मारकु 15:32 - ॱलोवा

³² ईस्‍राएलगी ग्‍यावु, मास्‍यीका, हीकी थोरी धेपा झ्‍यीयेला ख्‍यो़राङ धान्‍दा ग्‍याङस्‍यीङने माला भाप्‍ती स्‍योक।” खोङबामुला ग्‍याङस्‍यीङ खाला क्‍याङक्‍या, झ्‍याक्‍पा ॱङीउगीया खोङबाला ॱमेटा पाप्‍पालाक।

मारकु 15:32 Iomraidhean Croise

मेथा 1:17

देरे झ्‍येरी आब्‍राहामने दावीद थुक्‍पे मीराप च्‍युपश्‍यी, दावीदने बाबीलोनदु ठीक्‍ती श्‍याक्‍कीन थुक्‍पे मीराप च्‍युपश्‍यी धेनी बाबीलोनने मास्‍यीका ठुङगीन थुक्‍पे मीराप च्‍युपश्‍यी झ्‍युवालाक।

मेथा 27:42

“खो नी श्‍येम्‍माला क्‍योप थुक्‍ती, राङला क्‍योप ॱमीथुक्‍वालाक। खो नी ईस्‍राएल्‍पाक्‍याई ग्‍यावु लाक ॱनागीनगो माले? खो धान्‍दा ग्‍याङस्‍यीङने माला भाप्‍ती हुङास्‍योक धेनी होराङक्‍या धेपा झ्‍यीदु।

मेथा 27:44

धेनी खोङबामुला ग्‍याङस्‍यीङला क्‍याङदी श्‍याकश्‍या, झ्‍याक्‍पा ॱङीउगीया देरेराङ झ्‍येरी, खोङबाला ॱमेबेप तावालाक।

मारकु 15:26

धेनी “याहुदापाक्‍याई ग्‍यावु” ॱनेरी ङेक्‍यो़नगी यीक च्‍यीक ढीक्‍ती, ग्‍याङस्‍यीङगी गोरु ताक्‍ती श्‍याक्‍पालाक।

मारकु 15:27

खुङक्‍याई खोङबामुला झ्‍याक्‍पा ॱङी, च्‍यीकला खोङबागी ये स्‍योक धाङ च्‍यीकला ॱयो़नला क्‍याङबालाक।

योहान्‍ना 1:49

नाथानेलगी ॱनेवालाक, “राब्‍बी, खेराङ को़न्‍क्षोकगी सेगो लाक। खेराङ ईस्‍राएलगी ग्‍यावुगो लाक।”

योहान्‍ना 12:13

होझ्‍येरी खुङक्‍याई तालागी स्‍यीङदोङगी याक्‍काक्‍या खेरती, खोङबाला ज्‍यारु सोवालाक। धेनी केक तो़न्‍दी ॱनेवालाक, “होसान्‍ना, चोवोगी छेनने फेप्‍कीन ईस्‍राएलगी ग्‍यावुला टास्‍यी हुङास्‍योक।”

रोमापा 3:3

खुङक्‍याने रीङगागी को़न्‍क्षोकगी काला धेपा मीझ्‍यीनाः, घी हो़तालाक से? खुङक्‍याई धेपा मीझ्‍यीगीनगी झ्‍येरी, को़न्‍क्षोकगीयाः राङगी ॱलोते चामेदु जेगीले?

२ तीमोथेउ 2:18

छीवाने ॱलार सो़न्‍गीन दे झ्‍युसालाक ॱनेरी, खुङक्‍या धेन्‍पाने लोक्‍पालाक। धेनी खुङक्‍याई मी रीङगाला धेपाने ॱलोक्‍येला टुक्‍ई।