मारकु 13:27 - ॱलोवा

²⁷ धेनी खोङबागी खोरी भाङछेनक्‍या झाङगीलाक धेनी जाम्‍बुलीङगी थामाने, ॱनामगी थामा थुक्‍पे क्षोक श्‍यीने राङगी दाम्‍दा मीक्‍याला धुगीलाक।”

मारकु 13:27 Iomraidhean Croise

मेथा 12:42

ठीम चेगीन ङीमाला ल्‍हो स्‍योकगी स्‍येबा ग्‍याखापगी ग्‍यामु दे मीरापमुला लाङगीलाक धेनी देक्‍याला ठीम ताङगीलाक घीझ्‍येरी ॱनाना मो सोलोमोनगी स्‍येराप ङेन्‍येगी छीला जाम्‍बुलीङगी थाने होवालाक। धा तो़ दुरु, सोलोमोनने खाक्‍क्षे च्‍यीक दुक।”

मेथा 13:41

मी-भुगी खोरी भाङछेनक्‍या झाङगीलाक धेनी धीक्‍पा झ्‍यीदु च्‍युक्‍कीनक्‍या धाङ ङेन्‍पा झ्‍यीगीन घीरीला, खोङबागी ग्‍यासीने रुक्‍कीलाक

मेथा 13:49

थागी धी़चो़ला देरे झ्‍युङगीलाक। नाम्‍खे भाङछेनक्‍या फेप्‍ती ङेन्‍पाक्‍या ढाङाक्‍याने ॱयेवा पेगीलाक।

मेथा 24:22

धेनी होदे धी़चो़गी ङीमागो ङ्युङा माजे हो़ना, मी सुवा थारये मेक। हीना दाम्‍दा मीक्‍याई क्षीला ङीमा देक्‍या ङ्युङदु जेगीलाक।

मेथा 24:24

घीझ्‍येरी ॱनाना मास्‍यीका शोक्‍पोक्‍या धाङ ॱङो़नस्‍येखेन शोक्‍पोक्‍या माङा थो़न्‍गीलाक धेनी खुङक्‍याई ॱमीच्‍यीकी ॱहालेगीन ताकक्‍या धाङ लेगाक्‍या तो़न्‍दी गोकोर ताङगीलाक धेनी झ्‍युङना दाम्‍दाक्‍याला गो कोरकीलाक।

मेथा 24:31

धेनी खोङगी राङगी भाङछेनक्‍याला दुङकेक क्षेमुला झाङगीलाक धेनी खुङक्‍याई छोक श्‍यीने, नाम्‍खागी थाने थारु खोङगी दाम्‍दाक्‍याला धी़गीलाक।

मारकु 13:20

धेनी को़न्‍क्षोकगी होदे ङीमागी़ ढाङगा ङ्युङदु ॱमाता हो़ना, मी च्‍यीया सो़न्‍पो लेगीमालाक हीना खोङबागी दाम्‍दा मीक्‍याई क्षीला, होदे ङीमागी ढाङगा ङ्युङदु ताङा जे हो़तालाक।

मारकु 13:22

मास्‍यीका शोक्‍पोक्‍या धाङ ॱङो़नस्‍येखेन शोक्‍पोक्‍या थो़न्‍गीलाक धेनी ॱहाङसागीन ताक धाङ लेगाक्‍या तो़न्‍दी, घी थुप्‍तु को़न्‍क्षोकगी दाम्‍दाक्‍याला गो कोरकीलाक।

मारकु 13:28

येशुगी याङ सुवालाक, “सेयापगी दोङबोने ॱलापच्‍या लेन। दी यारकाक्‍या ङेन्‍पो झ्‍युरी लोमाक्‍या थो़न्‍लुङ मेताला, धा ॱयाक्‍का स्‍यारये झ्‍यीदी ॱनेरी खेक्‍याई ॱहाघोरालाक।

लुका 16:22

“धेनी उटे मीगो स्‍यीवालाक धेनी नाम्‍खे भाङछेनक्‍याई, खोला खेरती आब्‍राहामगी भोलोक्‍तु श्‍याक्‍पालाक। धेनी होदे क्षुक्‍पु मीगोवा स्‍यीरी रोगो सा होकला बेवालाक।

लुका 18:7

धेनी को़न्‍क्षोकगी राङगी दाम्‍दा मीक्‍याई ङीन्‍घाङ-छेन्‍घाङ सोवा ग्‍याप्‍ना, खुङक्‍याला ठीम ढाङपो चेदा जेगीमालाक से? खोङबागी खुङक्‍याला रोवा झ्‍यीयेला धाला जेगीलाक से?

योहान्‍ना 10:16

लुक्‍रा दी मेन्‍गीन, ङी लुक श्‍येम्‍माक्‍या हो़तालाक। ङी देक्‍यालाः ठीक घो़गुलाक धेनी देक्‍याई ङी केक ङेन्‍गीलाक। धेनी खुङक्‍या लुकख्‍यु च्‍यीकगी झीउ च्‍यीक झ्‍युङगीलाक।

योहान्‍ना 11:52

धेनी याहुदापे मीरीक क्षीला च्‍यीगा मेन्‍दा थोरती धेता, को़न्‍क्षोकगी से धाङ सेमोक्‍या च्‍यीकदु धी़येगी क्षीला स्‍येपालाक।

रोमापा 8:33

को़न्‍क्षोकगी दामा जेजाक्‍याला सी़ क्‍यो़न चुक थुक्‍कीले? ढाङपो जेगीन नी को़न्‍क्षोक लाक।

कोलोसेपा 3:12

होझ्‍येरी खेक्‍या को़न्‍क्षोकगी दाम्‍दा, धाम्‍पा धाङ चेवे मीक्‍या हीन्‍गीन झ्‍येरी, राङला ॱङीङजे धाङ काटीन धाङ ॱङ्यामच्‍युङ धाङ श्‍यीवा धाङ शो़पागी घो़ को़न।

२ थेसालोनीकेपा 2:1

पी़न्‍दाक्‍याओ, होरी चोवो येशु मास्‍यीका धाब्‍ले फेप्‍ये धाङ होराङ खोङबामुला ज्‍यायेगी कोरला हेक्‍या श्‍युवाहीन।

२ तीमोथेउ 2:10

होझ्‍येरी धाम्‍दा मीक्‍यागी दो़नला ङा घीरी शो़पा घोमीहो़क। देरे झ्‍येरी खुङक्‍याला थामेपे शीजेमुला, मास्‍यीका येशुने थारपा थोप्‍कीलाक।

१ पेटो 1:2

याप को़न्‍क्षोकगी एम्‍मानेराङ खेक्‍याला खेन्‍दा जेदी दामा जेपालाक धेनी खोङबागी थुक्‍ङीगी थोक्‍ने, खेक्‍याला धाम्‍पा जेपालाक। होझ्‍येरी खेक्‍याई येशु मास्‍यीकाला चीरी, खोङबागी कुठाकगी थोक्‍ने खेक्‍या चाङमा झ्‍युङ हो़तालाक। को़न्‍क्षोकगी खेक्‍याला, थुक्‍जे धाङ श्‍यीदे मेछो़ली ॱनाङास्‍योक।