मारकु 13:13 - ॱलोवा

¹³ धेनी ङी मीङगी क्षीला खेक्‍याला, मी घीरीगी थेदा मीझ्‍यीगीलाक। हीना थागी धी़चो़ थुक्‍पे शो़पा झ्‍येरी धेगीनक्‍या क्‍योप्‍कीलाक।”

मारकु 13:13 Iomraidhean Croise

मेथा 10:22

धेनी ङी मीङगी छीला, घीरीगी खेक्‍याला दाङा झ्‍यीगीलाक। हीना थामा थुक्‍पे शो़पा घोम्‍गीनगोला थारपा थोप्‍कीलाक।

मेथा 24:13

हीना था थुक्‍पे शो़पा घोम्‍गीनगोला, थारपा थोप्‍कीलाक।

मेथा 24:9

“धेनी मीमाङक्‍याई खेक्‍याला दुक्‍पु ताङयेला ची ग्‍याप्‍कीलाक धेनी सेदु च्‍युक्‍कीलाक धेनी ङी मीङगी क्षीला मीरीक घीरीगी खेक्‍याला दाङा झ्‍यीगीलाक।

मारकु 13:12

“होदे घाङला आज्‍योगी नोला सेदु च्‍युक्‍कीलाक धेनी आकीगी खोरी भीजाला सेदु चुक्‍कीलाक। धेनी टुवाक्‍या राङ फामागी डाला लाङगीलाक धेनी फामाला स्‍यीरु च्‍युक्‍कीलाक।

लुका 21:17

ङी मीङगी झ्‍येरी घीरीगी, खेक्‍याला दाङा झ्‍यीगीलाक।

लुका 6:22

मी-भुगी दो़न्‍दु, खेला मीक्‍याई दाङा झ्‍यीना, पेरी श्‍याक्‍ना धेनी ॱमेबेप ताङना, धेनी खीकी मीङला ङेन्‍पा चीना, खेक्‍या झ्‍यीलाप क्षे लाक।

योहान्‍ना 15:21

हीना ङी मीङगी केनगी, खुङक्‍याई दे घीरी खेक्‍याला झ्‍यीगीलाक घीझ्‍येरी ॱनाना ङाला ॱङाक्‍कीनगोला खुङक्‍याई ङो ॱमेस्‍येलालाक।

योहान्‍ना 17:14

ङी खेराङगी का खुङक्‍याला तेरपी हीना जीक्‍तेनगी खुङक्‍याला दाङा झ्‍येवालाक। घीझ्‍येरी ॱनाना ङा जीक्‍तेनगी मेन्‍गीन च्‍योक्‍रे, खुङक्‍या जीक्‍तेनगी मालाक।

रोमापा 2:7

धेनी शो़पागी गोने ले शाङा झ्‍येरी, शीजे धाङ कुरती धाङ छीवा मेगीन छे चागीन मीक्‍याला, खोङगी थामेपे छेसोक ॱनाङगीलाक।

गालातीयापा 6:9

धेनी शाङा झ्‍यीयेला होराङक्‍या थाङ क्षेये मेतालाक घीझ्‍येरी ॱनाना हुरे झ्‍यीना होराङला ढेबु धी़चो़ ताक-ताकला राक्‍कीलाक।

ईब्‍रीपा 10:39

हीना होराङ नी, ग्‍याप लोक्‍ती डोगीन धाङ मेताला डोगीनक्‍या मालाक। होराङक्‍या नी, धेपा झ्‍येरी थारपा थोप्‍थाक्‍या लाक।

ईब्‍रीपा 3:14

घीझ्‍येरी ॱनाना होराङगी गोमागी ॱलोतेला, था थुक्‍पे तेन्‍पो झ्‍येरी था ख्‍योला झ्‍यीना, होराङ मास्‍यीकागी लेरोक झ्‍युङालाक।

याकोब 1:12

दुक्‍पो ङ्याई घाङला शो़पा झ्‍यीगीन, मी झ्‍यीलाप क्षे लाक घीझ्‍येरी ॱनाना छो़ताने खो थारसारती, को़न्‍क्षोकगी राङला चेवा झ्‍यीगीनक्‍याला धाम्‍चा जेजा मीछेगी चो़पो़नगो, खोला थोप्‍कीलाक।

१ योहान्‍ना 3:13

ङी पी़नक्‍याओ, जीक्‍तेनगी खेक्‍याला दाङा झ्‍यीना, खेक्‍या ॱहाङ ॱमासाङ।

ॱङो़न्‍पा 2:10

धा ख्‍यी़ ङ्याङये हीन्‍गीन दुक्‍पुक्‍याने माजीक। तो़दाङ, खेक्‍याला छो़ता झ्‍यीयेगी क्षीदु, धी़कगी खेक्‍याने रीङगाला चो़न्‍खाङदु च्‍युक्‍कीलाक धेनी श्‍याक्‍मो च्‍यु थुक्‍पे, ख्‍यो़ला दुक्‍पु झ्‍युङगीलाक। ख्‍यो़ स्‍यीघो़ना धेपाला तेन्‍पो धो़क धेनी ङी ख्‍यो़ला छेसोकगी चो़पेन तेरु।

ॱङो़न्‍पा 3:10

खेक्‍याई शो़पा झ्‍यीघो़गीन ङी कागो ॱरुङरोवा झ्‍येरी, ङा ख्‍यो़ला साश्‍यीदु हो़गीन मी घीरीला छो़ता झ्‍यीयेला, जाम्‍बुलीङदु हुङये हीन्‍गीन होदे छो़तागी धी़चो़ने क्‍योप्‍येहीन।