मारकु 16:17 - ॱलोवा

¹⁷ धेपा झ्‍यीगीनक्‍याला दे ताकक्‍या झ्‍युङगीलाक। ङी मीङने, खुङक्‍याई डेक्‍या तो़न्‍गीलाक धेनी केरीक श्‍येम्‍माक्‍या ताङगीलाक।

मारकु 16:17 Iomraidhean Croise

मारकु 9:38

योहान्‍नागी खोङबाला श्‍यी़वालाक, “ॱलोपो़न ला, खेराङगी छेनने मी च्‍यीकगी डे तो़न्‍गीनगो, हीकी थोजुङ धेनी खो होराङगी स्‍याबाला मेडागीन झ्‍येरी, हीकी होदेला काक्‍पी।”

लुका 10:17

धा ङेने धी़नच्‍यु धो़न्‍ङीक्‍या ङ्यामो घेरी, लोक्‍ती होरी ॱनेवालाक, “चोवो, खेराङगी छेनगी थोक्‍ने ॱनो़पाक्‍याः हीकी खाला ङेन्‍दी।”

योहान्‍ना 14:12

“ङा खेक्‍याला धेन्‍पा धेनक्‍याङ ॱनाहीन, ङाला धेपा झ्‍यीगीनगी़ ङी घी झ्‍यीगीन लेगाक्‍याः झ्‍यीगीलाक धेनी देले क्षे लेगाक्‍या खी़ झ्‍यीगीलाक। घीझ्‍येरी ॱनाना ङा यापगी डुङदु डी़हो़क।

जेपा 10:46

घीझ्‍येरी ॱना ना होदे मीक्‍याई केक श्‍येम्‍मा-श्‍येम्‍मा ग्‍याप्‍कीन धाङ को़न्‍क्षोकला तो़टा ताङगीनगो खुङक्‍याई घोरपालाक। धेनी पेटोगी ॱनेवालाक,

जेपा 16:18

धेनी मी़ देरे ङीमा माङा झ्‍येवालाक। हीना पाउलुगी मी़ देरे फेरा ग्‍याप्‍कीनगो थेदा ॱमास्‍येवा, होदे ॱनो़पाला ॱनेवालाक, “चोवो येशु मास्‍यीकागी छेनला ख्‍यो़ दे भोमोगी नाङने थो़न्‍दी स्‍योक।” धेनी खी़ देरे ॱनालुङ मेताला, होदे ॱनो़पागो थो़न्‍दी होवालाक।

जेपा 19:6

धेनी पाउलुगी खोरी लाक्‍पा खुङक्‍या खाला श्‍याक्‍पालाक धेनी धाम्‍पे थुक्‍ङी खुङक्‍या खाला फेप्‍पालाक। धेनी खुङक्‍याई ॱमेस्‍येगीन केक्‍या ग्‍याप धेनी ॱङो़नस्‍ये स्‍ये झ्‍येवालाक।

जेपा 2:33

याप को़न्‍क्षोकगी येशुला थोस्‍योक को़री, खोरी क्षाक ये स्‍योकला श्‍याक जे हो़तालाक धेनी खोरी धाम्‍चा च्‍योक्‍रे, खोङबाला धाम्‍पे थुक्‍ङी ॱनावालाक। होदे धाम्‍पे थुक्‍ङी चोवो येशुगी धान्‍दा, होराङक्‍या खाला ॱनाङ जेपालाक। होदे लाबगो खेराङक्‍याई धान्‍दा ॱहाघोरये धाङ थोङी हो़तालाक।

जेपा 5:16

धेनी येरुसालेमगी ॱये-ॱयो़नगी ग्‍याजाक्‍यानेः मी ॱमीच्‍यीकी माङागी नेपाक्‍या धाङ ॱनो़पा जुजा मीक्‍या घीरी, ठीक्‍ती होवालाक धेनी होदे घीरी चो़गा झ्‍युवालाक।

जेपा 8:7

ॱनो़पा जुजा मीक्‍याने ॱनो़पाक्‍या ॱमीच्‍यी फेरा ग्‍याप्‍ती थो़न्‍बालाक धेनी शा फोक्‍पा धाङ श्‍याक्‍योवाक्‍या चो़गा झ्‍युवालाक।

१ कोरीन्‍थुपा 12:10

धेनी श्‍येम्‍माक्‍याला ॱहाङसागीन लेगाक्‍या झ्‍यीये धेनी रीङगाला ॱङो़न स्‍येये धेनी रीङगाला सेम्‍ङीक्‍या ॱयेवा चेये धाङ रीङगाला ढामेढा केकक्‍या ग्‍याप्‍ये धाङ रीङगाला, होदे केकक्‍याई दो़न टोयेगी नी़पाक्‍या ॱनाङ हो़तालाक।

१ कोरीन्‍थुपा 12:28

को़न्‍क्षोकगी क्षो़छोक नाङला धाङपो कुछापक्‍या, ॱङीवा ॱङो़नस्‍येखेनक्‍या, सुम्‍बा ॱलोपो़नक्‍या धेनी ॱहाङसागीन लेगा झ्‍यीगीनक्‍या धेनी नेपा सोगीन ॱनाङज्‍यीन थोप्‍थाक्‍या धेनी रोक्‍राम झ्‍यीगीनक्‍या धेनी गोठी झ्‍यीगीनक्‍या धेनी केरीक ढामेढा स्‍येगीनक्‍या को़ जे हो़तालाक।

१ कोरीन्‍थुपा 12:30

घीरीला नेपा सोगीन ॱनाङज्‍यीन हो़तालाक से? घीरीगी केरीक ढामेढाला स्‍येदालाक से? धेनी घीरीगी होदे केरीक ढामेढाक्‍या ग्‍युर थुक्‍वालाक से?

१ कोरीन्‍थुपा 13:1

ङी मीक्‍या धाङ नाम्‍खे भाङछेनक्‍याई केरीकला लाब ताङनाः, हीना ङी नाङ झाम्‍पा मेना, ङा ढाकेक ग्‍याप्‍कीन ॱङा याङना तीङढा तो़न्‍गीन रोल्‍मो च्‍यीक च्‍योक्‍रे लाक।

१ कोरीन्‍थुपा 14:2

घीझ्‍येरी ॱनाना केरीक श्‍येम्‍मागी थोक्‍ने लाब ताङगीनक्‍या मीमुला मेन्‍दा, को़न्‍क्षोकमुला ताङालाक। खी़ घी ॱनागीनगो सी़याः ॱहामेघोरालाक हीना खो धाम्‍पे थुक्‍ङीगी थोक्‍ने साङवागी लाबक्‍या स्‍येदालाक।