मारकु 14:41 - ॱलोवा

⁴¹ धेनी खोङबा खुङ सुमचारु थेङमा सुम्‍बागोला फेई घाङला, सुवालाक, “खेक्‍या धोराङा ङ्यारी ङा सी़ धेताले? धा झ्‍युजुङ, धी़चो़ ॱलेप्‍सादुक। मी-भु धीक्‍चेनक्‍याई लाक्‍पाला ची ग्‍याप्‍ये झ्‍यीदी।

मारकु 14:41 Iomraidhean Croise

मेथा 26:2

“ङीमा ॱङी स्‍याम्‍ने पेसाकगी धी़छेनगो हुङगीलाक ॱनेरी, खेक्‍याला स्‍येये हो़तालाक धेनी मी-भु नी ग्‍याङस्‍यीङला क्‍याङयेगी क्षीला, डागी लाकला ची ग्‍याप्‍कीलाक।”

मारकु 14:10

धेनी ङेने च्‍युङङीक्‍याने च्‍यीक युदा ईस्‍कारीयोतगो, येशुला क्षो़पो़न क्षेक्‍याई लागला ची ग्‍याप्‍येला, खुङक्‍याचारु सोवालाक।

मारकु 14:18

धेनी खोङबाक्‍या श्‍युक्‍ती श्‍येलाक श्‍येली घाङला येशुगी सुवालाक, “ङा धेन्‍पाराङ खेक्‍याला ॱनाहीन, खेक्‍याने मी च्‍यीकगी ङाला डागी लाक्‍पाला ची ग्‍याप्‍कीलाक।”

मारकु 14:35

धेनी खोङबा ॱहाचो़ला फेप्‍ती साला घुक जेदी, होदे धी़चो़ दे खोङबाने थारती डोये हो़ना डोवास्‍योक ॱनेरी, ॱमो़लाम पुवालाक।

मारकु 14:40

धेनी याङ खोङबा खुङ सुमचारु फेप्‍ती, खुङक्‍या ॱङी लोक्‍ती धेता थुक्‍पालाक। खुङक्‍याई ॱमीक ॱङीगी झ्‍येरी धारी धे ॱमाथुक्‍पालाक धेनी खोङबाला लेन घी तेरये ॱनेरी ॱमास्‍येवालाक।

मारकु 14:42

लोङ, धेनी डो। ङाला डागी लाक्‍पाला ची ग्‍याप्‍कीन मी होसादुक।”

मारकु 7:9

येशुगी खुङक्‍याला याङ सुवालाक, “खेक्‍या राङगी लुक्‍सो़ला ॱरुङक्‍योप झ्‍यीयेला, को़न्‍क्षोकगी काक्‍याला ङोलोक झ्‍यीयेगी लाम्‍गा घा च्‍यीक जोरदुक।

मारकु 9:31

घीझ्‍येरी ॱनाना खोङबागी ङेनेक्‍याला देरे सुरी, क्षो़ तो़न जेदी हो़तालाक, “मी-भु नी मीक्‍याई लाक्‍पाला ची ग्‍याप्‍कीलाक धेनी खुङक्‍याई खोला सेगीलाक। धेनी खोला सेती श्‍याक्‍मु सुमगी स्‍याम्‍ला, खो छीवाने सो़न्‍गीलाक।”

योहान्‍ना 12:23

येशुगी खुङ ॱङीउला लेन ॱनावालाक, “मी-भु शीजेला ॱङो़न्‍येगी धी़चो़ रीन्‍सोङ।

योहान्‍ना 12:27

“धा ङी सेम ठुक दुक। ङा घी ॱनागु? के याप, दे धी़चो़ देने ङाला क्‍योबा जो़। मालाक, ङा दो़न दीगी क्षीलाराङ दे धी़ थुक्‍पे होवाहीन।

योहान्‍ना 17:1

धेनी येशुगी दे काक्‍या सुङसारती, नाम्‍खाला चेन शीक्‍ती सुवालाक, “के याप, धा धी़ भाप्‍ती, सेगी खेराङगी शीजे ॱङो़न्‍येगी क्षीला, खेराङगी सेगी शीजे ॱङो़न्‍दु जे।

योहान्‍ना 7:30

धेनी खुङक्‍याई खोङबाला शीम्‍येला थापस्‍यी चावालाक हीना खोङबागी धी़ मारीन्‍बा, सी़या खोङबाला लाक्‍पा ॱमाक्‍यावालाक।

योहान्‍ना 8:20

येशुगी सुङ देक्‍या क्षो़खाङगी ॱङु पुजागी डामदु क्षो़ सुङा जेपालाक। धेनी खोङबागी धी़गो, धोराङा मारीन्‍बा सी़या खोङबाला माशीम्‍बालाक।

जेपा 7:52

खेराङक्‍याई धाङबी फामाक्‍याई दुक्‍पु ॱमाताङगीन, ॱङो़नस्‍येखेन च्‍यीया हो़ताले? को़न्‍क्षोकगी मी ढाङपोगो फेप्‍यी हो़तालाक ॱनेरी, लो़न तेरकीन ॱङो़नस्‍येखेनक्‍याला खुङक्‍याई सेजुङ। धेनी खेराङक्‍याई खोङला गो कोरती सेजुङ।