मारकु 14:6 - ॱलोवा

⁶ हीना येशुगी सुवालाक, “मोला भोर। खेक्‍या घीझ्‍येरी मोला दुक्‍पु तेराले? मी़ ङाला लेगा शाङपो च्‍यीक झ्‍येदुक।

मारकु 14:6 Iomraidhean Croise

मेथा 26:10

हीना येशुगी दे खेन्‍दी खुङक्‍याला सुवालाक, “खेक्‍या मोला घीझ्‍येरी दुक्‍पु तेरा? मी़ ङी क्षीला ले शाङा च्‍यीक झ्‍येदुक।

मारकु 14:5

दे नी, ॱङुगी टाङगा सुमग्‍याने माङाला चोरी, होदे ॱङु उटेक्‍याला तेरये हो़तालाक।” धेनी खुङक्‍याई मोला आङजी तावालाक।

मारकु 14:7

घीझ्‍येरी ॱनाना उटे मीक्‍या खेक्‍यामुला च्‍योई हुङगीलाक धेनी नाम खेक्‍या थेदी, होदे घाङला खुङक्‍या क्षीला घा झ्‍यीना ढीक्‍कुलाक। हीना ङा खेक्‍यामुला च्‍योई हुङगुमालाक।

जेपा 9:36

योफा ॱनागीन ग्‍याजारु ताबीथा ॱनागीन, धेपा-झ्‍यीगीन भोमो च्‍यीक हो़तालाक। गीरीक केकला मी़ मीङ “दोरकास” ॱनाना “स्‍यावा” लाक। मो नाम्‍हीना ले शाङा धाङ क्‍योवाक्‍याला रोवा झ्‍यीदालाक।

२ कोरीन्‍थुपा 10:18

घीझ्‍येरी ॱनाना राङगी तो़टा राङ झ्‍यीगीनला, चोवोगी खेलेन मेजेदालाक हीना चोवोगी तो़टा जेगीन मीगोला खेलेन जेदालाक।

२ कोरीन्‍थुपा 9:8

धेनी खेक्‍याला घो़गीन घीरी च्‍योई मेछो़ली हुङये धाङ ले शाङा घीरीगी क्षीदु, खेक्‍याई मेछो़ली पु थुक्‍वास्‍योक ॱनेरी, को़न्‍क्षोकगी खेक्‍याला झ्‍यीलाप हो़लेगो मेछो़ली ॱनाङ जे थुक्‍वालाक।

एफीसुपा 2:10

घीझ्‍येरी ॱनाना होराङ ले शाङाक्‍याई क्षीला, मास्‍यीका येशु नाङ को़का को़न्‍क्षोकगी क्षाक्‍शो़ लाक। धेनी देरे झ्‍यीयेला खोङबागी होराङला एम्‍मानेराङ डाढीक जेपालाक।

कोलोसेपा 1:10

धेनी चोवोला कुरती हुङगीन मीछे पी़ये धाङ खोङबाला घीरीने थुक घेरु च्‍युक्‍ये धेनी ले शाङा घीरीला, ढेबु केये धाङ को़न्‍क्षोकगी स्‍येयो़नला, खेक्‍या छारती डोयेगी क्षीला, हेक्‍या ॱमो़लाम ग्‍यावीहो़क।

२ थेसालोनीकेपा 2:17

खेक्‍याला सेम्‍सो ॱनाङास्‍योक धेनी च्‍योई ले शाङपो झ्‍यीये धाङ ढाङपो स्‍येयेला, स्‍युक ॱनाङास्‍योक।

१ तीमोथेउ 5:10

धेनी मी़ टुवाक्‍या सो़क्‍योङ झ्‍येजा धाङ डो़न्‍बोक्‍याला झाम्‍पा झ्‍येजा धाङ धेपा झ्‍यीगीन धाम्‍पा मीक्‍याई श्‍याप ठी़ठा धाङ दुक्‍पु ङ्याङगीनक्‍याला रोवा झ्‍येजा धाङ ले शाङा घीरीला दो़नाङ तेरता, देरे ले शाङाक्‍याई क्षीला मी़ मीङडाक क्षे हुङ घोगुलाक।

