मारकु 13:32 - ॱलोवा

³² “हीना होदे ङीमा धाङ धी़चो़गी कोरला सुलाः क्षा मेतालाक। यापला माना, नाम्‍खे श्‍यीङखामदु हो़गीन को़न्‍क्षोकगी भाङछेनक्‍या धाङ को़न्‍क्षोकगी सेलाः क्षा मेतालाक।

मारकु 13:32 Iomraidhean Croise

मेथा 25:13

धेनी येशुगी सुवालाक, “खेक्‍याला ङा हुङयेगी ङीमा धाङ धी़चो़गो स्‍येये मेगीन झ्‍येरी च्‍याङजे धो़क।

मेथा 25:19

“धा युन रीङबो स्‍याम्‍ला, होदे ॱयोक्‍पोक्‍याई दाक्‍पोगो लोक्‍ती होरी, खुङक्‍यामुला ची लेन्‍बालाक।

मेथा 25:6

“हीना छेनगी घुङला ‘माक्‍पा ॱलेप्‍जो! खोङला ज्‍यारु स्‍योक!’ ॱनागीन केक च्‍यीक घोरपालाक।

मारकु 13:31

नाम्‍खे श्‍यीङखाम धाङ जाम्‍बुलीङ येरी डुगीलाक, हीना ङी का नामा येगीमालाक।”

जेपा 1:7

येशुगी होदेक्‍याला सुवालाक, “दे धी़ धाङ ॱनामधी़ यापगी राङगी आङजाने ढीक्‍सा हो़तालाक, होझ्‍येरी खेक्‍याई होदे स्‍ये घो़गुमालाक।

२ पेटो 3:10

हीना चोवो फेप्‍कीन ङीमागो कुमु हुङगीन च्‍योक्‍रे हुङगीलाक। होदे ङीमाला नाम्‍खा नी, हुरडा क्षे ग्‍याप्‍ती येरी डुगीलाक धेनी झ्‍युङवा श्‍यी नी, मेगी तोरस्‍यीक ताङगीलाक धेनी साश्‍यी धाङ दी नाङ हो़गीन घीरी, को़न्‍क्षोकगी मेताला जेदु च्‍युक्‍कीलाक।

ॱङो़न्‍पा 1:1

ग्‍योक्‍जे डुप्‍घोये हीन्‍गीन ॱनेछुक्‍या, राङगी श्‍याप्‍चीपाक्‍याला तो़न्‍येगी क्षीदु, को़न्‍क्षोकगी येशु मास्‍यीकाला ॱनाङा जेजा ॱङो़न्‍पागो दे लाक। दे नी, खोङबागी राङगी भाङछेनला राङगी श्‍याप्‍ची, योहान्‍नाचारु झाङा जेदी ॱङो़न जेपालाक।

ॱङो़न्‍पा 3:3

होझ्‍येरी ख्‍यो़ला घी थोप्‍था धाङ ख्‍यी़ घी घोरकागोला तेन्‍पोमा ॱरुङ धेनी राङगी धीक्‍पा पारी सेम ग्‍युरवा तोङ। धेनी ख्‍यो़ ॱङीने ॱमेसो़ना, ङा ख्‍यो़चारु कुमा च्‍योक्‍रे हुङयेहीन धेनी ङा हुङगीनगी धी़चो़गो ख्‍यी़ ॱमेस्‍येगीलाक।