मारकु 12:1 - ॱलोवा

¹ येशुगी खुङक्‍याला पेगी थोक्‍ने सुवालाक, “मी च्‍यीकगी दुम्‍रा नाङदु घुन्‍डुम ताप्‍ती, होदेगी थाकोरला चीक्‍पा चीक्‍पालाक। धेनी घुन्‍डुम चीरयेला, सादोङ ढी़वालाक। धेनी चोक्‍खार च्‍यीक शो़री श्‍यीङबाक्‍याला, होदे दुम्‍रागो बोक्‍माला तेरपालाक धेनी खो यु श्‍येम्‍मा च्‍यीकला सोवालाक।

मारकु 12:1 Iomraidhean Croise

मेथा 13:3

धेनी खोङबागी मीमाङक्‍याला पेक्‍याई गोने क्षो़ माङा सुङा जेपालाक। खोङबागी सुवालाक, “साङा ताप्‍कीन च्‍यीक साङा ताप्‍तु सोवालाक।

मेथा 21:28

येशुगी सुवालाक, “खेक्‍याई साम्‍लो देला घारे हेतो? धा मी च्‍यीकला भीजा ॱङी हो़तालाक। धेनी खो भीजा क्षेगो चारु सोरी ॱनेवालाक, ‘भीजो, सोरी धीरीङ घुन्‍डुमगी दुम्‍रादु लेगा झ्‍यीले।’

मेथा 21:33

येशुगी याङ सुवालाक, “पे श्‍येम्‍मा च्‍यीक ङेन। नाङगी दाक्‍पो च्‍यीकगी घुन्‍डुम दुम्‍रा च्‍यीक ताप्‍ती, छोक श्‍यीला बार कोरपालाक। धेनी घुन्‍क्षाङ चीरछे शो़री, थोक्‍खाङ च्‍यीक शो़वालाक धेनी होदे दुम्‍रा बोक्‍माला तारी, खोराङ यु श्‍येम्‍मा च्‍यीकला सोवालाक।

मेथा 21:34

धेनी ढेबु धुगीन धी़चो़ हुङाराङ, खी़ खोरी कादा लेन्‍दु ॱयोक्‍पोक्‍याला होदे बोक्‍माला लेन्‍गीनक्‍याचारु तावालाक।

मेथा 25:14

“नाम्‍खे ग्‍यासी नी ढु ग्‍याप्‍तु डुगीन मी च्‍यीक च्‍योक्‍रे लाक। खी़ खोरी ॱयोक्‍पोक्‍याला भो़री, खोरी ग्‍युनोरगो खुङक्‍याला ची ग्‍याप्‍पालाक।

मारकु 11:33

होझ्‍येरी खुङक्‍याई येशुला लेन ग्‍याप्‍पालाक, “हेक्‍याला स्‍येयेमेक।” धेनी येशुगी खुङक्‍याला सुवालाक, “ता देरे हीन्‍ना, ङा आङजा घाने देक्‍या झ्‍यीदाले ॱनेरी, खेक्‍याला स्‍येयेमेन।”

मारकु 13:34

दे नी मी च्‍यीक खोरी नाङ ॱयोक्‍पोक्‍याला ची ग्‍याप्‍ती, खोराङ ढु ग्‍याप्‍तु डुगीन च्‍योक्‍रे लाक। दाक्‍पोगी़ खोरी ॱयोक्‍पोक्‍याला मीरी-मीरी लेगा कुरी, धेनी घोरेगोला ॱङी मालोक्‍वा धो़क ॱनागीलाक।

मारकु 3:23

धेनी येशुगी खुङक्‍याला भो़री, पे ढारे सुवालाक, “धी़क राङगी राङला घाङगी झ्‍येरी तो़न थुक्‍कीले?

मारकु 4:2

खोङबागी मीक्‍याला पेक्‍या थोक्‍ने, ॱलापच्‍या ॱमीच्‍यीकी माङा ॱलावा जेपालाक। धेनी खोङबागी पेक्‍याने च्‍यीक देरे सुवालाक,

लुका 15:13

धेनी श्‍याक्‍मो तीते स्‍याम्‍नेराङ, भीजा च्‍युङागो ग्‍युनोर घीरी खेरती, थाकरीङागी यु च्‍यीकला सोवालाक। धेनी होदुरु खोरी ग्‍यु घीरी ङ्याम तारी ॱयावालाक।

लुका 19:12

होझ्‍येरी खोङबागी सुवालाक, “कुटाक्‍पा च्‍यीक ग्‍यावुगी आङजा थोप्‍ये धाङ लोक्‍ती हुङयेला, यु थाक्‍रीङा च्‍यीकदु सोवालाक।

लुका 22:9

खुङ ङीउगी खोङबाला श्‍यी़वालाक, “हेक्‍या दे घारु डाढीक झ्‍यीये?”

लुका 8:10

खोङबागी सुवालाक, “खेक्‍याला को़न्‍क्षोकगी ग्‍यासीगी साङवागी स्‍येराप ॱनाङ हो़तालाक हीना श्‍येम्‍माक्‍याला ङा पेने ॱनालाक। होझ्‍येरी सुङरापला हो़गीन दे डुप्‍पालाक ‘देक्‍याई तेरीयाः ॱमेथोङगीलाक, धेनी ङेन्‍दीयाः मेघोरकीलाक।’

जेपा 7:38

दे होदे मोशेराङ लाक। ईस्‍राएल्‍पाक्‍या रीतोङदु धेदी घाङला, सीना रीरु नाम्‍खे भाङछेनगी मोशे धाङ होरी धाङबी फामाक्‍यामुला कामो़न सुवालाक। धेनी को़न्‍क्षोकगी खोला होरी क्षीला, छे ॱनाङगीन का ॱनाङवालाक।