मारकु 14:21 - ॱलोवा

²¹ घीझ्‍येरी ॱनाना मी-भुला, खी़ कोरला ढीक्‍टा च्‍योक्‍रे झ्‍युङ घो़गीलाक हीना खोला डागी लाक्‍पाला ची ग्‍याप्‍कीन, मी देला घीन्‍गी दुक्‍पु झ्‍युङगीलाक। खो नामा ॱमाके हो़ना ॱमीच्‍यीकी घा झ्‍युङयेहो़क।”

मारकु 14:21 Iomraidhean Croise

मेथा 26:54

हीना देरे झ्‍युहो़ना, सुङरापला झ्‍युङ घो़गुलाक ॱनागीनगो, घाङगी झ्‍येरी डुप्‍कीले?”

मेथा 26:56

हीना दे घीरी ॱङो़नस्‍येखेनक्‍याई सुङरापला ढीक्‍टाक्‍या, डुप्‍तु च्‍युक्‍येला झ्‍युवालाक।” धेनी ङेने घीरी खोङबाला भोरती डो़वालाक।

मारकु 14:20

खोङबागी खुङक्‍याला सुवालाक, “होदे खे च्‍युङङीने च्‍यीक लाक। ङामुला फोरा नाङदु ग्‍याङगा चुक्‍कीन च्‍यीक लाक।

मारकु 14:22

धेनी खुङक्‍या शेरी धेती घाङला, येशुगी ग्‍याङगा च्‍यीक क्षाकला ॱनुम्‍दी ॱमो़लाम ग्‍याप्‍ती, च्‍याक जेपालाक धेनी खुङक्‍याला तेरती सुवालाक, “लेन, दे ङी ली़ लाक।”

मारकु 14:49

ङीमा तेनग्‍याङ ङा क्षो़खाङदु ॱलावी घाङला, खेक्‍यामुला हो़तालाक धेनी खेक्‍याई ङाला शीम्‍गी मीदुक। हीना क्षो़ठीमला ढीक्‍टा दे डुपास्‍योक।”

लुका 22:22

घीझ्‍येरी ॱनाना थाक चेचागोला चीरी मी-भु डुगीलाक हीना खोला डाक्‍याई लागाला ची ग्‍याप्‍कीन मीगो ॱङ्यावाली।”

लुका 24:44

धेनी खोङबागी खुङक्‍याला सुवालाक, “खेक्‍यामुला हो़ती घाङला, ङी ॱनेना लाबक्‍या देराङ लाक। मोशेगी ढीक्‍टा क्षो़ठीम धाङ ॱङो़नस्‍येखेनक्‍याई धेप धाङ सुङगुरला, ङी कोरला ढीक्‍टा लाब घीरी डुप घो़गीलाक।”

योहान्‍ना 19:28

होदे स्‍याम्‍ने धा घीरी डुप्‍कीनगो खेन्‍दा जेदी, खोङबागी सुङरापला ढीक्‍टागो डुप्‍येगी क्षीला “ङा खा कोमी” सुरी सुवालाक।

जेपा 2:23

को़न्‍क्षोकगी राङगी ढो़ धाङ ॱङो़नस्‍ये च्‍योक्‍रे, येशुला खेराङक्‍याई लागाला ॱनावालाक धेनी खेराङक्‍याई खोङबाला ग्‍याङस्‍यीङदु सेयेला, मी ङेन्‍पाक्‍याई लागाला ची ग्‍याप्‍पालाक।

जेपा 4:27

“ॱङो़न दे ॱङोन्‍नेगी डुप्‍सुङ घीझ्‍येरी ॱनाना ग्‍यावु हेरोदे धाङ पोन्‍तीहु पीलातु धाङ याहुदापा मेन्‍गीन मीरीकक्‍या धाङ याहुदापा मीक्‍या घीरी, येरुसालेमदु खेराङगी दाम्‍दा धाम्‍पे श्‍याप्‍ची येशुला ङोग्‍येल झ्‍यीयेला जोम्‍जुङ।