया जेगीन, को़न्‍क्षोकगी से येशु होरी चो क्षो़पो़न झ्‍युजा झ्‍येरी, होराङक्‍या राङगी खेलेन झ्‍येजा धेपागोला तेन्‍पोमा ॱरुङघो़।

ईब्‍रीपा 6:20

धेनी दी नाङदु, येशु एन्‍लाराङ होरी छापला फेप्‍सालाक। धेनी खोङबा नी मेल्‍कीजेदेक च्‍योक्‍रे, होरी क्षीदु थामेपे चो क्षो़पो़न झ्‍युवालाक।

ईब्‍रीपा 7:26

धेनी धाम्‍पा धाङ क्‍यो़न मेगीन धाङ चाङमा धाङ धीक्‍चेनक्‍याने, खा ढाडा धाङ नाम्‍खे श्‍यीङखामने थोवा जेजा चो क्षो़पो़न च्‍यीक, होराङला हुङ घो़ये हो़तालाक।

ईब्‍रीपा 8:1

धा हीकी ॱनेना, लाबगी दो़न चोगो दे लाक। नाम्‍खे श्‍यीङखामदु ॱलानामेपे को़न्‍क्षोकगी श्‍युक्‍ठीगी ॱये स्‍योकला श्‍युकश्‍या, खोङबागो होरी चो क्षो़पो़न लाक।

ईब्‍रीपा 9:24

मास्‍यीका नी धाम्‍पे ॱनेसा ॱङोन्‍नेगी पे हीन्‍गीन, मीगी लाक्‍पी शो़सा घुरखाङ नाङला ॱमाफेप्‍पालाक। हीना होरी छापला धान्‍दा को़न्‍क्षोकगी डुङदु ज्‍यायेला, खोङबा नाम्‍खे श्‍यीङखामदु राङ फेप्‍पालाक।

१ पेटो 3:22

खोङबा नाम्‍खे श्‍यीङखामदु फेप्‍ती धेनी को़न्‍क्षोकगी क्षाक ॱये स्‍योकला श्‍युक हो़तालाक। धेनी नाम्‍खे भाङछेनक्‍या धाङ वाङ धाङ नी़थु हो़गीन सेम्‍ङीक्‍या, खोङबागी होकला हो़तालाक।