मारकु 13:9 - ॱलोवा

⁹ “खेक्‍या चाङजे झ्‍येरी धो़क घीझ्‍येरी ॱनाना मीक्‍याई खेक्‍याला शीम्‍दी, ठीम्‍खाङक्‍याला ठीक्‍कीलाक धेनी छोक्‍खाङक्‍याला ठीक्‍ती दुङगीलाक। धेनी ङी क्षीला खुङक्‍याला पाङपो तो़न्‍येला, खेक्‍या पो़न्‍पोक्‍या धाङ ग्‍यावुक्‍या दोङदु लाङ घो़गीलाक।

मारकु 13:9 Iomraidhean Croise

मेथा 5:22

हीना ङा खेक्‍याला ॱनाहीन, राङगी पी़नमुला ठो़गीन घीरीला ठीम फोक्‍कीलाक धेनी राङगी पी़नला ॱमेबेप ताङगीनला, छोक्‍क्षेनगी दोङदु ठीम फोक्‍कीलाक धेनी श्‍येम्‍माक्‍याला ‘ख्‍यो़ फेन ॱमेथोक्‍कीन घोल्‍लोवा’ ॱनागीनक्‍या मेगी ॱङ्यावा खोकला डोयेगी ङेन्‍का हो़तालाक।

मारकु 13:5

येशुगी सुवालाक, “चाङजे झ्‍यी, मी सी़या खेक्‍याला गो ॱमाकोरास्‍योक।

मारकु 13:8

घीझ्‍येरी ॱनाना मीरीक-मीरीकगी नाङदु धेनी ग्‍याखाप-ग्‍याखापगी नाङदु ॱमाक ठुक्‍कीलाक। साज्‍या ॱमीच्‍यीकी माङाला, सायोम हुङगीलाक धेनी मुगेला स्‍योरकीलाक। देक्‍या नी, केशुकगी गोमागो च्‍योक्‍रे लाक।

मारकु 6:11

धेनी साजा घारेदु खेक्‍याला फेप्‍सु माझ्‍येवा, खीकी लाबला माङेन्‍ना, खेक्‍या होदेने डी़ घाङला, खुङक्‍याला पाङपो हुङयेला, खेरी काङबी थालाक्‍या ॱरुक।”

लुका 9:5

धेनी खेक्‍याला यु घारु खेमेलेन्‍दी, होदे युने थो़न्‍दी डी़ घाङला खुङक्‍याला पाङपो हुङयेगी क्षीदु खीकी काङबी थालागो ॱरुक।”

योहान्‍ना 15:20

ङी खेक्‍याला, ‘ॱयोक्‍पो च्‍यीक राङगी पो़न्‍पोने क्षे मेयोङालाक।’ ॱनागीन छीकला ढेन्‍सो़ झ्‍यी। खुङक्‍याई ङाला ॱनो़ क्‍याना, खुङक्‍याई खेक्‍याला ॱनो़ क्‍यागीलाक। धेनी खुङक्‍याई ङी का ॱरुङना, खेक्‍यागीयाः काक्‍या ॱरुङगीलाक।

योहान्‍ना 16:2

खुङक्‍याई खेक्‍याला छोक्‍खाङक्‍याने पी़गीलाक। धेनी खेक्‍याला सेगीनक्‍याई देरे लेगा झ्‍येरी, खुङक्‍याई को़न्‍क्षोकला ॱङीङकुर झ्‍यीदाहीन ॱनेरी, साम्‍गीन धी़ स्‍यारकीलाक।

जेपा 21:11

खी़ पाउलुगी केराक खेरती, खोरी लाक्‍पा धाङ काङबाक्‍या धाम्‍दी ॱनेवालाक, “धाम्‍पे थुक्‍ङीगी देरे सुङी, येरुसालेमला डोना याहुदापाक्‍याई दे काउगी दाक्‍पोला देरे झ्‍येरीराङ धाम्‍गीलाक धेनी याहुदापा मेन्‍गीन मीरीकगी लाक्‍पाला ची ग्‍याप्‍कीलाक।”

जेपा 7:54

सेतेफेनगी होदे लाबगो घोरती, छोक्‍पा क्षेरु हो़गीन गोठीक्‍या ॱमीच्‍यीकी खोङडो लावालाक धेनी खुङक्‍या खोङडो लारी खोला सो ढीक्‍पालाक।

जेपा 9:16

धेनी ङी दो़नला खो घाजो़ ङ्याङ घो़गुले ॱनेरी, ङा खोला तो़न्‍येहीन।”

फीलीप्‍पीपा 1:29

घीझ्‍येरी ॱनाना खेक्‍याला मास्‍यीकाला धेपा झ्‍यीये च्‍यीगा मेन्‍दा, खोङगी दो़नला दुक्‍पु ङ्याङयेगी थोप्‍ताङगोवाः ॱनाङ हो़तालाक।

२ थेसालोनीकेपा 1:5

धेनी को़न्‍क्षोकगी ग्‍यासी नाङदु, खेक्‍या डो थुप्‍ये मी झ्‍युङयेगी दो़नला, खेक्‍याई दुक्‍पु ङ्याङगीनगो को़न्‍क्षोकगी ठीम्‍चो़ ढाङपोगी पाङपो लाक।

२ योहान्‍ना 1:8

हेक्‍याई डुप्‍टा दो़नगो खेक्‍याई स्‍योरतु ॱमाच्‍युक हीना खेक्‍याला ज्‍यागा छाङगो थोप्‍ये क्षीला, खेक्‍या शाप-शाप झ्‍यी।

ॱङो़न्‍पा 1:9

येशुगी थोक्‍ने, दुक्‍पु धाङ को़न्‍क्षोकगी ग्‍यासी धाङ शो़पागी नाङला, खेक्‍याई रोवा धाङ पी़न ङा योहान्‍ना हीन। ङा नी, को़न्‍क्षोकगी का धाङ येशुला पाङपो झ्‍येजागी केनगी, पादमोस ॱनागीन ॱलीङठेनदु हो़तालाक।

ॱङो़न्‍पा 2:10

धा ख्‍यी़ ङ्याङये हीन्‍गीन दुक्‍पुक्‍याने माजीक। तो़दाङ, खेक्‍याला छो़ता झ्‍यीयेगी क्षीदु, धी़कगी खेक्‍याने रीङगाला चो़न्‍खाङदु च्‍युक्‍कीलाक धेनी श्‍याक्‍मो च्‍यु थुक्‍पे, ख्‍यो़ला दुक्‍पु झ्‍युङगीलाक। ख्‍यो़ स्‍यीघो़ना धेपाला तेन्‍पो धो़क धेनी ङी ख्‍यो़ला छेसोकगी चो़पेन तेरु।

ॱङो़न्‍पा 2:13

धी़क सातानगी ठी हो़जारु खेक्‍या ॱनेलालाक ॱनेरी, ङाला स्‍येयेहो़क। देरे हीन्‍नाः, खेक्‍या ङी मीङगी दो़न्‍दु तेन्‍पो ॱनेलालाक। धेनी धी़क सातान ॱनेसा, खीकी ग्‍याजारु ङी ॱलोते हो़गीन पाङपो आन्‍तीपागोला सेपालाक धेनी होदे घाङगी ङीमाक्‍यालाः, खेक्‍याई राङगी धेपा ॱमापाजुङ।