मारकु 12:10 - ॱलोवा

¹⁰ धाम्‍पे सुङरापला ढीक्‍टा दे, खेक्‍याई माढोक हो़ती? ‘खाङबा शोगीनक्‍याई फेन ॱमेथोक्‍कीन ॱनेरी, ॱयुक्‍कीन धोगोङगो राङ शुरधोगो झ्‍युदुक,

मारकु 12:10 Iomraidhean Croise

मेथा 12:3

खोङबागी खुङक्‍याला सुवालाक, “ग्‍यावु दावीद धाङ खी़मुला हो़गीन मीक्‍या तोई घाङला, खी़ घी झ्‍यीगीनगो खेक्‍याई माढोक हो़ती?

मेथा 19:4

खोङबागी सुवालाक, “‘को़पापोगी एम्‍मानेराङ, खुङक्‍याला भु धाङ भोमो को़वा जेगीनगो’ खेक्‍याई सुङरापला माढोक हो़ती?

मेथा 21:16

धेनी खुङक्‍याई येशुला ढीवालाक, “देक्‍याई घी ॱनी ख्‍यी़ घोरी?” धेनी येशुगी खुङक्‍याला सुवालाक, “घोरी। ‘टुवाक्‍या धाङ होमा थुङगीन ॱमाङ्याकक्‍याई खाने, खेराङगी तो़टा झ्‍यीदु च्‍युक्‍दुक।’ ॱनेरी सुङरापला ढीक्‍टागो खेक्‍याई नामा ॱमालोक हो़ती?”

मेथा 21:42

येशुगी खुङक्‍याला सुवालाक, “खेक्‍याई सुङरापला दे माढोक हेती, ‘चीक्‍पो़नक्‍याई पारी श्‍याक्‍सा धोगोङगो, शुरगी धोगोङ चोगो झ्‍युदुक। दे नी चोवोगी जेदाङ लाक धेनी, दे होरी ॱमीक्‍वाला याम्‍साङा दुक।’

मेथा 22:31

धेनी स्‍यीम्‍बुने सो़न्‍पो लाङगीनगी कोरला, को़न्‍क्षोकगी खेक्‍याला घी सुङगीनगो खीकी माढोक हो़ती?

मारकु 12:26

धेनी छीवाने याङ सो़न्‍पो लाङगीनगी कोरला, खेक्‍याई मोशेगी क्षो़ठीमगी धेपला मे भारती धेता छेम्‍मागी खोक्‍ने को़न्‍क्षोकगी मोशेला, ‘ङा आब्‍राहामगी को़न्‍क्षोक धाङ ईसाकगी को़न्‍क्षोक धाङ याकोबगी को़न्‍क्षोक हीन।’ सुरी सुङगीन दे माढोक हो़ती?

मारकु 12:9

“धा दुम्‍रागी दाक्‍पोगी़ घी झ्‍यीदी हेटी़? खो होरी होदे श्‍यीङबाक्‍याला सेगीलाक धेनी दुम्‍रागो मी श्‍येम्‍माक्‍याला तेरकीलाक।

मारकु 13:14

“हुङयेराङ मेगीन साज्‍याला, खेक्‍याई ॱमीच्‍यीकी आम्‍लोवा क्‍यो़न ताङगीन ॱमेचाङा च्‍यीक लारी धेता थोङगीलाक (दी दो़न ढोक्‍कीनक्‍याई ॱहाघोरास्‍योक)। होदे घाङला, युदेयाला हो़गीनक्‍या रीक्‍या स्‍योकला डो़री डोवास्‍योक।

मारकु 2:25

खोङबागी खुङक्‍याला सुवालाक, “दावीद धाङ खी़मुला हो़गीनक्‍या तोक्‍ती शामा घो़ली घाङला, दावीदगी घी झ्‍येवाले ॱनेरी खेक्‍याई नामा माढोक हो़ती?

लुका 6:3

धेनी येशुगी खुङक्‍याला सुवालाक, “दावीद धाङ खी़मुला हो़गीनक्‍या फोवा तोई घाङला, खी़ घी झ्‍यीगीनगो खेक्‍याई माढोक हो़ती?

रोमापा 9:33

दी कोरला सुङरापला देरे ढीक हो़तालाक, “तो़दाङ, ङा सीयोनदु थोक्‍कीन धाङ गेरु च्‍युक्‍कीन, धोगोङ च्‍यीक श्‍याक्‍येहीन। हीना खोङला धेपा झ्‍यीगीन सुवाः ङोछाला ॱमीछी़गीलाक।”