मारकु 14:61 - ॱलोवा

⁶¹ हीना येशुगी घीया ॱमासुवा कालेन ॱमानावालाक। याङ चो क्षो़पो़नगी खोङबाला ढीवालाक, “ख्‍यो़ नी झ्‍यीलापचेनगी से मास्‍यीकागो ले?”

मारकु 14:61 Iomraidhean Croise

मेथा 16:16

सीमोन पेटोगी ॱनेवालाक, “खेराङ नी मास्‍यीका, सो़न्‍पो को़न्‍क्षोकगी सेगो लाक।”

मेथा 3:17

धेनी नाम्‍खाने सुङकेक च्‍यीकगी, “दे ङी चेवे से हीन। ङा खी़मुला ॱमीच्‍यीकी ङ्यामो घा हो़क।” सुरी सुवालाक।

मेथा 8:29

धेनी होदे ॱङीउगी केक ग्‍याप्‍ती ॱनेवालाक, “को़न्‍क्षोकगी से, हीकीमुला खेराङगी घी ढेवा हो़ताले? धी़चो़ ॱमालेप एन्‍लाराङ, खेराङ हेला दुक्‍पु ताङदु फेया हीने?”

मारकु 14:60

धेनी चो क्षो़पो़न दे घुङदु लारी येशुला ढीवालाक, “मी देक्‍याई ख्‍यो़ला क्‍यो़न चुक्‍कीन दे घी ले? ख्‍यो़ लेन च्‍यीया मेग्‍याले?”

मारकु 15:2

पीलातुगी खोङबाला श्‍यी़वालाक, “ख्‍यो़ याहुदापा मीरीकगी ग्‍यावु हीने?” येशुगी सुवालाक, “खेराङ राङगी सुजुङ।”

योहान्‍ना 1:34

धेनी ङी होदे ज्‍याजुङ धेनी खोङबाराङ को़न्‍क्षोकगी से लाक ॱनेरी ङा पाङपो झ्‍यीदाहीन।”

योहान्‍ना 10:24

याहुदापा पो़न्‍पोक्‍या खोङबागी थाकोरला जोम्‍दी, खोङला श्‍यी़वालाक, “खेराङ नाम थुक्‍पे हेला थेचुम केरु च्‍युक्‍ये? खेराङ मास्‍यीकागो हीन्‍ना हेला सावो सुङाजे।”

योहान्‍ना 10:36

को़न्‍क्षोकगी धाम्‍पा जेदी जीक्‍तेनदु ॱङाक्‍ङा ङी, ‘ङा को़न्‍क्षोकगी से हीन।’ ॱनागीनगोला, खेक्‍या ङाला को़न्‍क्षोकला कुरवा धेबी, ॱनेरी घीझ्‍येरी क्‍यो़न चुक्‍वाले?

योहान्‍ना 18:37

पीलातुगी खोङबाला श्‍यी़वालाक, “धा हाना, ख्‍यो़ ग्‍यावु च्‍यीक ले?” येशुगी सुवालाक, “खेराङ राङगी ङा ग्‍यावु च्‍यीक लाक ॱनेरी सुजुङ। ङा धेन्‍पागी़ पाङपो झ्‍यीयेगी क्षीला केवालाक धेनी देगी क्षीलाराङ, ङा जीक्‍तेनदु होवाहीन। धेन्‍पागी हीन्‍गीनक्‍याई ङी काला ङेन्‍दालाक।”

योहान्‍ना 19:7

याहुदापाक्‍याई खोला लेन ग्‍याप्‍पालाक, “हेला क्षो़ठीम च्‍यीक हो़तालाक धेनी क्षो़ठीम देला ताना, खो स्‍यीघोगुलाक घीझ्‍येरी ॱनाना खी़ खोराङला को़न्‍क्षोकगी से हीन ॱनालाक।”

योहान्‍ना 19:9

खो धाब्‍ले फोडाङ नाङदु जुरी येशुला ढीवालाक, “ख्‍यो़ घाने हीनो?” हीना येशुगी लेन च्‍यीया ॱमासुवालाक।

जेपा 8:32

खी़ सुङरापने ढोक्‍कीन छीक्‍छामगो दे लाक, “खो नी स्‍यावाला ठीक्‍कीन लुक च्‍योक्‍रे ठीक्‍पालाक, धेनी पु डेगीन दोङदु लुक्‍टु खाबा धेगीन च्‍योक्‍रे, खी़ खाने छीक च्‍यीया ॱमातो़न्‍बालाक।

१ तीमोथेउ 6:15

धेनी झ्‍यीलाप्‍चेन धाङ ग्‍यावुक्‍याई, ॱलानामेपे ग्‍यावु धाङ चोवोक्‍याई चोवोगी धी़चो़ भाप्‍कीन छो़ला ॱङो़न्‍दु च्‍युक्‍कीलाक।

१ पेटो 2:23

खुङक्‍याई मास्‍यीकाला ॱमेबेप ताङी घाङला, खोङबागी लेन ॱलोक्‍वा माजेपालाक। धेनी दुक्‍पु ङ्याङी घाङला, खोङबागी जीक्‍टा ॱमाकुवालाक। हीना ढाङतेनगी ठीम थाक जेगीनला ॱलो का जेपालाक।