मारकु 14:26 - ॱलोवा

²⁶ धेनी खुङक्‍याई तो़लु च्‍यीक तारी, क्‍युरुस्‍यीङगी री स्‍योकला फेप्‍पालाक।

मारकु 14:26 Iomraidhean Croise

मेथा 21:1

धेनी येशु धाङ खोङगी ङेनेक्‍या येरुसालेमगी ङ्येडामदु फेप्‍ती, क्‍युरुस्‍यीङगी रीदु हो़गीन बेथफागेदु ॱलेप्‍पालाक। धेनी येशुगी ङेने ॱङीला देरे सुरी झावालाक,

मेथा 26:30

धेनी खोङबाक्‍याई तो़याङ च्‍यीक पुरी, क्‍युरुस्‍यीङगी री स्‍योकला फेप्‍पालाक।

मारकु 14:25

ङा धेन्‍पाराङ खेक्‍याला ॱनाहीन, को़न्‍क्षोकगी ग्‍याखापगी नाङदु दे साबा ॱमाथुङगीन थुक्‍पे, ङा याङदा घुन्‍डुमगी खोवा थुङये मेन।”

लुका 22:39

ङीमा तेनग्‍याङ च्‍योक्‍रे येशु ग्‍याजाने थो़न जेदी, क्‍युरुस्‍यीङगी रीरु फेप्‍पालाक धेनी ङेनेक्‍या खोङबागी स्‍याबाला डावालाक।

योहान्‍ना 18:1

येशुगी दे काक्‍या सुङसारती, खोङबा ङेनेक्‍यामुला कीदोरोन ढोक्‍पोगी ॱहाकीनला, हो़गीन दुम्‍राला फेप्‍पालाक। खोङबा ङेनेक्‍यामुला होदे नाङदु जुवालाक।

जेपा 16:25

धा छेनगी तीक-तीकला पाउलु धाङ सीलवानु सोवा ग्‍याप्‍ती, को़न्‍क्षोकला तो़लु पुली धेबालाक धेनी श्‍येम्‍मा चो़न्‍पाक्‍या ङेन्‍दी धे हो़तालाक।

१ कोरीन्‍थुपा 14:15

धा ॱहाना ङा घी झ्‍यीये? ङा सेम्‍ङीगी थोक्‍ने, ॱमो़लाम श्‍युयेहीन धेनी रीक्‍पागीयाः ॱमो़लाम श्‍युयेहीन। धेनी ङा सेम्‍ङीगी थोक्‍ने तो़लु ताङयेहीन धेनी ङी रीक्‍पागीयाः तो़लु ताङयेहीन।

कोलोसेपा 3:16

मास्‍यीकागी का खेक्‍या नाङ मेछो़ली ॱनेघो़। धेनी स्‍येराप घीरीने च्‍यीकगी च्‍यीकला ॱलोप धेनी ॱलापच्‍या ग्‍योप। धेनी को़न्‍क्षोकला राङगी ॱङीङ थाक्‍पाने, काटीन्‍क्षे श्‍यी़री सुङगुर धाङ तो़याङ धाङ घुरलुक्‍या लेन।

याकोब 5:13

खीकी घुङदु दुक्‍पु ङ्याङगीन मी रे हो़ते? होदेगी ॱमो़लाम ग्‍याप्‍घो़। खेक्‍याने ङ्यामो घागीन रे हो़ते? होदेगी तो़लु लेन्‍घो़।

ॱङो़न्‍पा 5:9

धेनी खुङक्‍याई तो़लु साबा च्‍यीक लेन्‍दी ॱनेवालाक, “खेराङला स्‍योक्‍टी दे ॱनुम्‍ये धाङ होदेगी थेचेक्‍या कोक थुप्‍कीन आङजा हो़तालाक, घीझ्‍येरी ॱनाना खेराङला सेपालाक, धेनी खेराङगी कुठाकगी को़न्‍क्षोकगी क्षीदु, ग्‍युपा धाङ केरीक धाङ मी धाङ मीरीकक्‍याने, मीक्‍या ङ्यो़वालाक।