मारकु 15:14 - ॱलोवा

¹⁴ पीलातुगी खुङक्‍याला ॱनेवालाक, “घीझ्‍येरी? खी़ ले ङेन्‍पा घी झ्‍येदो?” हीना खुङक्‍या ॱयोल्‍ले माङा फेरा ग्‍याप्‍ती ॱनेवालाक, “ग्‍याङस्‍यीङ खाला क्‍याङदी सो़।”

मारकु 15:14 Iomraidhean Croise

मेथा 27:19

पीलातु ठीम्‍चो़गी ठीला धेती घाङला, खी़ केमीगी खोला लो़न दे कुरपालाक, “होदे मीगी झ्‍येरी, धीरीङ ॱङी ॱमीक्‍लामला ॱमीच्‍यीकी दुक्‍पु क्षे ङ्यावी। होझ्‍येरी होदे क्‍यो़न मेगीन मीला घीया माझ्‍यी।”

मेथा 27:4

ॱनेवालाक, “ङी क्‍यो़न मेगीन मी च्‍यीकला ग्‍याप्‍तो़ झ्‍येरी धीक्‍पा झ्‍येजुङ।” खुङक्‍याई ॱनेवालाक, “हेक्‍याला झ्‍यी़दोक मेक। होदे ख्‍यो़री ॱङ्योक्‍टा लाक।”

मेथा 27:54

धा ॱमाक्‍मीगी ग्‍यापो़न धाङ खी़मुला येशुला ॱरुङगीनक्‍याई, सायोम ग्‍याप्‍कीन धाङ घी झ्‍युङगीन घीरी थोवालाक। धेनी खुङक्‍या जीक्‍टागी खारी ॱनेवालाक, “दे नी ॱङोन्‍नेगी को़न्‍क्षोकगी से हीन्‍दाराक!”

मारकु 15:13

खुङक्‍याई फेरा ग्‍याप्‍ती, “खोला ग्‍याङस्‍यीङ खाला क्‍याङदी सो़।” ॱनेरी ॱनेवालाक।

मारकु 15:15

धेनी पीलातुगी मीछोकगी दो़पा काङयेला, बाराब्‍बाला ॱलो़ तावालाक धेनी येशुला ताजाक श्‍युरतु च्‍युक्‍ती, ग्‍याङस्‍यीङ खाला सेयेला रोमापा ॱमाक्‍मीक्‍याई लागाला ची ग्‍याप्‍पालाक।

लुका 23:21

हीना खुङक्‍याई केक ग्‍याप्‍ती, “ग्‍याङस्‍यीङ खाला क्‍योङ। खोला ग्‍याङस्‍यीङ खाला क्‍योङ!” ॱनेरी ॱनेवालाक।

लुका 23:4

धेनी पीलातुगी क्षो़पो़न क्षेक्‍या धाङ मीछोकक्‍याला ॱनेवालाक, “ङी मी देला क्‍यो़न चुक घोये दो़न घीया ॱमेथोङा।”

लुका 23:41

होराङ ॱङीउला होरी लेगागी क्षेपा फोक घोगीनगो फोक्‍पालाक हीना दे मीगी लेगा ङेन्‍पा घीया माझ्‍ये हो़तालाक।”

लुका 23:47

धा ग्‍यापो़नगी दे थोरी, को़न्‍क्षोकला तो़टा तारी ॱनेवालाक, “ॱङोन्‍नेराङ दे मी दे क्‍यो़न मेगीन हीन्‍दाराक।”

योहान्‍ना 18:38

धेनी पीलातुगी खोङबाला श्‍यी़वालाक, “धेन्‍पा घी ले?” दे ॱनेसारती खो याहुदापाक्‍या हो़जारु फीला सोरी खुङक्‍याला ॱनेवालाक, “ङी मी दे नाङ क्‍यो़न घीया ॱमेङेदा।

योहान्‍ना 19:6

धा क्षो़पो़न क्षेक्‍या धाङ ॱमाक्‍मीक्‍याई खोङबाला ज्‍याली घाङला, “खोला ग्‍याङस्‍यीङ खाला क्‍योङ, खोला ग्‍याङस्‍यीङ खाला क्‍योङ!” ॱनेरी फेरा ग्‍याप्‍पालाक। पीलातुगी खुङक्‍याला ॱनेवालाक, “ङी खोला क्‍यो़न घीया ॱमाङे, होझ्‍येरी खेक्‍याराङ खोला ठीक्‍ती सोरी ग्‍याङस्‍यीङ खाला क्‍योङ।”

जेपा 13:28

होदेक्‍याई येशुला सेये खुङ ॱमाङेबालाक हीना खुङक्‍याई येशुला से घोगीलाक ॱनेरी, पीलातुला श्‍योवा पुवालाक।

जेपा 19:34

हीना खो याहुदापा हीन्‍गीनगो होदे मीक्‍याई ॱहाघोरती, होदे मी घीरी छुची ॱङी थुक्‍पे, “एफीसुगी ल्‍हामो आरतीमी वाङ क्षेस्‍योक लाक!” ॱनेरी ॱमीच्‍यीकी फेरा ग्‍याप्‍पालाक।

ईब्‍रीपा 7:26

धेनी धाम्‍पा धाङ क्‍यो़न मेगीन धाङ चाङमा धाङ धीक्‍चेनक्‍याने, खा ढाडा धाङ नाम्‍खे श्‍यीङखामने थोवा जेजा चो क्षो़पो़न च्‍यीक, होराङला हुङ घो़ये हो़तालाक।

१ पेटो 1:19

हीना क्‍यो़न धाङ ढीमा मेगीन लुक्‍टु च्‍योक्‍रे, हीन्‍गीन मास्‍यीकागी कुठाक रीन्‍छेनगी ॱली़वालाक ॱनेरी, खेक्‍याई स्‍येलालाक।