मारकु 12:17 - ॱलोवा

¹⁷ धेनी येशुगी खुङक्‍याला सुवालाक, “केसारगी हीन्‍गीनगो केसारला तेर, धेनी को़न्‍क्षोकगी हीन्‍गीनगो को़न्‍क्षोकला पु।” धेनी दे लेन घोरती, खुङक्‍या ॱमीच्‍यीकी ॱहालेवालाक।

मारकु 12:17 Iomraidhean Croise

मेथा 22:21

खुङक्‍याई ॱनेवालाक, “केसारगी दुक।” धेनी खोङबागी खुङक्‍याला सुवालाक, “देरे हीन्‍ना केसारगी हीन्‍गीनगो केसारला तेर धेनी को़न्‍क्षोकगी हीन्‍गीनगो को़न्‍क्षोकला पु।”

मेथा 22:22

दे घोरती खुङक्‍या ॱहालेवालाक। धेनी खुङक्‍या खोङबाला भोरती सोवालाक।

मेथा 22:33

दे घोरती मीछोकक्‍या खोङबागी सुङगीनला ॱहालेवालाक।

मेथा 22:46

धेनी सी़या खोङबाला छीक च्‍यीया लेन श्‍यी़ ॱमाथुक्‍पालाक धेनी होदे ङीमाने ॱहाला सी़या, खोङबाला ढीवा कुयेगी ॱलोगोक माझ्‍येवालाक।

मेथा 8:10

येशुगी दे सेन्‍दी, खोङबा याम सावालाक धेनी खोङबागी स्‍याबाला डागीनक्‍याला सुवालाक, “ङा खेक्‍याला धेन्‍पाराङ ॱनाहीन, ईस्‍राएलगी नाङदु ङी दे च्‍योक्‍रे धेपा थोङ माङ्युङ।

मारकु 12:16

खुङक्‍याई येशुला टाङगा च्‍यीक तेरपालाक धेनी खोङबागी खुङक्‍याला ढीवालाक, “दे टाङगाला सी़ रीमो धाङ यीगे दो?” खुङक्‍याई ॱनेवालाक, “केसारगी दुक।”

मारकु 12:30

धेनी खेक्‍या खेरी चोवो को़न्‍क्षोकला राङगी ॱङीङ तीङने धाङ सेम नाङने धाङ यीद घीरी धाङ राङगी स्‍युक घीरीने चेवा झ्‍यी।’

लुका 20:25

धेनी खोङबागी होदेक्‍याला सुवालाक, “देरे हीन्‍ना ग्‍यावुगी हीन्‍गीनगो ग्‍यावुला तेर धेनी को़न्‍क्षोकगी हीन्‍गीनगो को़न्‍क्षोकला पु।”

रोमापा 12:1

होझ्‍येरी पी़नक्‍याओ, को़न्‍क्षोकगी खेक्‍याला ॱङीङजे शीया जेदी, खोङगी डुङदु धाम्‍पा धाङ थुक्‍ङेउ झ्‍युङयेला, राङगी ली़गो क्षो़पा सो़न्‍पो च्‍योक्‍रे फी़ ॱनेरी, ङा खेक्‍याला श्‍योवा पुलाहीन। देराङ खेक्‍याई खोङबाला पु घो़गीन क्षाक्‍क्षो़पा धेन्‍पागो लाक।

रोमापा 13:7

धेनी ज्‍याङ घोये हो़लेगोला ज्‍योङ। धा ठा ज्‍याङ घोये हो़ना ठा ज्‍योङ धेनी छोङठा ज्‍याङ घोये हो़ना छोङठा ज्‍योङ धेनी घुस्‍याप झ्‍यी घो़गीनला घुस्‍याप झ्‍यी धेनी ची घो़गीनला ची।

रोमापा 6:13

राङगी ली़गी येन्‍लाक च्‍यीया ङेन्‍पे लाक्‍चा च्‍योक्‍रे, धीक्‍पा झ्‍यीयेला ॱमातेर हीना छीवाने सो़न्‍पोला ठीक्‍ती होवा मीक्‍या च्‍योक्‍रे राङला को़न्‍क्षोकगी डुङदु फी़। धेनी राङगी येन्‍लाकक्‍या घीरी, ढाङतेनगी लेगा झ्‍यीगीन लाक्‍चा च्‍योक्‍रे को़न्‍क्षोकला फी़।

१ पेटो 2:17

घीरीला घुस्‍याप झ्‍यी। धेनी मास्‍यीकावा पी़नक्‍याला चेवा झ्‍यी। धेनी को़न्‍क्षोकला जीक्‍नाङ झ्‍यी। धेनी ग्‍यावुक्‍याला कुरती झ्‍यी।