मारकु 13:26 - ॱलोवा

²⁶ धेनी मी-भु ॱरीङगी खोकला ॱमीच्‍यीकी क्षे वाङ धाङ शीजेला फेप्‍कीनगो थोङगीलाक।

मारकु 13:26 Iomraidhean Croise

मेथा 16:17

धेनी येशुगी खोला सुवालाक, “योनागी भु सीमोन, ख्‍यो़ला झ्‍यीलाप थोप्‍पास्‍योक। घीझ्‍येरी ॱनाना मीने मेन्‍दा, नाम्‍खे श्‍यीङखामदु श्‍युक्‍कीन, ङी यापगीराङ ख्‍यो़ला दे तो़न जेपालाक।

मेथा 16:27

घीझ्‍येरी ॱनाना मी-भु नी, राङगी भाङछेनक्‍यामुला राङगी यापगी शीजेला फेप्‍कीलाक धेनी मी रे-रेला राङगी ज्‍यावाला थी़न्‍गीन लेन ॱनाङगीलाक।

मेथा 16:28

ङा धेन्‍पाराङ खेक्‍याला ॱनाहीन, दुरु लारी धेता मी रीङगागी, मी-भु राङगी ग्‍यासी वाङग्‍युरला फेप्‍कीनगो ॱमाथोङगीन थुक्‍पे, छीवा ङ्याङ घोगुमालाक।”

मेथा 24:30

“धेनी नाम्‍खारु मी-भुगी ताकगो झ्‍युङगीलाक धेनी जीक्‍तेनगी मीरीक घीरी ङ्याङेन झ्‍यीगीलाक धेनी मी-भु वाङ धाङ शीजेगी थोक्‍ने ॱरीङगी खाला फेप्‍गीनगो थोङगीलाक।

मेथा 25:31

“मी-भु राङगी भाङछेनक्‍यामुला राङगी शीजेला फेई घाङला, राङगी शीजे धेन्‍पे श्‍युक्‍ठीला श्‍युक्‍कीलाक।

मारकु 14:62

येशुगी सुवालाक, “ङा हीन। धेनी खेक्‍याई मी-भु कुवाङगी क्षाक ॱयेरु श्‍युकश्‍या, धाङ नाम्‍खाने ॱरीङक्‍यामुला भाप्‍कीनगो थोङगीलाक।”

मारकु 8:38

दे लोक्‍येम धाङ धीक्‍चेनगी मीराप दोङला, सी़ ङा धाङ ङी काला ङोजा झ्‍यीदी, होदेक्‍याला मी-भु राङगी यापगी शीजेगी नाङने, धाम्‍पे भाङछेनक्‍यामुला फेई घाङला, खी़या ङोजा झ्‍यीगीलाक।”

मारकु 9:1

धेनी येशुगी खुङक्‍याला सुवालाक, “दुरु लाङगीनक्‍याने रीङगागी को़न्‍क्षोकगी ग्‍यासी वाङला फेप्‍कीनगो माज्‍यागीन थुक्‍पे, स्‍यीगीमालाक ॱनेरी, ङा धेन्‍पाराङ ॱनाहीन।”

लुका 21:27

धेनी खुङक्‍याई ॱरीङगी खाला मी-भु, वाङ धाङ शीजेक्षेगी थोक्‍ने फेप्‍कीनगो ज्‍यागीलाक।

जेपा 1:11

होदे मी ङीउगी ॱनेवालाक, “खे गालीलगी मीक्‍याओ, खेक्‍या घीझ्‍येरी लारी ॱनाम स्‍योकला तेरी धेदाले? खेक्‍याई खोक्‍ने ठीया जेजा येशु नी, धान्‍दा नाम्‍खे श्‍यीङखामदु फेप्‍कीनगो खेक्‍याई थोथा च्‍योक्‍रे, याङ खोङबा खेक्‍याचारु देरेराङ झ्‍येरी फेप्‍कीलाक।”

१ थेसालोनीकेपा 4:16

घीझ्‍येरी ॱनाना चोवो खोङबाराङ नाम्‍खे श्‍यीङखामने, सुङकेक क्षे धाङ को़न्‍क्षोकगी भाङछेनक्‍याई भो़टाक धाङ को़न्‍क्षोकगी दुङक्षेगी केकमुला फेप्‍कीलाक। धेनी चोवो येशुला धेपा झ्‍येरी, ढोङगीनक्‍या एन्‍ला सो़न्‍पो ग्‍युरकीलाक।

२ पेटो 1:16

घीझ्‍येरी ॱनाना हीकी खेक्‍याला होरी चोवो येशु मास्‍यीकागी नी़थु धाङ खोङ फेप्‍ये हीन्‍गीनगी कोरला स्‍येदी घाङला, मीगी चोम्‍दी शो़सा ताम्‍पेक्‍या च्‍योक्‍रे ॱमास्‍ये, हीना खोङबागी शीजे हीकी ॱमीकगी ॱङो़न्‍सुम ज्‍यावालाक।

ॱङो़न्‍पा 1:7

“तो़दाङ, खोङबा ॱरीङबाक्‍याई खोक्‍ने फेवी।” धेनी “ॱमीक घीरीगी खोङला ज्‍यागीलाक, धेनी खोङबाला दुङ चुक्‍कीनक्‍यागीयाः ज्‍यागीलाक।” धेनी जीक्‍तेनगी मी घीरी “खोङबागी दो़न्‍दु ङुता ग्‍याप्‍कीलाक।” ताम दे धेन्‍पा झ्‍युङास्‍योक। आमेन।