मारकु 13:6 - ॱलोवा

⁶ घीझ्‍येरी ॱनाना ङी मीङने, ‘ङा मास्‍यीका हीन’ ॱनेरी ॱमीच्‍यीकी माङा हुङगीलाक धेनी खुङक्‍याई मी ॱमीच्‍यीकी माङाला गो कोरकीलाक।

मारकु 13:6 Iomraidhean Croise

मेथा 24:11

धेनी ॱङो़नस्‍येखेन शोक्‍पोक्‍या माङा थो़न्‍गीलाक धेनी मी माङाला ॱली़गीलाक।

मेथा 24:5

घीझ्‍येरी ॱनाना ‘ङा मास्‍यीका हीन’ ॱनेरी, ङी मीङगी थोक्‍ने मी माङा हुङगीलाक धेनी मी माङक्षेला खुङक्‍याई गो कोरकीलाक।

मारकु 13:22

मास्‍यीका शोक्‍पोक्‍या धाङ ॱङो़नस्‍येखेन शोक्‍पोक्‍या थो़न्‍गीलाक धेनी ॱहाङसागीन ताक धाङ लेगाक्‍या तो़न्‍दी, घी थुप्‍तु को़न्‍क्षोकगी दाम्‍दाक्‍याला गो कोरकीलाक।

मारकु 13:5

येशुगी सुवालाक, “चाङजे झ्‍यी, मी सी़या खेक्‍याला गो ॱमाकोरास्‍योक।

मारकु 13:7

धेनी ॱमाक्‍ठुक धाङ ॱमाकगी लाबक्‍या खेक्‍याई घोरकीलाक हीना माजीक। दे लाबक्‍या झ्‍युङ घो़गीलाक हीना होदे थागी धी़चो़गो मालाक।

योहान्‍ना 5:43

ङा ङी यापगी छेनला तेन्‍दी होवाहीन हीना खेक्‍याई ङाला खेलेन्‍गीमीदुक। मी श्‍येम्‍मा च्‍यीक राङगी मीङला तेन्‍दी हो हो़ना, खेक्‍या खोला खेलेन्‍येहो़क।

योहान्‍ना 8:24

खेक्‍या खेरी धीक्‍पागी नाङदु स्‍यीगीलाक ॱनेरी, ङी खेक्‍याला ॱनेवी। धेनी खेक्‍याई ‘ङा खोङराङ हीन’ ॱनेरी धेपा मीझ्‍यीना, खेक्‍या राङगी धीक्‍पागी नाङदु स्‍यीगीलाक।”

योहान्‍ना 8:28

होझ्‍येरी येशुगी खुङक्‍याला सुवालाक, “खेक्‍याई मी-भुला याला ताक्‍यी घाङला, ‘ङा खोङराङ लाक’ ॱनेरी खेक्‍याई ॱहाघोरकीलाक। धेनी ङी राङङीला तेन्‍दी घीया माझ्‍येवा, हीना यापगी ॱलाप्‍कीन च्‍योक्‍रे स्‍येगीनगो खेक्‍याई ॱहाघोरकीलाक।

१ योहान्‍ना 4:1

ङी चेवेक्‍याओ, सेम्‍ङी हो़लेला धेपा माझ्‍यी हीना होदे सेम्‍ङीक्‍या को़न्‍क्षोकने हीन याङना मेन ॱनेरी, छो़ता झ्‍यी घीझ्‍येरी ॱनाना जीक्‍तेनदु ॱङो़नस्‍येखेन शोक्‍पो माङा थो़न्‍सादुक।