मारकु 16:15 - ॱलोवा

¹⁵ धेनी येशुगी खुङक्‍याला सुवालाक, “जाम्‍बुलीङ घीरीदु सोङ धेनी मी घीरीला ताम्‍शाङगो स्‍यो़क।

मारकु 16:15 Iomraidhean Croise

मेथा 28:19

होझ्‍येरी सोङ धेनी मीरीक घीरीला ङेने शो़, धेनी याप धाङ से धाङ धाम्‍पे थुक्‍ङीगी छेनने खुङक्‍याला ठी़सो़ तेर।

मारकु 13:10

धेनी थागी धी़चो़ हुङये एन्‍ला, ताम्‍शाङ दे मीरीक घीरीला स्‍येघो़गीलाक।

योहान्‍ना 15:16

खेक्‍याई ङाला दाम्‍बामेन हीना ङी खेक्‍याला दाम्‍बाहीन। धेनी खेक्‍या सोरी ढेबु क्षाक्‍ये धाङ ढेबु दे ताक्‍दु ॱनेयेला, ङी खेक्‍याला को़वाहीन। होझ्‍येरी खेक्‍याई ङी मीङगी थोक्‍ने यापला घी श्‍यी़ना, खोङबागी खेक्‍याला ॱनाङगीलाक।

योहान्‍ना 20:21

धेनी याङ येशुगी खुङक्‍याला सुवालाक, “खेक्‍याला श्‍यीदे हुङास्‍योक। यापगी ङाला ॱङाक्‍कीन च्‍योक्‍रे ङा खेक्‍याला ॱङाहीन।”

जेपा 1:2

येशुगी नाम्‍खे श्‍यीङखाम फेप्‍ये एन्‍ला राङगी दाम्‍दावा कुछापक्‍याला, धाम्‍पे थुक्‍ङीगी स्‍युकने का ॱनावालाक।

जेपा 1:8

हीना धाम्‍पे थुक्‍ङी खेराङक्‍याई खाला फेप्‍ती, खेक्‍याला स्‍युक जोरकीलाक। होदे स्‍याम्‍ने, खेक्‍या येरुसालेम धाङ युदेया धाङ सामारीयागी साजा घीरीला धेनी जाम्‍बुलीङगी था थुक्‍पे, ङी पाङपो झ्‍युङगीलाक।”

रोमापा 10:18

हीना ङा ढीलाहीन, खुङक्‍याई माघोरपालाक से? ॱङोन्‍नेराङ घोर हो़तालाक। घीझ्‍येरी ॱनाना “खुङक्‍याई केक साश्‍यी हो़लेरु ख्‍याप्‍दुक, धेनी खुङक्‍याई का जाम्‍लीङगी था थुक्‍पे ख्‍याप्‍दुक।”

रोमापा 16:26

हीना ॱङो़नस्‍येखेनक्‍याई एम्‍मा ॱङोई सुरी, ढीक्‍टा धाङ थामेपे को़न्‍क्षोकगी कागी थोक्‍ने, साङवा दे याहुदापा मेन्‍गीन घीरीला ॱङो़न हो़तालाक। दे नी घीरीगी धेपा झ्‍येरी, खोङबागी काला चीलास्‍योक ॱनेरी लाक।

एफीसुपा 2:17

खोङबा फेप्‍ती खे थाक्‍रीङा धाङ ङ्ये हो़गीनक्‍याला, श्‍यीदेगी ताम्‍शाङ सुङा जेपालाक।

कोलोसेपा 1:23

होझ्‍येरी खेक्‍याई घोरकीन ताम्‍शाङने थोप्‍था रेवागो ॱमेपाङा, मी़थुने धेपाला तेन्‍पो ॱनेघो़। ताम्‍शाङ दे नाम्‍खे श्‍यीङखामगी होकदु जीक्‍तेनदु हो़गीन, घीरीला स्‍ये हो़तालाक धेनी ङा पाउलु दी श्‍याप्‍तोक्‍पा च्‍यीक हीन।

कोलोसेपा 1:6

ताम्‍शाङ दे खीकी घुङदु ॱलेप्‍सालाक धेनी जीक्‍तेन घीरीदु ढेबु केरी फेली। होझ्‍येरीराङ खीकी घुङदुवाः खेक्‍याई ताम्‍शाङ घोरकीन धाङ को़न्‍क्षोकगी थुक्‍जेगी कोरला ॱङोन्‍ने ॱहाघोरकीन, ङीमानेराङ दे फेरी डी़।

१ योहान्‍ना 4:14

धेनी यापगी राङगी से जीक्‍तेनगी क्‍याम्‍गो़न झ्‍युङयेगी क्षीदु ॱङाक्‍कीनगो, हीकी थोवालाक धेनी पाङपो झ्‍यीदाहीन।

ॱङो़न्‍पा 14:6

धेनी नाम्‍खे भाङछेन श्‍येम्‍मा च्‍यीक ॱनामगी बारनाङला फुरती धेगीनगो, ङी थोजुङ। धेनी साश्‍यीदु हो़गीन, मीरीक धाङ ग्‍युपा धाङ केरीक धाङ मी घीरीला सेटाक झ्‍यीये हीन्‍गीन, थामेगीन ताम्‍शाङगो खोङबाला हो़तालाक।