मारकु 14:11 - ॱलोवा

¹¹ धेनी क्षो़पो़न क्षेक्‍याई दे घोरती ॱमीच्‍यीकी ङ्यामो घेरी, खोला ॱङु तेरयेगी ॱना क्‍यावालाक। धेनी खो येशुला घाङगी झ्‍येरी, ची ग्‍याप्‍ये ॱनेरी घुकाप चाये गो चुक्‍पालाक।

मारकु 14:11 Iomraidhean Croise

मेथा 26:14

धेनी ङेने च्‍युङङीने युदा ईस्‍कारीयोत ॱनागीनगो, क्षो़पो़न क्षेक्‍या चारु सोरी

मेथा 26:15

श्‍यी़वालाक, “ङी खोङबाला खीकी लाकला ची ग्‍याप्‍ना, ङाला घी तेरये?” धेनी खुङक्‍याई खोला ॱङुगी टाङगा सुमच्‍यु तेरपालाक।

मारकु 14:10

धेनी ङेने च्‍युङङीक्‍याने च्‍यीक युदा ईस्‍कारीयोतगो, येशुला क्षो़पो़न क्षेक्‍याई लागला ची ग्‍याप्‍येला, खुङक्‍याचारु सोवालाक।

मारकु 14:12

धेनी क्‍युरची मेगीन ग्‍याङगा शागीन धी़छेनगी ङीमा धाङपोगोला, येशुगी ङेनेक्‍याई खोङबाला श्‍यी़वालाक, “खेराङगी क्षीला पेसाकगी धी़छेनगी श्‍युक्‍टा घारु सोरी डाढीक झ्‍यीगु?” होदे ङीमागो थारपा थोप्‍थोवा धी़छेनला, लुक्‍टुगी ॱमारछो़ पुलालाक।

लुका 22:3

धेनी ङेने च्‍युङङीने ईस्‍कारीयोत ॱनागीन, युदागी सेम नाङदु सातान जुवालाक।

१ तीमोथेउ 6:10

घीझ्‍येरी ॱनाना ॱङुला क्षाक्‍कीनगो ङेन्‍पा ॱनाछोक घीरीगी चावा लाक। ॱङुला दो़ङाम झ्‍यीगीन रीङगा, राङगी धेपा पारी राङगी सेम दुङागी काङदुक।

युदा 1:11

देक्‍या ॱङ्यावाली! घीझ्‍येरी ॱनाना खुङक्‍या कायीनगी लामला डाङालाक धेनी ग्‍युनोर थोप्‍ये क्षीला, बालामगी नोन्‍डुला छी़दालाक। धेनी कोरागी ङोलोकला च्‍योक्‍रे, मेताला डुगीलाक।