१ तीमोथेउ 6:18

खुङक्‍याई लेगा शाङा झ्‍यीये धाङ ले शाङाला क्षुक्‍पु धेनी झ्‍यीम्‍बा ताङयेला घागीन धाङ राङला हो़गीन श्‍येम्‍माला घोवास्‍योक।

२ तीमोथेउ 2:21

ॱमेचाङा घीरीने राङला चाङमा झ्‍यीगीन मीगो, धी़ शाङागी क्षीला भेचो़ झ्‍युरी धेनी धाम्‍पा जेगीलाक। खीमगी दाक्‍पोगी क्षीला, फेन्‍थोवा धाङ ले शाङा घीला हीन्‍ना डाढीक झ्‍युङगीलाक।

२ तीमोथेउ 3:17

होझ्‍येरी को़न्‍क्षोकगी मीक्‍या ले शाङा घीरीला, जो़न्‍पो धाङ छाङगीन झ्‍युङगीलाक।

तीतोस 2:14

धेनी होरी धीक्‍पा घीरीने थारपा ॱनाङयेला धाङ होराङला चाङमा शो़री, खोङबा खोराङगी क्षीला मीरीक जेयेला धाङ लेगा ढाङपो झ्‍यीयेला खेलेन झ्‍यीगीन झ्‍युङयेला, मास्‍यीकागी राङगी कुसोक होरी क्षीला ॱलो़ तावालाक।

तीतोस 2:7

लाब घीरीला राङ-राङला ले शाङपोगी पे तो़न। ख्‍यो़री ॱलापच्‍यागो ढाङपो धाङ याराप

तीतोस 3:14

ॱहाताक्‍पाला घो़गीनक्‍याला रोवा झ्‍यी थुक्‍येला, होरी मीक्‍या ले शाङा झ्‍यीयेला राङ-राङगी धी़चो़गो लाक्‍लेन झ्‍यी घो़गीलाक। धेनी खुङक्‍या फेन ॱमेथोक्‍कीन झ्‍युङगीमालाक।

तीतोस 3:8

दे लाब दे धेन्‍पा लाक। धेनी को़न्‍क्षोकला धेपा झ्‍यीगीन मीक्‍या ले शाङा झ्‍यीयेला दो़पा हुङास्‍योक, ॱनेरी दे ॱलापच्‍याक्‍याला, ख्‍यो़ स्‍युक ग्‍याप्‍येला ङी दो़पा हो़क। देक्‍या मीक्‍याला शाङपो धाङ फेन थोक्‍वा दुक।

ईब्‍रीपा 10:24

झाम्‍पा धाङ लेशाङगी क्षीदु, होराङ च्‍यीकगी च्‍यीकला सेमस्‍युक पारयेला साम्‍लो ताङघो़।

ईब्‍रीपा 13:21

राङगी थुकोङ डुप्‍येगी क्षीदु, खेक्‍याला दो़न शाङा घीरी ॱनाङास्‍योक। धेनी ग्‍युने ग्‍युन्‍दु शीजे हो़गीन येशु मास्‍यीकागी थोक्‍ने, खोङबा को़न्‍क्षोकला थुक्‍ङेउ हो़गीन लेगागो, खेक्‍या नाङ जेदास्‍योक। आमेन।

१ पेटो 2:12

धेनी धेपा मीझ्‍यीगीनक्‍याई खोक्‍दु चो़पा शाङपो झ्‍यी। घीझ्‍येरी ॱनाना खुङक्‍याई खेक्‍याला ङेन्‍पा झ्‍यीगीन ॱनेरी क्‍यो़न च्‍युई घाङला, खुङक्‍याई खीकी ले शाङाक्‍या थोङास्‍योक धेनी को़न्‍क्षोक फेप्‍ये ङीमाला, खुङक्‍याई खोङबाला तो़पा पुलास्‍योक।